വധശിക്ഷക്ക്​ വിധിക്കപ്പെട്ട റഹീമി​െൻറ മോചനത്തിന്​ സാധ്യത തെളിയുന്നു

റിയാദ്: സൗദി ബാല​​​െൻറ കൊലപാതക കേസിൽ വധശിക്ഷക്ക്​ വിധിക്കപ്പെട്ട മലയാളി യുവാവി​​​െൻറ​ ശിക്ഷ ഒഴിവാകാൻ​ വഴി യൊരുങ്ങുന്നു. കോഴിക്കോട് ജില്ലയിലെ ഫറോക്ക്, കോടമ്പുഴ സ്വദേശി മച്ചിലകത്ത് പീടിയേക്കൽ വീട്ടിൽ പരേതനായ മുല ്ല മുഹമ്മദ്കുട്ടിയുടെ മകൻ അബ്​ദുറഹീമിനാണ്​ നിശ്ചിത തുക നഷ്​ടപരിഹാരം (ദിയ) നൽകിയാൽ മോചനം ലഭിക്കാനുള്ള സാധ്യത തെളിയുന്നത്​. റഹീമി​​​െൻറ സൗദി അഭിഭാഷകൻ അലി അൽഹാജിരി അറിയിച്ചതാണിത്​.

റിയാദിലെ അൽമൻസൂറയിൽ അനസ്​ ഫായിസ്​ അൽഷഹിരി എന്ന ബാലൻ കൊല്ലപ്പെട്ട കേസിലാണ് അന്ന്​ ഹൗസ്​ ൈഡ്രവറായിരുന്ന റഹീം ശിക്ഷിക്കപ്പെടുന്നത്​. 13 വർഷമായി റി യാദിലെ അൽഹൈർ ജയിലിൽ കഴിയുകയാണ്​.​ കേസിനാസ്​പദമായ സംഭവം 2006 ഡിസംബർ 24ന് റിയാദ് സുവൈദിയിലെ ഒരു ട്രാഫിക് സിഗ്​നലിൽ വെച്ചാണുണ്ടായത്. ഇതേവർഷം നവംബർ അവസാനം ഹൗസ്​ ൈഡ്രവർ വിസയിൽ റിയാദിലെത്തിയ അബ്​ദുറഹീമിനെ സ്​പോൺസർ ത​​​െൻറ ജന്മനാ ബുദ്ധി​ൈവകല്യമുള്ള മകൻ അനസിനെ പരിചരിക്കാനുള്ള ചുമതല കൂടി ഏൽപിച്ചിരുന്നു. വീടിന് തൊട്ടടുത്തുള്ള പാണ്ട ഹൈപ്പർമാർക്കറ്റിലേക്ക് ഷോപ്പിങ്ങിനായി പോകുമ്പോൾ യാത്രാമധ്യേ അബ്​ദുറഹീമിനുണ്ടായ ഒരു കൈയബദ്ധമാണെത്ര അനസി​​െൻറ മരണത്തിൽ കലാശിച്ചത്. കാറിലെ പിൻസീറ്റിലിരിക്കാറുള്ള അനസ്​ അന്ന് യാത്രക്കിടയിൽ പ്രത്യേകിച്ച് പ്രകോപനമൊന്നുമില്ലാതെ ദേഷ്യപ്പെടുകയും ബഹളം വെക്കുകയും അബ്​ദുറഹീമി​​െൻറ ശരീരത്തിലേക്ക് കാർക്കിച്ച് തുപ്പുകയും ചെയ്തു.

ഇതിനിടെ സുവൈദി സിഗ്​നലിൽ നിറുത്തിയപ്പോൾ സിഗ്​നൽ ലംഘിച്ച് മുന്നോട്ടുപോകാൻ അനസ്​ ആവശ്യപ്പെട്ടു. നിയമം ലംഘിക്കാൻ പറ്റില്ലെന്നും അപകടത്തിൽപെടുമെന്നും റഹീം പറഞ്ഞപ്പോൾ അനസ്​ ഉറക്കെ ബഹളം വെക്കുകയും ശകാരം ചൊരിയുകയും ആഞ്ഞ് തുപ്പുകയും ചെയ്തു. ഇത് തടയാൻ റഹീം കൈയുയർത്തിയപ്പോൾ തലവെട്ടിച്ച അനസി​​െൻറ കഴുത്തിൽ കൈപ്പത്തി പതിച്ചു. ആഹാരം ശരീരത്തിനുള്ളിൽ കടത്താനായി കഴുത്തിൽ ശസ്​ത്രക്രിയ ചെയ്ത് ഘടിപ്പിച്ച സംവിധാനത്തിലാണ് കൈ കൊണ്ടത്. അബദ്ധത്തിൽ കൈ കൊണ്ട് ഈ സംവിധാനത്തിന് കേടുപറ്റുകയും അതി​​െൻറ ആഘാതത്തിൽ അനസ്​ ബോധരഹിതനാവുകയും ചെയ്തു.

