പത്തനംതിട്ട സ്വദേശി ഞരമ്പ് മുറിച്ച് മരിച്ച നിലയിൽ

മസ്​കത്ത്​: പത്തനംതിട്ട സ്വദേശിയെ കൈ ഞരമ്പ് മുറിച്ച് മരിച്ച നിലയിൽ കണ്ടെത്തി. ഒാമല്ലൂർ ഉൗന്നുകൽ സ്വദേശി  ജിനു. പി. രാജു (29) ആണ്​ മരിച്ചത്​. അൽ ഖുവൈറിലെ താമസ സ്​ഥലത്തിന്​ മുകളിലെ ടെറസിലാണ്​ മൃതദേഹം കണ്ടെത്തിയത്​. ഇൗജിപ്​ഷ്യൻ ഉടമസ്​ഥതയിലുള്ള കമ്പനിയിലെ ഡ്രാഫ്​റ്റ്​സ്​മാനായിരുന്നു. ഉച്ച ഭക്ഷണത്തിന്​ റൂമിലേക്ക്​ പോയതാണ്​. ഏറെ സമയം കഴിഞ്ഞും കാണാതിരുന്നതിനെ തുടർന്ന്​ അന്വേഷിച്ച്​ ചെന്നപ്പോഴാണ്​ മൃതദേഹം കണ്ടെത്തിയത്​.  

ഇൗ കമ്പനിയിൽ നിരവധി വർഷങ്ങൾ ജോലി ചെയ്​തിട്ടുള്ള ജിനു രണ്ട്​ വർഷം മുമ്പ്​ വിസ കാൻസൽ ചെയ്​ത്​ നാട്ടിൽ പോയിരുന്നു. പിന്നീട്​ പുതിയ വിസയിൽ തിരിച്ചെത്തിയിട്ട്​ ഏതാനും മാസങ്ങൾ ആകുന്നതേയുള്ളൂ. ബുധനാഴ്​ച രാവിലെ മുതൽ ജിനു മാനസിക ബുദ്ധിമുട്ട്​ പ്രകടിപ്പിച്ചിരുന്നതായി സുഹൃത്ത്​ പറഞ്ഞു. വ്യാഴാഴ്​ച നാട്ടിൽ പോകണമെന്ന്​ കമ്പനിയിൽ ആവശ്യപ്പെടുകയും ചെയ്​തിരുന്നു. കഴിഞ്ഞ നാലു ദിവസത്തിനിടെ ഒരു മലയാളിയുൾപ്പെടെ നാല്​ വിദേശികളാണ്​ മസ്​കത്തിൽ ആത്​മഹത്യ ചെയ്​തത്​.