ഐ.എം.സി.സി പ്രസിഡൻറിനെ പുറത്താക്കൽ; തെറ്റിദ്ധരിക്കപ്പെട്ട ഐ.എൻ.എൽ ദേശീയ നേതൃത്വത്തിന്‍റെ നടപടിയെ തള്ളുന്നു - എ.എം അബ്​ദുല്ലക്കുട്ടി

ജിദ്ദ: ഐ.എൻ.എൽ പാർട്ടിക്കകത്തുണ്ടായ വിഭാഗീയതകൾക്കതീതമായി നിലയുറപ്പിച്ച സൗദി ഐ.എം.സിസി കമ്മിറ്റിയെ വരുതിയിൽ നിർത്താൻ കഴിയില്ലെന്ന് മനസിലാക്കിയ ഒരു വിഭാഗം സംസ്ഥാന നേതാക്കൾ പാർട്ടി ദേശീയ നേതൃത്വത്തെ തെറ്റിദ്ധരിപ്പിച്ചതി​െൻറ ഫലമായാണ്​ സൗദി ഐ.എം.സി.സി പ്രസിഡൻറ്​ സ്ഥാനത്ത് നിന്ന് തന്നെ നീക്കിയ ഐ.എൻ.എൽ അഖിലേന്ത്യ പ്രസിഡൻറി​െൻറ നടപടിയുണ്ടായിട്ടുള്ളതെന്ന് എ.എം. അബ്​ദുല്ല കുട്ടി പറഞ്ഞു.

വസ്തുതകളുടെ പിൻബലമില്ലാത്തതും ദേശീയ നേതൃത്വത്തി​െൻറ തെറ്റായ നിലപാടുകളെകുറിച്ചു കൃത്യമായ ബോധ്യം ഉള്ളതിനാലും തന്നെ നീക്കിയ നടപടിയെ തള്ളിക്കളയുന്നു. സംസ്ഥാന അധ്യക്ഷൻ പ്രഫ. എ.പി. അബ്​ദുൽ വഹാബിനെതിരെ നടത്തിയ ഗൂഡാലോചന പുറത്ത് കൊണ്ടുവരികയും അദ്ദേഹത്തിനെതിരെയുള്ള വ്യാജ പ്രചാരണങ്ങളെ തള്ളിക്കളഞ്ഞു പാർട്ടിയെയും സംസ്ഥാന അധ്യക്ഷനെയും ന്യായീകരിച്ചു കൊണ്ട് ഫേസ്ബുക്കിൽ ഐ.എം.സി.സി പ്രസിഡൻറ്​ എന്ന നിലയിൽ താൻ നടത്തിയ പ്രതികരണം, സംസ്ഥാന അധ്യക്ഷനെ അപകീർത്തിപ്പെടുത്തുന്നതാണെന്ന ദേശീയ നേതൃത്വത്തി​െൻറ കണ്ടെത്തൽ അത്ഭുതപ്പെടുത്തുന്നതാണ്‌.

പാർട്ടിയിലെ ഒരു വിഭാഗത്തി​െൻറ മാത്രം വക്താവായി ദേശീയ നേതൃത്വം മാറി എന്നതി​െൻറ തെളിവാണിത്. കാലങ്ങളായി പാർട്ടിയിലെ ഗ്രൂപ്പിസത്തെ താലോലിക്കുന്ന അഖിലേന്ത്യ പ്രസിഡൻറ്​ പ്രഫ. മുഹമ്മദ് സുലൈമാൻ കേരളത്തിന് പുറത്ത് പാർട്ടി ആശയപരമായി അകറ്റി നിർത്തുന്ന പലരുമായും പുലർത്തുന്ന ചങ്ങാത്തത്തെ ചോദ്യം ചെയ്തതും ഇത്തരത്തിലുള്ള നീതിരഹിത നടപടിക്ക് കാരണമായിട്ടുണ്ട്. ആത്മാഭിമാനമുള്ള ഒരു പ്രവർത്തകനും ഉൾക്കൊള്ളാൻ കഴിയാത്ത ഇത്തരത്തിലുള്ള ഇടപെടലുകളെ തള്ളിക്കളയാനേ നിർവാഹമുള്ളൂ.

തന്‍റെ ഫേസ്ബുക് പോസ്​റ്റിനെ തെറ്റായി ദേശീയ നേതൃത്വത്തെ ധരിപ്പിച്ചവർക്കെതിരെ നടപടി എടുക്കണമെന്നും ഒരു കാരണവും കൂടാതെ പാർട്ടിയിൽ വിഭാഗീയ പ്രവർത്തനങ്ങൾ നടത്തുന്നവരുടെ വാക്കുകൾ കേട്ട്​, ഐ.എം.സി.സി സൗദി നാഷനൽ കമ്മറ്റി പ്രസിഡൻറായ തനിക്ക് ഷോക്കോസ് നൽകി അവഹേളിച്ചതിനെതിരെ ഖേദപ്രകടനം നടത്തണമെന്നും അല്ലാത്ത പക്ഷം ഈ അനീതിക്കെതിരെ പാർട്ടിയുടെ ഭരഘടന ഉയർത്തി നിയമ നടപടികളിലേക്ക് നീങ്ങണമെന്ന സൗദി നാഷനൽ കമ്മറ്റിയുടെ തീരുമാനവുമായി മുന്നോട്ടു പോകുന്നതാണെന്നും എ.എം. അബ്ദുല്ലക്കുട്ടി പറഞ്ഞു. തെറ്റായ നിലപാടുകൾ തിരുത്താൻ തയ്യാറാവാത്ത സമീപനമാണ് തുടരുന്നതെങ്കിൽ നീതിപീഠത്തെ സമീപിക്കുകയല്ലാതെ മറ്റു മാർഗമില്ലെന്നും അദ്ദേഹം കൂട്ടിച്ചേർത്തു.

