സൂഖ്​ ഉക്കാദ്​: മത്സരവിജയികൾക്ക്​  25 ലക്ഷം റിയാലി​െൻറ പാരിതോഷികം

ജിദ്ദ: ​സൂഖ്​ ഉക്കാദ്​ മേളയോട്​ അനുബന്ധിച്ച്​ നടത്തുന്ന വിവിധ മത്സരങ്ങളിലെ വിജയികൾക്ക്​ 2.5 ദശലക്ഷം റിയാലി​​​െൻറ സമ്മാനങ്ങൾ​. ജൂണിൽ നടക്കാൻ പോകുന്ന 12ാമത്​ സൂക്ക്​ ഉക്കാദ്​ മേളയിലെ വിവിധ മത്സര വിജയികൾക്കാണ്​ ഇത്രയും സംഖ്യ പാരിതോഷികമായി ടൂറിസം വകുപ്പ്​ വകയിരുത്തിയിരിക്കുന്നത്​. സമ്മാനങ്ങൾക്കും മത്സര പരിപാടികൾക്കും ടൂറിസം പുരാവസ്​തു ജനറൽ അതോറിറ്റി മേധാവി അമീർ സുൽത്താൻ ബിൻ സൽമാൻ അംഗീകാരം നൽകി. അറബ്​ നാടുകളിലെ തെരഞ്ഞെടുക്കപ്പെടുന്ന കവികൾ, സാഹിത്യകാരൻമാർ, ചിത്രകലാകാരൻമാർ, കാലിഗ്രാഫി വിദഗ്​ധർ, വൈജ്​ഞാനിക രംഗത്ത്​ പുതിയ കണ്ടുപിടുത്തം നടത്തുന്നവർ, ഫോ​േട്ടാഗ്രാഫർമാർ, പ്രാസംഗികർ തുടങ്ങിയവരെയാണ്​ ഇത്രയും സമ്മാന തുക കാത്തിരിക്കുന്നത്​. സാഹിത്യം, കല, സാമൂഹ്യ ശാസ്​ത്രം, ഹ്യുമാനിറ്റിസ്​ ഇനങ്ങളിൽ 15 ഒാളം സമ്മാനങ്ങളാണ്​ ഒരുക്കുന്നത്​. മുൻവർഷത്തിൽ നിന്ന്​ വ്യത്യസ്​തമായി ​സൂക്ക്​ ഉക്കാദ്​ ഷോർട്ട്​ ഫിലിം അവാർഡ്​, സാഹിത്യ ലിറ്റററി അവാർഡ്​ എന്നി പേരുകളിൽ പുതിയ സമ്മാനങ്ങളുമുണ്ട്​​. ഏപ്രിൽ ഒന്ന്​ മുതലാണ്​ മത്സരാർഥികളിൽ നിന്ന്​ അപേക്ഷ സ്വീകരിച്ചു തുടങ്ങുക. ജൂൺ 27 ന്​ ആരംഭിക്കുന്ന ഇത്തവണത്തെ സൂഖ്​ ഉക്കാദ്​ മേള 17 ദിവസം നീളും.