മക്കയിൽ മഴ; ത്വാഇഫ്​ ചുരം അടച്ചു

മക്ക: മക്കയുടെ വിവിധ ഭാഗങ്ങളിൽ ഇന്നലെ മഴ പെയ്​തു. തെക്ക്​ ഭാഗത്തെ ഡിസ്​​ട്രിക്​റ്റുകളിലാണ്​ കൂടുതൽ മഴ ലഭിച്ചത്​. കിഴക്ക്​ ഭാഗത്തെ ചില ഡിസ്​ട്രിക്​റ്റുകളിലും ത്വാഇഫി​​​െൻറ വിവിധ ഭാഗങ്ങളിലും മഴയുണ്ടായി. മുൻകരുതലെന്നോണം ഉച്ചക്ക്​ ശേഷം അൽഹദാ ചുരം റോഡും ത്വാഇഫിനെ മക്കയുമായി ബന്ധിപ്പിക്കുന്ന അൽകറാ റോഡും അടച്ചിട്ടു. മലമുകളി​ൽ നിന്ന്​ പാറക്കല്ലുകൾ റോഡിലേക്ക്​ വീണ്​ അപകടമുണ്ടാകുന്നത്​ ഒഴിവാക്കാനാണ്​ ചുരം റോഡുകൾ അടച്ചത്​. ശനിയാഴ്​ചയും ത്വാഇഫി​​​െൻറ വിവിധ ഭാഗങ്ങളിൽ നേരിയ മഴയുണ്ടായിരുന്നു. അൽബാഹ, ബൽജുറുഷി തുടങ്ങിയ വിവിധ മേഖലകളിലും ഇന്നലെ മഴയുണ്ടായി.

കിക്കൻ പ്രവിശ്യയിൽ കാറ്റിന്​ സാധ്യത
ദമ്മാം: കിഴക്കൻ പ്രവിശ്യയിൽ ശക്​തമായ കാറ്റിന്​ സാധ്യതയുണ്ടെന്ന്​  അധികൃതർ അറിയച്ചു. കാലാവസ്ഥ വ്യതിയാനം തിങ്കളാഴ്​ച വരെ തുടരും. പൊടിക്കാറ്റുണ്ടാവുന്നതിനാൽ വാഹനങ്ങൾക്ക്​  അപകട സാധ്യതയുണ്ട്​. ജനങ്ങൾ അത്യാവശ്യത്തിന്​  മാത്രമേ പുറത്തിറങ്ങാവൂ എന്ന മുന്നറിയിപ്പുണ്ട്​.