പൊതുമാപ്പില്‍ മടങ്ങിയെത്തുന്നവര്‍ക്ക് പുനരധിവാസം ഉറപ്പ് വരുത്തണം ^ജിദ്ദ കെ.എം.സി.സി 

ജിദ്ദ: സൗദി അറേബ്യയിലെ പൊതുമാപ്പിനെ തുടര്‍ന്ന് നാട്ടില്‍ തിരിച്ചെത്തുന്നവര്‍ക്ക് കേന്ദ്ര-കേരള സര്‍ക്കാറുകള്‍ പുനരധിവാസം ഉറപ്പു വരുത്തണമെന്ന് ജിദ്ദ കെ.എം.സി.സി സെന്‍ട്രല്‍ കമ്മിറ്റി ആവശ്യപ്പെട്ടു. കഴിഞ്ഞ പൊതുമാപ്പ് സമയത്ത് മലയാളികളെ നാട്ടിലെത്തിക്കാന്‍ അന്നത്തെ യു.ഡി.എഫ് സര്‍ക്കാര്‍ വിമാന ടിക്കറ്റുള്‍പെടെ നല്‍കിയിരുന്നു. ജോലി നഷ്​ടപ്പെട്ടെത്തിയ മൂവായിരത്തിലധികം പ്രവാസികള്‍ക്ക് സബ്‌സിഡിയോടെ  വായ്പയും അന്ന് ലഭിച്ചിരുന്നു. എന്നാല്‍ ഇത്തവണ പൊതുമാപ്പ് പ്രഖ്യാപിച്ച് മാസം പിന്നിട്ടിട്ടും ജോലിയും വിസയും നഷ്​ടമായി നാട്ടിലേക്ക് മടങ്ങുന്നവര്‍ക്ക് ടിക്കറ്റോ മറ്റ് സഹായങ്ങളോ നല്‍കാന്‍ കേരള സര്‍ക്കാര്‍ തയാറായിട്ടില്ല എന്ന്​ കമ്മിറ്റി കുറ്റപ്പെടുത്തി. 

 പ്രസിഡൻറ്​ അഹമ്മദ് പാളയാട്ട് അധ്യക്ഷത വഹിച്ചു. മെയ് 12^്​ നടക്കുന്ന ജിദ്ദ കെ.എം.സി.സി ജനറല്‍ ബോഡിക്കുള്ള കൗണ്‍സിലര്‍മാരുടെ ലിസ്​റ്റിന് യോഗം അംഗീകാരം നല്‍കി. പി.എം.എ ജലീല്‍, നിസാം മമ്പാട്, എസ്.എല്‍.പി മുഹമ്മദ് കുഞ്ഞി, റസാഖ് അണക്കായി, സി.കെ റസാഖ് മാസ്​റ്റര്‍, സഹല്‍ തങ്ങള്‍, മജീദ് പുകയൂര്‍, ടി.പി ശുഐബ്, ഇസ്മാഈല്‍ മുണ്ടക്കുളം എന്നിവർ സംസാരിച്ചു. ആക്ടിംഗ് ജനറല്‍ സെക്രട്ടറി സി.കെ ഷാക്കിര്‍ സ്വാഗതവും സെക്രട്ടറി നാസര്‍ എടവനക്കാട് നന്ദിയും പറഞ്ഞു.