എന്നാൽ ഇതൊന്നും അറിയാതെ അപ്പോഴേക്കും സിഗ്​നൽ ഓപ്പണായി വാഹനം മുന്നോട്ടെടുത്ത റഹീം പിന്നിൽനിന്ന് പിന്നീട് ബഹളമൊന്നും കേൾക്കാതായപ്പോൾ പന്തികേട് തോന്നി ഉടൻ കാറുനിർത്തി പരിശോധിക്കുകയായിരുന്നു. ഭയ​െപ്പട്ട റഹീം എന്തുചെയ്യണമെന്നറിയാതെ ഉടൻ ത​​​െൻറ അടുത്ത ബന്ധു കോഴിക്കോട്, നല്ലളം ബസാർ, ചാലാട്ട് വീട്ടിൽ നസീർ അഹമ്മദിനെ വിളിച്ചുവരുത്തി. അപകടം മനസിലാക്കിയ നസീർ രക്ഷപ്പെടാനുള്ള പോംവഴിയെന്ന നിലയിൽ കവർച്ചക്കാരാൽ ഇരുവരും അക്രമിക്കപ്പെട്ട ഒരു കഥമെനയാൻ റഹീമിനോട് നിർദേശിച്ച്​ തിരിച്ചുപോയി. സംഭവമറിഞ്ഞ് സ്​ഥലത്തെത്തിയ പൊലീസ്​ റഹീമിനെ അറസ്​റ്റ് ചെയ്തു. അയാൾ അവസാനം വിളിച്ച മൊബൈൽ നമ്പറി​​െൻറ ഉടമയെന്നനിലയിൽ മുഹമ്മദ് നസീറിനെയും പിന്തുടർന്ന് പിടികൂടി.

2012 ജനുവരി 26ന്​ ശരീഅഃ കോടതി റഹീമിന്​ വധശിക്ഷയും നസീറിന്​ രണ്ടുവർഷത്തെ തടവുശിക്ഷയും 300 അടിയും ശിക്ഷിച്ചു. അപ്പോഴേക്കും നാലുവർഷത്തെ ശിക്ഷ അനുഭവിച്ചുകഴിഞ്ഞിരുന്നു. മലസ്​ സെൻട്രൽ ജയിലിൽ കഴിഞ്ഞ നസീർ 2016ൽ മോചിതനായി. റഹീമി​​​െൻറ മോചനത്തിന്​ വേണ്ടി ശ്രമിക്കാൻ ഒരു ജനകീയ സഹായസമിതി രൂപവത്​കരിച്ച്​ പ്രവർത്തിച്ചുവരികയാണ്​. അഭിഭാഷകനെ നിയമിച്ചത്​ ഇൗ സമിതിയാണ്​. മരണപ്പെട്ട ബാല​​​െൻറ കുടുംബത്തി​​​െൻറയും കോടതിയുടെയും കാരുണ്യം കിട്ടുമെന്നാണ്​ പ്രതീക്ഷിക്കുന്നത്​. ദിയ എത്രയാണെന്ന് റിയാദ്​ ജനറൽ കോടതി ഉടൻ നിശ്ചയിക്കുമെന്നാണ്​ അഭിഭാഷകൻ പറഞ്ഞത്​.

മൂന്ന് മുതൽ അഞ്ച്​ വരെ ലക്ഷം റിയാൽ നഷ്​ടപരിഹാരം വിധിക്കാൻ സാധ്യതയെന്നും അദ്ദേഹം പറഞ്ഞു. നിർധനരായ റഹീമി​​​െൻറ കുടുംബത്തിന് സാമ്പത്തികമായി ഒന്നും ചെയ്യാൻ സാധിക്കാത്ത സാഹചര്യത്തിൽ പൊതുസമൂഹത്തിൽ നിന്നുള്ള സഹായമാണ് പ്രതീക്ഷയെന്നും സമിതി യോഗം ഉടനെ വിളിച്ചു ചേർത്ത് ഫണ്ട് ശേഖരണത്തിനുള്ള കർമപദ്ധതികൾ ആവിഷ്കരിക്കുമെന്നും ജനറൽ കൺവീനർ അഷ്‌റഫ് വേങ്ങാട്ട് അറിയിച്ചു.