തബൂക്കിൽ പെട്രോൾ ടാങ്കറിന്​ തീപിടിച്ചു

തബൂക്ക്​: തബൂക്കിൽ പെട്രോൾ ടാങ്കറിന്​ തീ പിടിച്ചതിനെ തുടർന്ന്​ അഗ്​നിബാധ. തീമാഅ്​ പട്ടണത്തിൽ നിന്ന്​ പത്ത്​ കിലോമീറ്റർ അകലെ മദീന റോഡിൽ ​ഒരു പെട്രോൾ പമ്പിലാണ്​ സംഭവം. ഭൂമിക്കടിയിലെ ടാങ്കിലേക്ക്​ ടാങ്കറിൽ നിന്ന്​ പെട്രോൾ ഒഴിക്കുന്നതിനിടയിലാണ്​ അഗ്​നിബാധയുണ്ടായതെന്ന്​ തബൂക്ക്​ മേഖല സിവിൽ ഡിഫൻസ്​ മേധാവി കേണൽ അബ്​ദുൽ അസീസ്​ അൽശംരി പറഞ്ഞു. 

സ്​റ്റേഷനിലെ രണ്ട്​ കടകളും വാഹനങ്ങളും കത്തിനശിച്ചു. തീ അണക്കാൻ ജലത്തിന്​ ബലദിയ്യ ജല ടാങ്കറുകളുടെ സഹായം തേടി. സംഭവത്തിൽ ആളപായമോ പരിക്കോ ഇല്ലെന്നും സിവിൽ ഡിഫൻസ്​ വക്​താവ്​ പറഞ്ഞു.