പ്രവാസം അവസാനിപ്പിച്ച്​ നാട്ടിലേക്ക് മടങ്ങാനിരുന്ന മലയാളി  മരിച്ചു 

ദമ്മാം: പ്രവാസം അവസാനിപ്പിച്ച് നാട്ടിലേക്ക് മടങ്ങാനിരുന്ന ദിവസം മലയാളി സൗദിയിൽ മരിച്ചു. തിരുവനന്തപുരം, പോത്തൻകോട് സ്വദേശി അബ്​ദുൽ റഷീദ്‌ (57) ആണ് കിഴക്കൻ പ്രവിശ്യയിലെ അൽഅഹ്‌സയിൽ ഹൃദയാഘാതത്തെ തുടർന്ന് മരിച്ചത്​. ഞായർ രാത്രി തിരുവനന്തപുരത്തേക്കുള്ള ജെറ്റ് എയർവേയ്​സ് വിമാനത്തിൽ കുടുംബത്തോടൊന്നിച്ച്  മടങ്ങാനിരിക്കുകയായിരുന്നു. യാത്രക്ക്​ മണിക്കൂറുകൾ മുമ്പ്​ ഹൃദയാഘാതം സംഭവിച്ചു.

മുബാറസ് ബിൻജലവി ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. 30 വർഷത്തോളമായി അൽഅഹ്​സയിലെ സനയ്യയിലാണ് ജോലി ചെയ്‌തിരുന്നത്‌. മക്കൾ: ഷമീർ, ഷാജിർ, ഷമി. നവയുഗം അൽഅഹ്​സ ജീവകാരുണ്യ വിഭാഗം കൺവീനർ അബ്​ദുല്ലത്തീഫ്​ മൈനാഗപ്പള്ളിയുടെ നേതൃത്വത്തിൽ മൃതദേഹം നാട്ടിൽ അയക്കുന്നതിനുള്ള നടപടിക്രമങ്ങൾ പുരോഗമിക്കുന്നു.