എ.എം അബ്​ദുല്ലക്കുട്ടിക്ക് സൗദി ഐ.എം.സി.സി നാഷനൽ കമ്മിറ്റിയുടെ പൂർണ പിന്തുണ

ഐ.എം.സി.സി സൗദി നാഷനൽ കമ്മിറ്റി പ്രസിഡൻറായി എ.എം. അബ്​ദുല്ലക്കുട്ടി തുടരുമെന്നും പ്രസിഡൻറിനെ മാറ്റിയെന്ന വാർത്ത അടിസ്ഥാനരഹിതമാണെന്നും ഐ.എം.സി.സി സൗദി കമ്മിറ്റി അറിയിച്ചു. ഭാരവാഹിത്വത്തിൽ നിന്നും അദ്ദേഹത്തെ മാറ്റുന്നുവെന്ന ഐ.എൻ.എൽ ദേശീയ നേതൃത്വത്തി​െൻറ കത്ത് അംഗീകരിക്കേണ്ടതില്ലെന്നും എ.എം. അബ്​ദുല്ലക്കുട്ടിക്ക് പൂർണ പിന്തുണ നൽകാനും നാഷനൽ കമ്മറ്റി യോഗം തീരുമാനിച്ചു. സമൂഹ മാധ്യമങ്ങളിൽ ഐ.എൻ.എൽ കേരള പ്രസിഡൻറിനെ അവഹേളിക്കുന്ന പോസ്​റ്റുകൾ ഒരു വിഭാഗത്തി​െൻറ ഒത്താശയോടെ പ്രചരിക്കപ്പെട്ടപ്പോൾ ആ കള്ള പ്രചാരണത്തെ എതിർത്തുകൊണ്ട് അബ്​ദുല്ലക്കുട്ടി നടത്തിയ ഫേസ്​ബുക് പ്രതികരണത്തി​െൻറ വസ്തുത മനസിലാക്കാതെ ഐ.എൻ.എൽ ദേശീയ നേതൃത്വം ചിലരുടെ വ്യാജ പരാതിയിൽ തെറ്റിദ്ധരിക്കപ്പെട്ട് നൽകിയ ഷോക്കോസ് നോട്ടീസിന് അബ്​ദുല്ലക്കുട്ടിയും സൗദി കമ്മിറ്റിയും കൃത്യമായ മറുപടി നൽകിയിരുന്നു.

ഐ.എൻ.എൽ ദേശീയ നേതൃത്വത്തെ തെറ്റിദ്ധരിപ്പിച്ചവർക്കെതിരെ നടപടിയും ആവശ്യപ്പെട്ടിരുന്നു. ഇതൊന്നും പരിഗണിക്കാതെ എടുത്ത നടപടിയായതിനാലാണ് തീരുമാനം അംഗീകരിക്കേണ്ടതില്ല എന്ന് തീരുമാനിച്ചിട്ടുള്ളത്. ഐ.എം.സി.സി ഭാരവാഹികളെ തെരഞ്ഞെടുക്കുന്നതും മാറ്റുന്നതും ഐ.എം.സി.സിയുടെ അതത്​ ഘടകങ്ങളുടെ കൗൺസിലുകളാണ്. കമ്മിറ്റിയുടെ പുതിയ ദേശീയ കൗൺസിൽ അംഗങ്ങളുടെ തെരഞ്ഞെടുപ്പ് നടന്നുവരികയാണ്. തുടർന്ന് പുതിയ കമ്മിറ്റി വരുന്നത് വരെ എ.എം. അബ്​ദുല്ലക്കുട്ടി പ്രസിഡൻറും ഹനീഫ് അറബി ജനറൽ സെക്രട്ടറിയും നാസർ കുറുമാത്തൂർ ട്രഷററുമായ കമ്മിറ്റി തുടരുമെന്നും യോഗം തീരുമാനിച്ചു.

ഓൺലൈൻ യോഗം ഐ.എം.സി.സി ജി.സി.സി ട്രഷററും മുൻ നാഷനൽ കമ്മിറ്റി പ്രസിഡൻറുമായ സയ്യിദ് ഷാഹുൽ ഹമീദ് ഉദ്ഘാടനം ചെയ്തു. പ്രസിഡൻറ്​ എ.എം. അബ്​ദുല്ലക്കുട്ടി അധ്യക്ഷത വഹിച്ചു. ഭാരവാഹികളായ നാസർ കുറുമാത്തൂർ (റിയാദ്), കരീം മൗലവി (മദീന), അബ്​ദുിറഹ്​മാൻ ഹാജി (അസീർ), എൻ.കെ. ബഷീർ (അൽഖസീം), യൂനുസ് മൂന്നിയൂർ (അൽഖുറയാത്ത്), റാഷിദ് കോട്ടപ്പുറം, നവാഫ് ഓസി (കിഴക്കൻ പ്രവിശ്യ), മൻസൂർ വണ്ടൂർ, അബ്​ദുൽ ഗഫൂർ (ജിദ്ദ), അബ്​ദുൽ കരീം പയമ്പ്ര (ജുബൈൽ), മൊയ്‌തീൻ ഹാജി (അദം), നൗഷാദ് മാരിയാട് (മക്ക), ഹനീഫ പുത്തൂർമഠം (യാംബു) എന്നിവർ സംസാരിച്ചു. ജനറൽ സെക്രട്ടറി ഹനീഫ് അറബി സ്വാഗതവും മുഫീദ് കൂരിയാടൻ നന്ദിയും പറഞ്ഞു.