മരൂഭൂമിയുടെ മകൾ ഉയരങ്ങൾ കീഴടക്കിയ കഥ; റാഹയുടെ അനുഭവ സാക്ഷ്യങ്ങളിൽ ‘തൻവീനിന്​’ സമാപനം

ദമ്മാം: മരുഭൂമിയുടെ പരപ്പുകളിൽ നിന്ന്​ ഉയരങ്ങൾ തേടിപ്പോയ ഒരു പെൺകുട്ടിയുടെ അനുഭവ വിവരണങ്ങളിൽ ആയിരങ്ങൾ വിസ്​മയിച്ചു നിന്നു. ഒന്നും അസാധ്യമല്ലെന്ന്​ ചെറുചിരിയോടെ അവൾ അവരെ ഒാർമിപ്പിച്ചു. യാഥാസ്​ഥിതിക ബോധത്തി​​​െൻറ പരിമിതികൾ ഭേദിച്ച്​ പർവതങ്ങൾ കീഴടക്കിയ സൗദി പെൺകുട്ടി റാഹ മുഹർറക്കി​​​െൻറ അനുഭവ വിവരണങ്ങൾ ദഹ്​റാൻ ‘ഇത്​റ’യിലെ തിങ്ങിനിറഞ്ഞ ഒാഡിറ്റോറിയത്തിലെ പ്രേക്ഷകർ അൽഭുതത്തോടെ കേട്ടിരുന്നു. 17 ദിവസമായി തുടരുന്ന ‘തൻവീൻ’ എന്ന സാംസ്​കാരിക മേളയുടെ സമാപനമായിരുന്നു വേദി. 40 ശിൽപശാലകളിലായി 61 ഒാളം പ്രമുഖ പ്രഭാഷണങ്ങൾ അരങ്ങേറിയ തൻവീനിലെ ഏറ്റവും ശ്രദ്ധേയമായിരുന്ന ഇനമായിരുന്നു റാഹ മുഹർറക്കി​​​െൻറ അനുഭവ വിവരണം.
‘മണ്ണിൽ നിന്ന്​ നക്ഷത്രങ്ങളിലേക്ക്​ ’വാക്യവുമായാണ്​ റാഹയെ ‘ഇ​ത്​റ’ വരവേറ്റത്​. ലോകത്തിലെ ഉയരം കുടിയ എട്ട്​ കൊടുമുടികൾ കീഴടക്കിയ റാഹ ആദ്യമായി എവറസ്​റ്റ്​ കീഴടക്കിയ സൗദി വനിതയാണ്​. അമേരിക്കൻ യൂണിവേഴ്​സിറ്റിയിൽ നിന്ന്​ വിഷ്വൽ കമ്യൂണിക്കേഷനിൽ ബിരുദവും, സിനർജി യൂണിവേഴ്​സിറ്റിയിൽ നിന്നും എം.ബി.എയും പൂർത്തിയാക്കിയ റാഹ ചെറുപ്പം മുതൽ സാഹസിത ഇഷ്​ടപെട്ടിരുന്നു.
ആദ്യമായി ആഫ്രിക്കയിലെ ‘കിളിമഞ്ചാരോ’ പർവത നിരകളുടെ ചിത്രമാണ്​ അതിനുമുകളിലെത്താനുള്ള മോഹം റാഹയിൽ ജനിപ്പിച്ചത്​. റാഹയുടെ സ്വപ്​നമറിഞ്ഞവരെല്ലാം ഒരേ സ്വരത്തിൽ പറഞ്ഞു. നിനക്കത്​ നടക്കില്ല. കാരണം നീയൊരു സൗദി പെൺകുട്ടിയാണ്​. ആളുകളുടെ ഇൗ ധാരണകളെ തിരുത്തുക എന്ന വാശികൂടി അതോടെ റാഹയുടെ ഉള്ളിൽ ഇടം പിടിച്ചു. ‘നമുടെ ചുറ്റുമുള്ളതിനേക്കാൾ ശബ്​ദത്തിൽ നമ്മുടെ ഹൃദയത്തി​​​െൻറ മോഹങ്ങളേയും മനസ്സി​​​െൻറ ആഗ്രഹങ്ങളേയും ശ്രദ്ധിക്കുക’.താൻ കടന്നുവന്ന വഴികളെ സാക്ഷിനിർത്തി ചുറ്റുമിരുന്നവരോട്​ റാഹ പറഞ്ഞു. കിളിമഞ്ചാരോയിൽ പോകാനുള്ള ആഗ്രഹവുമായി പിതാവിനെ സമീപിച്ചെങ്കിലും ‘പറ്റില്ല ’എന്ന ഒറ്റവാക്കിൽ റാഹയെ നിരുത്സാഹപെടുത്തി. ചുറ്റുമുള്ള ലോകം മുഴുവൻ എതിരുനിന്നപ്പോഴും റാഹയുടെ മോഹം എല്ലാ പ്രതിബന്ധങ്ങളുടേയും കൂടുപൊട്ടിച്ചു പറന്നുകൊണ്ടിരുന്നു. റാഹയുടെ ഒടുങ്ങാത്ത ആഗ്രഹങ്ങൾക്ക്​ മുന്നിൽ എല്ലാവർക്കും സമ്മതം മൂളേണ്ടി വന്നു.
