ഖത്തർ അമീർ ജിദ്ദയിലെത്തി. വിമാനത്താവളത്തിൽ കിരീടാവകാശിയുടെ ഊഷ്മള സ്വീകരണം

ജിദ്ദ: ഖത്തർ അമീർ ശൈഖ്​ തമീം ബിൻ ഹമദ്​ ആൽഥാനി ഔദ്യോഗിക സന്ദർശനത്തിനായി സൗദിയിലെത്തി. ജിദ്ദ കിങ് അബ്ദുൽഅസീസ് അന്താരാഷ്ട്ര വിമാനത്താവളത്തിലെത്തിയ ഖത്തർ അമീറിനെ സൗദി കിരീടാവകാശിയും പ്രതിരോധമന്ത്രിയുമായ മുഹമ്മദ് ബ്നു സൽമാൻ സ്വീകരിച്ചു.

സൽമാൻ രാജാവിൻെറ ക്ഷണം സ്വീകരിച്ചാണ്​ ഖത്തർ അമീർ സൗദിയിലെത്തിയത്. കിരീടാവകാശി മുഹമ്മദ്​ ബിൻ സൽമാനുമായി ശൈഖ്​​ തമീം കൂടിക്കാഴ്​ച നടത്തും. ഇരുരാജ്യങ്ങളും തമ്മിലുള്ള ഉഭയകക്ഷി സഹകരണം, പരസ്​പരം താൽപര്യമുള്ള മറ്റ്​ വിഷയങ്ങൾ എന്നിവയും ചർച്ചയാകും. അമീ​റിനൊപ്പം ഉന്നതതല ഖത്തർ സംഘവും സൗദിയിലെത്തിയിട്ടുണ്ട്.