‘നമ്മുടെ അഭിമാനം നമ്മുടെ സ്വഭാവത്തിലാണ്’ 95ാമത് സൗദി ദേശീയദിന മുദ്രയും സ്ലോഗനും പ്രസിദ്ധീകരിച്ചു

റി​യാ​ദ്​: 95ാമ​ത് സൗ​ദി ദേ​ശീ​യ ദി​ന​ത്തി​നാ​യു​ള്ള ഔ​ദ്യോ​ഗി​ക മു​ദ്ര​യും സ്ലോ​ഗ​നും പു​റ​ത്തി​റ​ക്കി. ‘നമ്മുടെ അഭിമാനം നമ്മുടെ സ്വഭാവത്തിലാണ്’ എ​ന്ന ആ​ഘോ​ഷ പ്ര​മേ​യ​ത്തി​ലു​ള്ള മു​ദ്ര പൊ​തു​വി​നോ​ദ അ​തോ​റി​റ്റി ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ൻ തു​ർ​ക്കി ആ​ലു​ശൈ​ഖാ​ണ് പു​റ​ത്തി​റ​ക്കി​യ​ത്.

പു​തി​യ ആ​ഘോ​ഷ പ്ര​മേ​യം സൗ​ദി​യു​ടെ 95 വ​ർ​ഷ​ത്തെ അ​ഭി​മാ​ന​ത്തെ​യും ആ​ദ​ര​വി​നെ​യും പ്ര​തി​ഫ​ലി​പ്പി​ക്കു​ന്ന​താ​ണ്. സൗ​ദി​ക​ളു​ടെ സ്വ​ഭാ​വ​ ത്തി​ലും അ​വ​രു​ടെ ദേ​ശീ​യ സ്വ​ത്വ​ത്തി​ലും വേ​രൂ​ന്നി​യ ആ​ധി​കാ​രി​ക​ത​യു​ടെ മൂ​ല്യ​ങ്ങ​ൾ അ​ത്​ പ്ര​ക​ടി​പ്പി​ക്കു​ന്നു. ജ​ന​നം മു​ത​ൽ രാ​ജ്യ​ത്തി​ലെ ജ​ന​ങ്ങ​ളു​ടെ സ​ഹ​ജ​മാ​യ ഗു​ണ​ങ്ങ​ളെ എ​ടു​ത്തു​കാ​ണി​ക്കു​ന്നു.

ഉ​ദാ​ര​ത, അ​ഭി​ലാ​ഷം, അ​നു​ക​മ്പ, ആ​ധി​കാ​രി​ക​ത, പ​രോ​പ​കാ​രം തു​ട​ങ്ങി രാ​ജ്യ​നി​വാ​സി​ക​ളു​ടെ ദൈ​നം​ദി​ന ഇ​ട​പെ​ട​ലു​ക​ളി​ൽ പ്ര​തി​ഫ​ലി​ക്കു​ന്ന മൂ​ല്യ​ങ്ങ​ൾ അ​തി​ലു​ൾ​പ്പെ​ടു​ന്നു.

സൗ​ദി​യു​ടെ വ​ർ​ത്ത​മാ​ന​ത്തെ​യും ഭാ​വി​യെ​യും സ്ഥാ​പി​ച്ച പൈ​തൃ​ക​ത്തി​ലും ആ​ധി​കാ​രി​ക മൂ​ല്യ​ങ്ങ​ളി​ലും അ​ഭി​മാ​നി​ക്കു​ന്ന​തി​െൻറ അ​ർ​ഥ​ങ്ങ​ൾ ഉ​ൾ​ക്കൊ​ള്ളു​ന്ന​തു​മാ​ണ്. സൗ​ദി​യു​ടെ വി​വി​ധ പ്ര​ദേ​ശ​ങ്ങ​ൾ 95ാമ​ത്​ ദേ​ശീ​യ​ദി​നം ആ​ഘോ​ഷി​ക്കാ​ൻ ഒ​രു​ങ്ങു​ക​യാ​ണ്.

പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും ഹൃ​ദ​യ​ങ്ങ​ളി​ൽ ദേ​ശീ​യ ദി​ന​ത്തി​െൻറ പ്രാ​ധാ​ന്യം പ്ര​തി​ഫ​ലി​പ്പി​ക്കു​ന്ന വൈ​വി​ധ്യ​മാ​ർ​ന്ന ദേ​ശീ​യ പ​രി​പാ​ടി​ക​ളും പ്ര​വ​ർ​ത്ത​ന​ങ്ങ​ളും ഇ​ത്ത​വ​ണ​യും അ​ര​ങ്ങേ​റും.

95ാമ​ത് ദേ​ശീ​യ ദി​ന​ത്തി​നാ​യി അം​ഗീ​കൃ​ത ഐ​ഡ​ൻ​റി​റ്റി ഉ​പ​യോ​ഗി​ക്കാ​നും ഏ​കീ​ക​രി​ക്കാ​നും പൊ​തു​വി​നോ​ദ അ​തോ​റി​റ്റി എ​ല്ലാ സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളോ​ടും ആ​വ​ശ്യ​പ്പെ​ട്ടു.

ലി​ങ്കി​ൽ ക്ലി​ക്ക് ചെ​യ്ത് ഐ​ഡ​ൻ​റി​റ്റി വി​വി​ധ ആ​പ്ലി​ക്കേ​ഷ​നി​ലൂ​ടെ ഗൈ​ഡ് ഡൗ​ൺ​ലോ​ഡ് ചെ​യ്യാ​നാ​കും. ലോ​ഗോ​യെ​ക്കു​റി​ച്ചും അ​ത് എ​ങ്ങ​നെ ഉ​പ​യോ​ഗി​ക്കാ​മെ​ന്ന​തി​നെ​ക്കു​റി​ച്ചു​മു​ള്ള നി​ർ​ദേ​ശ​ങ്ങ​ൾ ഇ​തി​ൽ അ​ട​ങ്ങി​യി​രി​ക്കു​ന്നു.

ഔ​ദ്യോ​ഗി​ക ഫോ​ണ്ടു​ക​ൾ, ശൈ​ലി​ക​ൾ, ടാ​ഗു​ക​ൾ എ​ന്നി​വ​ക്കു പു​റ​മെ വാ​ക്കാ​ലു​ള്ള​തും ദൃ​ശ്യ​പ​ര​വു​മാ​യ ലോ​ഗോ, അ​തി​െൻറ ശരിയായ ഉ​പ​യോ​ഗം, അം​ഗീ​കൃ​ത നി​റ​ങ്ങ​ൾ എ​ന്നി​വ​യു​ടെ വി​ശ​ദീ​ക​ര​ണ​വും ഉ​ൾ​പ്പെ​ടു​ത്തി​യി​ട്ടു​ണ്ട്.