20ാമത്തെ വയസ്സിൽ താൻസാനിയിലെത്തിയ റാഹ കിളിമഞ്ചാരോയുടെ ഉയരത്തിലെത്തുകതന്നെ ചെയ്​തു. പക്ഷെ ഇത്​ അവസാനത്തെ അതിരല്ലെന്ന്​ മനസ്സ്​ പറഞ്ഞുകൊണ്ടിരുന്നു. നിർത്താതെയുള്ള പ്രയത്​നങ്ങൾക്കൊടുവിൽ ലോകത്തിലെ ഏറ്റവും ഉയരം കൂടിയ കൊടുമുടി എവറസ്​റ്റും റാഹ കീഴടക്കി. ‘പടങ്ങളിൽ നിന്ന്​ എവറസ്​റ്റിനെ കണ്ടപ്പോൾ മുതൽ മനസ്സിൽ ഇഷ്​ടം തോന്നിതുടങ്ങിയിരുന്നു. പ​ക്ഷെ നേപ്പാളിലെ ബേസ്​ ക്യാമ്പിൽ എവറസ്​റ്റി​​​െൻറ മുന്നിൽ വന്നു നിന്നപ്പോൾ വല്ലാത്തൊരു പ്രണയത്തിൽ വീണുപോയി. എവറസ്​റ്റ്​ കീഴടക്കിയ ഹിലാരിയുടെ കാൽപാടുകളെയാണ്​ ഞാൻ പിന്തുടർന്നത്​. ഉയരങ്ങൾ കീഴടക്കുക എന്ന ലക്ഷ്യം മാത്രം മനസ്സിൽ നിറഞ്ഞുനിന്നപ്പോൾ ചുറ്റുമുള്ളവർ വിരൽ ചൂണ്ടി വളിച്ചു പറഞ്ഞ പരിമിതികളെ ഞാൻ മറന്നു. ഞാനൊരു സൗദി പെൺകൊടിയാണ്​ എന്നത്​ എനിക്കൊരു പരിമിതിയേ ആയിരുന്നില്ല. ലോകത്തി​​​െൻറ നെറുകയിൽ നിന്നപ്പോൾ ഞാനത്​ അർഹിക്കുന്നതായി എനിക്ക്​ തോന്നി. മരുഭൂമിയിൽ പിറന്ന ഞാൻ ആകാശത്തെ തൊട്ടിരിക്കുന്നു.’ ^ റാഹ പറയുന്നു.ഇത്രയും സാഹസികത നിറഞ്ഞ ദൗത്യത്തിന്​ എന്തുകൊണ്ട്​ ഒരു അറബി പെൺകുട്ടി തയ്യാറായി എന്ന ചോദ്യത്തിന്​ ഒന്നും അസാധ്യമല്ലെന്ന്​ എനിക്ക്​ ഇൗ ലോകത്തെ ബോധ്യപെടുത്തണമെന്ന തോന്നലാണ്​ പർവതങ്ങൾ കീഴടക്കാൻ ​േപ്രരിപ്പിച്ചതെന്ന്​ റാഹ പറഞ്ഞു. ഞാൻ അതിനു തയ്യാറായതുകൊണ്ട്​ മാത്രമാണ്​ ഇന്ന്​ നിങ്ങൾ എന്നെ അറിയുന്നത്​. അല്ലെങ്കിൽ ഇൗ ജീവിത കോണിൽ ആരുമറിയാത്ത ഒരാളായി ഞാൻ മാറിപ്പോകുമായിരുന്നു. നിങ്ങളു​െട സ്വപ്​നങ്ങൾ കൊഴിഞ്ഞുപോകാൻ അനുവദിക്കരുത്​. എനിക്കതാകുമെങ്കിൽ എന്തുകൊണ്ട്​ നിങ്ങൾക്കും അതായിക്കൂടാ.’ സംസാരം അവസാനിപ്പിച്ചുകൊണ്ട്​ റാഹ പറഞ്ഞു.