ല​ഹ​രി​ക്ക​ട​ത്ത് റെയ്​ഡ്​ തുടരുന്നു; നിരവധി പേർ അറസ്​റ്റിൽ

അ​ൽ​ഖോ​ബാ​ർ: സൗ​ദി​യി​ലു​ട​നീ​ളം ന​ട​ന്ന വി​വി​ധ മ​യ​ക്കു​മ​രു​ന്ന് റെ​യ്ഡു​ക​ളി​ൽ അ​ധി​കൃ​ത​ർ നി​ര​വ​ധി പേ​രെ അ​റ​സ്​​റ്റ്​ ചെ​യ്തു. ഹ​ഷീ​ഷ്, ആം​ഫെ​റ്റാ​മൈ​ൻ, മ​യ​ക്കു​മ​രു​ന്ന് ഗു​ളി​ക​ക​ൾ എ​ന്നി​വ വി​ൽ​ക്കാ​ൻ ശ്ര​മി​ച്ച​തി​ന് അ​ൽ​ഖ​സീം പ്ര​വി​ശ്യ​യി​ലെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് നാ​ർ​ക്കോ​ട്ടി​ക് ക​ൺ​ട്രോ​ൾ ഓ​ഫി​സ​ർ ഒ​രാ​ളെ അ​റ​സ്​​റ്റ്​ ചെ​യ്തു. ആം​ഫെ​റ്റാ​മൈ​നും ഖാ​ത്തും വി​ൽ​ക്കാ​ൻ ശ്ര​മി​ച്ച​തി​ന് ര​ണ്ടു​പേ​രെ ജീ​സാ​നി​ലെ പൊ​ലീ​സ് ഉ​ദ്യോ​ഗ​സ്ഥ​ർ ക​സ്​​റ്റ​ഡി​യി​ലെ​ടു​ത്തു. ഇ​വ​രി​ൽ​നി​ന്ന് വ​ൻ​തു​ക​യും ക​ണ്ടെ​ത്തി​യി​ട്ടു​ണ്ട്.

ജീ​സാ​ൻ മേ​ഖ​ല​യി​ലെ അ​ൽ​അ​ർ​ദ സെ​ക്ട​റി​ൽ ബോ​ർ​ഡ​ർ ഗാ​ർ​ഡ് ലാ​ൻ​ഡ് പ​ട്രോ​ളി​ങ്​ സം​ഘം 475 കി​ലോ​ഗ്രാം ഖാ​ത്ത് ക​ട​ത്താ​നു​ള്ള ര​ണ്ട് ശ്ര​മ​ങ്ങ​ൾ പ​രാ​ജ​യ​പ്പെ​ടു​ത്തി. അ​സീ​ർ മേ​ഖ​ല​യി​ൽ 39.6 കി​ലോ ഹ​ഷീ​ഷ് വി​ൽ​ക്കാ​ൻ ശ്ര​മി​ച്ച​തി​നും തോ​ക്കു​ക​ളും വെ​ടി​ക്കോ​പ്പു​ക​ളും കൈ​വ​ശം​വെ​ച്ച​തി​നും ര​ണ്ടു​പേ​രെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് നാ​ർ​കോ​ട്ടി​ക് ക​ൺ​ട്രോ​ൾ അ​റ​സ്​​റ്റ്​ ചെ​യ്തു.

പി​ടി​ച്ചെ​ടു​ത്ത ല​ഹ​രി​വ​സ്തു​ക്ക​ൾ അ​ധി​കാ​രി​ക​ൾ​ക്ക് കൈ​മാ​റു​ക​യും അ​റ​സ്​​റ്റി​ലാ​യ​വ​രെ പ​ബ്ലി​ക് പ്രോ​സി​ക്യൂ​ഷ​ന് റ​ഫ​ർ ചെ​യ്യു​ക​യും ചെ​യ്തു. സം​ശ​യാ​സ്പ​ദ ക​ള്ള​ക്ക​ട​ത്തോ മ​റ്റ് ലം​ഘ​ന​ങ്ങ​ളോ ശ്ര​ദ്ധ​യി​ൽ​പെ​ട്ടാ​ൽ 1910@zatca.gov.sa എ​ന്ന ഇ-​മെ​യി​ൽ വ​ഴി​യോ രാ​ജ്യ​ത്തി​ന​ക​ത്ത് നി​ന്ന് 1910 എ​ന്ന ന​മ്പ​റി​ലോ വി​ദേ​ശ​ത്ത് നി​ന്ന് +966114208417എ​ന്ന ന​മ്പ​റി​ലോ ബ​ന്ധ​പ്പെ​ടാ​ൻ പൊ​തു​ജ​ന​ത്തോ​ട്​ അ​ധി​കൃ​ത​ർ ആ​വ​ശ്യ​പ്പെ​ട്ടു. കു​റ്റ​കൃ​ത്യം സം​ബ​ന്ധി​ച്ച വി​വ​ര​ങ്ങ​ൾ ന​ൽ​കു​ന്ന​വ​ർ​ക്ക് സാ​മ്പ​ത്തി​ക പാ​രി​തോ​ഷി​കം ല​ഭി​ക്കും.

