പാക്​ പ്രധാനമന്ത്രി സൗദിയിൽ

ജിദ്ദ: സൗദി സന്ദർശനം നടത്തുന്ന പാക്​ പ്രധാനമന്ത്രി മുഹമ്മദ്​ ശഹ്​ബാസ്​ ശരീഫ്​ മദീനയിലെത്തി. മസ്​ജിദുന്നബവിയും റൗദാ ശരീഫും സന്ദർശിക്കലാണ്​ ലക്ഷ്യം​. മദീന വിമാനത്താവളത്തിലെത്തിയ പാക്​ പ്രധാനമന്ത്രിയെ ഗവർണർ അമീർ ഫൈസൽ ബിൻ സൽമാൻ സ്വീകരിച്ചു.

മേഖല കമാൻഡർ മേജർ ജനറൽ ഫഹദ്​ അൽജുഹ്​നി, മേഖല പൊലീസ്​ മേധാവി മേജർ ജനറൽ അബ്​ദുറഹ്​മാൻ അൽമുശ്​ഹൻ, ​പ്രോട്ടോകോൾ ഓഫീസ്​ മേധാവി ഇബ്രാഹീം അബ്​ദുല്ല ബർറി, സിവിൽ സൈനിക രംഗത്തെ ഉദ്യോഗസ്ഥർ എന്നിവരും സ്വീകരിക്കാനെത്തിയ സംഘത്തിലുൾപ്പെട്ടു.