പ്രശ്​നം പരിഹരിച്ചു; രാജൻ വർഗീസി​െൻറ മൃതദേഹം ഇന്ന്​  നാട്ടിലെത്തും

ദമ്മാം: നിയമ പ്രശ്​നത്തെ തുടർന്ന്​ കഴിഞ്ഞ ദിവസം ദമ്മാം എയർപോർട്ടിൽ നിന്ന്​ തിരിച്ചയച്ച തിരുവനന്തപുരം വെമ്പായം സ്വദേശി രാജന്‍ വര്‍ഗീസി​​​െൻറ മൃതദേഹം വ്യാഴാഴ്​ച നാട്ടിലെത്തും. പ്രശ്​നം പരിഹരിച്ച്​ ബുധനാഴ്​ച രാ​ത്രി  മൃതദേഹം ഇത്തിഹാദ്​ എയർവെയ്​സിൽ  നാട്ടിലേക്ക്​ കൊണ്ടു പോയി. വാഹനാപകടക്കേസിൽ 29000 റിയാൽ രാജൻവർഗീസി​​​െൻറ പേരിൽ ബാധ്യത ബാക്കിയുള്ളതാണ്​ എമിഗ്രേഷൻ ക്ലിയറൻസിന്​ തടസ്സമായിരുന്നത്​. പ്രശ്​നം പരിഹരിക്കാൻ അദ്ദേഹത്തി​​​െൻറ തൊഴിലുടമ വേണ്ട നടപടികൾ  സ്വീകരിച്ചതോടെ  മൃതദേഹം കൊണ്ട്​ പോകുന്നതിന്​ തടസ്സം നീങ്ങുകയായിരുന്നു. വാഹനാപകടക്കേസ്​ രേഖപ്പെടുത്തു​േമ്പാൾ ഇദ്ദേഹത്തി​​​െൻറ പഴയ ഇഖാമ നമ്പർ രേഖപ്പെടുത്തിയതിനാൽ ആർക്കാണ്​ ബാധ്യത എന്നറിയാതെ അന്വേഷണത്തിലായിരുന്നു പൊലീസ്​. ഒടുവിൽ പ്രശ്​നം കണ്ടെത്തി പരിഹരിക്കാൻ പൊലീസ്​ തന്നെ ഉൗർജിതനടപടികൾ സ്വീകരിച്ചു. 

കഴിഞ്ഞ ജനുവരിയിലാണ്​ രാജൻ വർഗീസ്​ പൊള്ളലേറ്റ്​ മരിച്ചത്​. രാത്രി ഉറങ്ങു​േമ്പാൾ വൈദ്യുതി ഷോര്‍ട്ട്​ സർക്യൂട്ടിനെ തുടർന്ന്​  മുറിക്ക് തീപിടിക്കുകയായിരുന്നു. തുടര്‍ന്ന് ബന്ധുക്കളുടെ ആവശ്യപ്രകാരം മൃതദേഹം നാട്ടില്‍ എത്തിക്കാനുള്ള നടപടികള്‍ ആരംഭിച്ചു. അസ്വാഭാവിക മരണമായതിനാല്‍  ദുരൂഹതയില്ലെന്ന് ഉറപ്പ് വരുത്തുന്നതിന് പോലീസ് പോസ്​റ്റ്​മോര്‍ട്ടവും തുടര്‍ അന്വേഷണവും പ്രഖ്യാപിച്ചു. ഇതിനാല്‍ മൃതദേഹം നാട്ടിലയക്കുന്നത് നീണ്ടു . ഒടുവിൽ നടപടികള്‍ പൂര്‍ത്തിയാക്കി മൃതദേഹം നാട്ടിലേക്ക് അയക്കാന്‍ കഴിഞ്ഞ ദിവസം എയര്‍പോര്‍ട്ടിലെത്തിയപ്പോഴാണ്  റോഡപകട കേസില്‍ എതിര്‍ കക്ഷിക്ക് നഷ്​ടപരിഹാരം നല്‍കാനുണ്ടെന്നും അത്് നല്‍കിയിട്ടില്ലെന്നും അറിയുന്നത്. 

പഴയ കേസ് ഫയലുകള്‍ ട്രാഫിക് വിഭാഗം ഓഫീസില്‍ നിന്ന്​ ശേഖരിച്ച്​ പൊലീസ്​ അന്നുമുതൽ അന്വേഷണം തുടങ്ങിയിരുന്നു.  വ്യക്​തികള്‍ തമ്മിലുള്ള കേസ് ആയതിനാല്‍ എതിര്‍ കക്ഷിയുടെ അനുവാദം ഉണ്ടെങ്കില്‍ മാത്രമെ  സൗദി നിയമപ്രകാരം യാത്രാതടസ്സം നീങ്ങൂ. സാമൂഹിക പ്രവർത്തകനായ നാസ്​ വക്കമാണ്​ വിഷയത്തിൽ  കുടുംബത്തിന്​ വേണ്ടി ഇടപെട്ടത്​.