ഖിദ്ദിയ്യ രാജ്യവികസനത്തിന്​ അടിത്തറ പാകും -മന്ത്രിസഭ

റിയാദ്​: സൽമാൻ രാജാവ്​ ശനിയാഴ്ച ശിലാസ്​ഥാപനം നിർവഹിക്കാനിരിക്കുന്ന ഖിദ്ദിയ്യ പദ്ധതി രാഷ്​ട്ര വികസനത്തിന്​ കരുത്തുറ്റ അടിത്തറ പാകുമെന്ന്​ മന്ത്രിസഭ. രാജ്യത്തിന്​ കൂടുതൽ സാമ്പത്തിക നേട്ടം സൃഷ്​ടിക്കുന്നതി​െനാപ്പം വികസന സാധ്യതകളെ വിശാലമാക്കുന്നതാകും പദ്ധതിയെന്നും​ സൽമാൻ രാജാവി​​​െൻറ അധ്യക്ഷതയിൽ റിയാദിലെ അൽയമാമ കൊട്ടാരത്തിൽ ചേർന്ന മന്ത്രിസഭായോഗം പ്രത്യാശിച്ചു. 

രാജ്യത്തി​​​െൻറ വിനോദ, കായിക, സാംസ്​കാരിക ലക്ഷ്യസ്​ഥാനമായി ഖിദ്ദിയ്യ മാറും. വിഷൻ 2030 ​​​െൻറ ചുവടുപിടിച്ച്​ രാജ്യത്ത്​ വരാനിരിക്കുന്ന കൂറ്റൻ പദ്ധതികളിൽ നിർണായക സ്​ഥാനമാണ്​ ഇതിനുള്ളതെന്നും മന്ത്രിസഭ അഭിപ്രായപ്പെട്ടു. അഫ്​ഗാനിസ്​ഥാൻ തലസ്​ഥാനമായ കാബൂളിൽ കഴിഞ്ഞദിവസമുണ്ടായ സ്​ഫോടനങ്ങളെ മന്ത്രിസഭ അപലപിച്ചു.

ഭീകരവാദത്തിനും തീവ്രവാദത്തിനുമെതിരെ അഫ്​ഗാനിസ്​ഥാൻ നടത്തുന്ന പോരാട്ടത്തിന്​ പിന്തുണയും പ്രഖ്യാപിച്ചു. സൗദിയിൽ കുറ്റകൃത്യങ്ങളുടെ നിരക്ക്​ ഗണ്യമായി കുറച്ചതിന്​ ആഭ്യന്തര മന്ത്രാലയത്തെ മന്ത്രിസഭ അനുമോദിക്കുകയും ചെയ്​തു. വിദേശ സഹകരണത്തോടെ സർക്കാർ ഏജൻസികൾ നടത്തുന്ന സമ്മേളനങ്ങൾക്കും സെമിനാറുകൾക്കും മുഖ്യഭാഷ അറബി തന്നെയായിരിക്കണമെന്ന നിയമഭേദഗതിക്ക്​ അംഗീകാരം നൽകി. തത്സമയ പരിഭാഷ സൗകര്യത്തോടെ മറ്റുഭാഷകൾ ഉപയോഗിക്കാം.