റിയാദിൽ കുളിർമഴക്കാലം

റിയാദ്​: റിയാദിലും  പരിസരങ്ങളിലും കാലവർഷത്തിന്​ സമാനമായ മഴക്കാലം. ബുധനാഴ്​ച പുലരിയിൽ തുടങ്ങിയ മഴ വൈകുന്നേരവും തുടർന്നു. എങ്ങും നനഞ്ഞ്​ കുതിർന്ന അന്തരീക്ഷം. കഴിഞ്ഞ ദിവസങ്ങളിലെ പൊടിക്കാറ്റിന്​ പിന്നാലെയെത്തിയ മഴ ജനജീവിതത്തിന് കുളിർമയേകി. ഇടിമിന്നലി​​​​​െൻറ അകമ്പടിയോടെയാണ്​ ബുധനാഴ്​ച പകൽ പലനേരങ്ങളിലായി മഴ പെയ്​തത്​. ആകാശം സദാ മേഘാവൃതമായിരുന്നു. റോഡുകളിൽ വെള്ളക്കെട്ട്​.  പൊടിമാലിന്യങ്ങളിൽ നിന്ന്​ കഴുകിത്തെളിഞ്ഞ തെരുവുകൾ.

മലയാളികൾക്ക്​ നാട്ടിലെ കാലവർഷം റിയാദിലും അനുഭവപ്പെട്ട ദിനം. മുൻവർഷങ്ങളിൽ ഏപ്രിൽ അവസാനിക്കു​േമ്പാഴേക്കും കനത്ത ചൂടിൽ പൊള്ളിയിരുന്ന തലസ്​ഥാനനഗരി ഇത്തവണ കുളിരണിഞ്ഞത്​ അപൂർവാനുഭവമായെന്ന്​  ദേശവാസികൾ പറഞ്ഞു. വരും ദിവസങ്ങളിലും മഴയുണ്ടാവുമെന്നാണ്​ കാലാവസ്​ഥ വിഭാഗം അറിയിച്ചത്​. സാധാരണ പൊടിക്കാറ്റിന്​ പിന്നാലെ കാലാവസ്​ഥ കടും ചൂടിലേക്ക്​ മാറുകയാണ്​ പതിവ്​. ഇത്തവണ പക്ഷെ പതിവ്​ തെറ്റുകയാണ്​. മിതശീതോഷ്​ണമായിരുന്നു കഴിഞ്ഞ ഫെബ്രുവരി മുതൽ.  പൊടിക്കാറ്റ്​ പല തവണ വന്നു​പോയി. ഇത്തവണ സാമാന്യം നല്ല മഴയും ലഭിച്ചു.