ജുബൈൽ ഇന്ത്യൻ സ്കൂൾ മുൻഅധ്യാപകൻ പ്രശാന്ത് ശിരോദ്കർ നാട്ടിൽ മരിച്ചു

ജുബൈൽ : വിദ്യാർഥികൾക്കും അധ്യാപകർക്കും ഏറെ പ്രിയങ്കരനായിരുന്ന ജുബൈൽ ഇന്ത്യൻ സ്കൂൾ മുൻ അധ്യാപകൻ മഹാരാഷ്​ട്ര സ്വദേശി പ്രശാന്ത് ശിരോദ്കർ (62) ഹൃദയാഘാതം മൂലം മുംബൈയിൽ മരിച്ചു.

20 വർഷം ജുബൈൽ സ്കൂളിൽ സാമൂഹ്യശാസ്ത്രാധ്യാപക നായും കായിക വിഭാഗം ഇൻസ്‌ട്രക്ടർ ആയും സേവനം അനുഷ്ഠിച്ചിരുന്നു. 2018 ലാണ് വിരമിച്ച് നാട്ടിലേക്ക് പോയത്.

അദ്ദേഹത്തി​​െൻറ മരണവാർത്ത ജുബൈലിലെ പൗരസമൂഹത്തിന്​ വേദനാജനകമായി. സമൂഹ മാധ്യമങ്ങളിൽ ആദരാഞ്ജലികളൊഴുകി.
കുട്ടികളോട് അടുത്ത സുഹൃത്ത് എന്ന നിലയിൽ ഇടപെടുകയും മികച്ച രീതിയിൽ അധ്യയനം നടത്തുകയും ചെയ്തിരുന്നു പ്രശാന്ത് ശിരോദ്കർ.

കുറച്ചുനാൾ സ്കൂൾ സൂപ്രണ്ടായും സേവനമനുഷ്ഠിച്ചു. പള്ളിക്കൂടം കഴിഞ്ഞാൽ കളികളോടയായിരുന്നു പ്രിയം. പ്രശാന്തി​​െൻറ താൽപര്യം കണ്ടറിഞ്ഞ്​ ഫിസിക്കൽ എഡ്യുക്കേഷൻ ചുമതലയും സ്കൂൾ അധികൃതർ നൽകി.

ബാഡ്മിൻറൻ ആയിരുന്നു ഇഷ്​ട കായിക വിനോദം. നല്ലൊരു ബാഡ് മിൻറൻ താരമായിരുന്ന അദ്ദേഹം സ്കൂളിലും പുറത്തും കളി പരിശീലിപ്പിച്ചു. ഒരു മകൻ ബാഡ് മിൻറനിൽ ദേശീയ താരമായി ഉയർന്നു. മകൾ മും​ൈബയിൽ പഠിക്കുന്നു. പ്രശാന്ത് വിരമിച്ച ശേഷം മുംബെയിൽ ആയിരുന്നു താമസം.