മ​ദീ​ന​യി​ൽ 12,066ല​ധി​കം ഹ​ജ്ജ്​ തീ​ർ​ഥാ​ട​ക​ർ​ക്ക് വൈ​ദ്യ​സ​ഹാ​യം ന​ൽ​കി

മ​ദീ​ന: മ​ദീ​ന​യി​ലെ സീ​സ​ണ​ൽ ഹെ​ൽ​ത്ത്​ സെ​ന്‍റ​റു​ക​ളി​ൽ 12,066 ല​ധി​കം ഹ​ജ്ജ്​ തീ​ർ​ഥാ​ട​ക​ർ​ക്ക് വൈ​ദ്യ​സ​ഹാ​യം ന​ൽ​കി​യ​താ​യി മ​ദീ​ന ഹെ​ൽ​ത്ത് ക്ല​സ്റ്റ​ർ വ്യ​ക്ത​മാ​ക്കി. തീ​ർ​ഥാ​ട​ക​രെ​ത്തി​യ​തു മു​ത​ൽ ര​ണ്ടാ​ഴ്ച​ക്കു​ള്ളി​ലാ​ണ്​ ഇ​ത്ര​യും പേ​ർ​ക്ക്​ ആ​രോ​ഗ്യ സേ​വ​നം ന​ൽ​കി​യ​ത്. മ​സ്​​ജി​ദു​ന്ന​ബ​വി, സെ​ൻ​ട്ര​ൽ ഏ​രി​യ എ​ന്നി​വ​ക്ക്​ സ​മീ​പ​ത്തു​ള്ള സീ​സ​ണ​ൽ ഹെ​ൽ​ത്ത് സെ​ന്‍റ​റു​ക​ളി​ൽ 10,748 തീ​ർ​ഥാ​ട​ക​ർ​ക്ക് ആ​രോ​ഗ്യ സേ​വ​നം ന​ൽ​കി​യി​ട്ടു​ണ്ട്. ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ങ്ങ​ളി​ൽ മാ​സാ​രം​ഭം മു​ത​ൽ 1,323 രോ​ഗി​ക​ളെ സ്വീ​ക​രി​ക്കു​ക​യും ചി​കി​ത്സ ന​ൽ​കു​ക​യും ചെ​യ്​​തു. ന​ൽ​കി​യ സേ​വ​ന​ങ്ങ​ളി​ൽ 31 കാ​ർ​ഡി​യാ​ക് ഓ​പ​റേ​ഷ​നു​ക​ൾ ഉ​ൾ​പ്പെ​ടും.

വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള 38 തീ​ർ​ഥാ​ട​ക​ർ​ക്ക് ശ​സ്ത്ര​ക്രി​യ ആ​വ​ശ്യ​മാ​യി. 37 ഡ​യാ​ലി​സി​സു​ക​ൾ ന​ൽ​കി. മ​ദീ​ന​യി​ൽ താ​മ​സി​ക്കു​ന്ന സ​മ​യ​ത്ത് ഹ​ജ്ജ്​ തീ​ർ​ഥാ​ട​ക​രെ പ​രി​ച​രി​ക്കു​ന്ന​തി​നും പ​രി​പാ​ലി​ക്കു​ന്ന​തി​നു​മാ​യി ആ​രോ​ഗ്യ മ​ന്ത്രാ​ല​യം ന​ൽ​കു​ന്ന സ​മ​ഗ്ര​മാ​യ സേ​വ​ന​ങ്ങ​ളു​ടെ പ​രി​ധി​യി​ലാ​ണി​തെ​ന്നും ഹെ​ൽ​ത്ത്​ ക്ല​സ്​​റ്റ​ർ പ​റ​ഞ്ഞു.