മുസാഇദിയ നടപ്പാലം പുനർനിർമിച്ചു 

ജിദ്ദ: മദീന​ റോഡിൽ മുസാഇദിയ സൂഖിനു മുൻവശത്തെ നടപ്പാലത്തി​​െൻറ പുനർ നിർമാണം  പൂർത്തിയായി. 12 മണിക്കൂറെടുത്താണ്​ പാലത്തി​​െൻറ മുകൾഭാഗം ഘടിപ്പിക്കുന്ന ജോലികൾ മുനിസിപ്പാലിറ്റി പൂർത്തിയാക്കിയത്​. പടവുകളുടെ പണികൾ ബാക്കിയുണ്ട്​. നേരത്തെ പാലത്തിലെ നടപ്പാത മരംകൊണ്ടുള്ളതായിരുന്നുവെങ്കിൽ ഇപ്പോൾ ഘടിപ്പിച്ചത്​ ഇരുമ്പി​േൻറതാണ്​. ഇതിന്​ 54 മീറ്റർ നീളവും അഞ്ച്​ മീറ്റർ വീതിയുമുണ്ട്​. അവശേഷിക്കുന്ന ജോലികൾ കൂടി പൂർത്തിയായ ശേഷമേ പാലം സഞ്ചാരത്തിന്​ തുറന്നു കൊടുക്കുകയുള്ളൂ.

പാലം ഘടിപ്പിക്കുന്നതി​നായി വ്യാഴാഴ്​ച രാത്രി രണ്ട്​ മണി മുതൽ വെള്ളിയാഴ്​ച ഉച്ച വരെ  തഹ്​ലിയ^ ഫലസ്​തീൻ റോഡുകൾക്കിടയിൽ  ഗതാഗത നിയന്ത്രണമേർ​​​പ്പെടുത്തിയിരുന്നു. ഇൗ സമയത്ത്​ പരിസരത്തെ റോഡുകളിലേക്ക്​ വാഹനങ്ങൾ ട്രാഫിക്ക്​ ഉദ്യോഗസ്​ഥർ തിരിച്ചുവിട്ടു. പതിനൊന്ന്​ മാസം മുമ്പാണ്​ ​ട്രക്ക്​ ഇടിച്ച്​ പാലം ഭാഗികമായി തകർന്നത്​. അപകടത്തിന്​ കാരണം ട്രക്ക്​ ഡ്രൈവറാണെന്നും നഷ്​ടപരിഹാരം ഇൗടാക്കുമെന്നും മുസിപ്പാലിറ്റി വ്യക്​തമാക്കിയിട്ടുണ്ട്​. ഇതുപോലെയുള്ള അപകടങ്ങൾ ഒഴിവാക്കാൻ വാഹനങ്ങളുടെ ഉയരം ശ്രദ്ധിക്കണമെന്ന്​ ഡ്രൈവർമാരോട്​ ജിദ്ദ മുനിസിപ്പാലിറ്റി  ആവശ്യപ്പെട്ടു.