മദീന മേഖലയിൽ കനത്ത മഴ; വെള്ളത്തിൽ കുടുങ്ങിയ 40 പേരെ രക്ഷിച്ചു

മദീന: മദീന, അൽഉല, യാമ്പു മേഖലകളിൽ കനത്ത മഴ. വെള്ളിയാഴ്​ച രാവിലെയാണ്​ കാലാവസ്​ഥയിൽ പെട്ടന്ന്​ മാറ്റമുണ്ടായത്​ . കനത്ത മഴയെ തുടർന്ന്​ വെള്ളത്തിൽ കുടുങ്ങിയ 40 ലധികം പേരെ രക്ഷപ്പെടുത്തിയതായി മദീന സിവിൽ ഡിഫൻസ്​ വക്​താവ്​ ഖാലിദ്​ അൽജുഹ്​നി പറഞ്ഞു. യാമ്പുവിലെ അൽബന്ദർ ഡിസ്​ട്രിക്​റ്റിൽ മഴയെ തുടർന്ന്​ മേൽകൂര തകർന്ന്​​ വീടിനുള്ളിൽ കുടുങ്ങിയ ഭിന്നശേഷിക്കാരായ രണ്ട്​ കുട്ടികളും ഇതിലുൾപ്പെടും. കുട്ടികൾക്ക്​ പരി​ക്കൊന്നും പറ്റിയിട്ടില്ല. മദീന മേഖലയുടെ വിവിധ ഭാഗങ്ങളിൽ ആലിപ്പഴ വർഷത്തോടെയുള്ള കനത്ത മഴയാണുണ്ടായത്​. മദീന, അൽഉല, യാമ്പൂ എന്നീ സ്​ഥലങ്ങളിൽ കനത്ത തോതിൽ തന്നെ മഴ പെയ്​തു.

അൽ ഉലയിൽ മഴ ദുരിതബാധിതരായവർക്ക്​ താമസ സൗകര്യമൊരുക്കാൻ അൽഉല ഗവർണർ മുബാറക്​ അൽമൗറഖി നിർദേശിച്ചു. ‘ഫർണിഷ്​ഡ്​ അപാർട്ട്​മ​​െൻറു’കളി​​േലക്ക് മാറ്റാനാണ്​ നിർദേശം. അൽഉലയുടെ വിവിധ ഭാഗങ്ങളിലും നല്ല മഴയുണ്ടായത്​. റോഡുകളിലും താഴ്​വരകളിലും വെള്ളം കവിഞ്ഞൊഴുകി. വീടുകൾക്ക്​ കേടുപാടുകളുണ്ടായി. പല ഭാഗങ്ങളിലും നാശനഷ്​ടങ്ങളുണ്ടായതായി റിപ്പോർട്ടുണ്ട്​. സിവിൽ ഡിഫൻസും ബന്ധപ്പെട്ട വകുപ്പുകളും രക്ഷാപ്രവർത്തനങ്ങൾക്കായി രംഗത്തിറങ്ങിയിട്ടുണ്ട്​.