അസീറിൽ കനത്തമഴയും ആലിപ്പഴ വർഷവും

തനൂമ: അസിറിലെ വിവിധ പ്രദേശങ്ങളിൽ ശക്തമായ മഴയും ആലിപ്പഴവർഷവും. ഏതാനും ദിവസമായി അസീറിൽ  വിവിധ ഭാഗങ്ങളിൽ മഴ തുടരുകയാണ്​. തിങ്കളാഴ്​ച ബല്ലസ്മാറിൽ പെയ്ത മഴയും ആലിപ്പഴവർഷവും ഗതാഗതത്തെയും ജനജീവിധത്തെയും സാരമായി ബാധിച്ചു. ശക്തമായ മഞ്ഞ് വീഴ്ചയിൽ കിങ്​ഖാലിദ് യൂണിവേഴ്സിറ്റി നടത്തിവന്ന മെഡിക്കൽ ക്യാമ്പി​​​െൻറ പ്രവർത്തനം തടസപ്പെട്ടു. ആലിപ്പഴം വീണ്​ നിരവധി വാഹനങ്ങൾക്ക് കേടുപാട് സംഭവിച്ചു.  ഫയർഫോഴ്സും പൊലീസും മുൻസിപ്പാലിറ്റിയും ദ്രുതഗതിയിൽ ഉണർന്ന് ശ്രമിച്ചതിനാൽ കൂടുതൽ ബുദ്ധിമുട്ടുകൾ ഒഴിവായി.  അബ്ഹ, ഖമീസ് മുശൈത്ത്, നമാസ്, തനൂമ, ബല്ലഹ്​മർ, ബല്ലസ്മാർ എന്നിവിടങ്ങളിലും മഴ തുടരുകയാണ്​. 
​