ജ​യി​ലു​ക​ളി​ൽ 350ഓ​ളം ഇ​ന്ത്യ​ക്കാ​രും

റി​യാ​ദ്: മ​യ​ക്കു​മ​രു​ന്ന്​ കേ​സു​ക​ളി​ൽ സൗ​ദി അ​റേ​ബ്യ​യി​ലെ ജ​യി​ലു​ക​ളി​ൽ മ​ല​യാ​ളി​ക​ള​ട​ക്കം 350ഓ​ളം ഇ​ന്ത്യ​ക്കാ​രു​ണ്ടെ​ന്ന്​ റി​പ്പോ​ർ​ട്ട്. മ​യ​ക്കു​മ​രു​ന്നി​നെ​തി​രെ ആ​ഭ്യ​ന്ത​ര​മ​ന്ത്രാ​ല​യം കാ​മ്പ​യി​ൻ ശ​ക്ത​മാ​ക്കി പ​രി​ശോ​ധ​ന തു​ട​രു​ന്ന​തി​നി​ടെ​യാ​ണ് ഇ​ത്ര​യ​ധി​കം ഇ​ന്ത്യ​ക്കാ​ർ കേ​സു​ക​ളി​ല​ക​പ്പെ​ട്ട് ജ​യി​ലു​ക​ളി​ൽ ക​ഴി​യു​ന്ന​ത്. മ​ദ്യം, തം​ബാ​ക്ക്, മ​യ​ക്കു​മ​രു​ന്ന് ഗു​ളി​ക​ക​ൾ, ക​ഞ്ചാ​വ്, ഖാ​ത്ത് തു​ട​ങ്ങി​യ​വ​യു​ടെ ക​ട​ത്തും വി​ല്പ​ന​യു​മാ​ണ് ഇ​വ​രി​ൽ ചു​മ​ത്തി​യ കു​റ്റം.

റി​യാ​ദ് ഇ​ന്ത്യ​ൻ എം​ബ​സി​യു​ടെ പ​രി​ധി​യി​ൽ റി​യാ​ദ് ഉ​ൾ​പ്പെ​ടെ​യു​ള്ള മ​ധ്യ​പ്ര​വി​ശ്യ​യി​ലെ​യും ദ​മ്മാം ഉ​ൾ​പ്പ​ടെ​യു​ള്ള കി​ഴ​ക്ക​ൻ പ്ര​വി​ശ്യ​യി​ലെ​യും ജ​യി​ലു​ക​ളി​ൽ 225 ഇ​ന്ത്യ​ക്കാ​രാ​ണ് മ​യ​ക്കു​മ​രു​ന്ന് കേ​സി​ൽ ക​ഴി​യു​ന്ന​ത്. ജി​ദ്ദ​യി​ലെ ഇ​ന്ത്യ​ൻ കോ​ൺ​സു​ലേ​റ്റി​െൻറ പ​രി​ധി​യി​ൽ നൂ​റോ​ളം ഇ​ന്ത്യ​ക്കാ​രും ജ​യി​ലി​ലു​​ണ്ട്. മ​യ​ക്കു​മ​രു​ന്ന് ക​ട​ത്തി​ന് വ​ധ​ശി​ക്ഷ​യാ​ണ് നി​യ​മം. 2013നു​ശേ​ഷം ഇ​താ​ദ്യ​മാ​യി ഒ​രു ഇ​ന്ത്യ​ക്കാ​ര​ൻ വ​ധ​ശി​ക്ഷ കാ​ത്തു​ക​ഴി​യു​ന്നു​ണ്ട്. യു.​എ.​ഇ​യി​ൽ​നി​ന്ന് ബ​ഹ്റൈ​നി​ലേ​ക്ക് ച​ര​ക്ക് കൊ​ണ്ടു​പോ​കു​ക​യാ​യി​രു​ന്ന ട്രെ​യി​ല​റി​ൽ മ​യ​ക്കു​മ​രു​ന്ന് ക​ട​ത്തി​യ​തി​ന് പി​ടി​യി​ലാ​യ ഡ്രൈ​വ​ർ പ​ഞ്ചാ​ബ് സ്വ​ദേ​ശി അ​ൽ​ഹ​സ്സ ജ​യി​ലി​ലാ​ണ്​ വ​ധ​ശി​ക്ഷ വി​ധി​ക്ക​പ്പെ​ട്ട് ക​ഴി​യു​ന്ന​ത്. യു.​എ.​ഇ​യി​ൽ​നി​ന്ന് വ​രു​ന്ന നി​ര​വ​ധി ട്രെ​യി​ല​ർ ഡ്രൈ​വ​ർ​മാ​ർ അ​ട​ക്കം 65ഓ​ളം പേ​ര് മ​യ​ക്കു​മ​രു​ന്ന് കേ​സി​ൽ അ​ൽ​ഹ​സ്സ ജ​യി​ലി​ൽ ക​ഴി​യു​ന്നു​ണ്ട്. ഇ​വ​രി​ൽ 30 വ​ർ​ഷം വ​രെ ത​ട​വു​ശി​ക്ഷ ല​ഭി​ച്ച​വ​രു​ണ്ട്.