ഓണത്തിനൊരുങ്ങി മലയാളികൾ, പ്രവാസത്തിലും ആഘോഷപ്പൂരങ്ങളുടെ നാളുകൾ

ദ​മ്മാം: പ്ര​വാ​സി​ക​ൾ​ക്ക്​ ഓ​ർ​മ​ക​ളു​ടെ ഉ​ത്സ​വ​മാ​ണ്​ ഓ​ണം. എ​ത്ര ദൂ​ര​ത്താ​യാ​ലും ഏ​തു​ ദു​രി​ത​ത്തി​ലും മ​ല​യാ​ളി​ക​ൾ​ക്ക്​ ഓ​ണാ​ഘോ​ഷ​ങ്ങ​ളെ ഒ​ഴി​വാ​ക്കാ​നാ​വി​ല്ല. പൊ​ന്നോ​ണ​ത്തി​ന്​ ദി​വ​സ​ങ്ങ​ൾ മാ​ത്രം അ​ക​ലെ നി​ല്‍ക്കു​മ്പോ​ള്‍ പ്ര​വാ​സ​സ​മൂ​ഹം ഓ​ണം ആ​ഘോ​ഷി​ക്കാ​നു​ള്ള ഉ​ത്സാ​ഹ​ത്തി​മി​ർ​പ്പി​ലാ​ണ്. ഓ​ണ​മെ​ത്തു​ന്ന​തി​നു​ മു​മ്പു​ള്ള അ​വ​ധി ദി​വ​സ​ങ്ങ​ളി​ൽ​ത​ന്നെ ആ​ഘോ​ഷ​ത്തി​ന്​ പ​ല​രും തു​ട​ക്ക​മി​ട്ടു. അ​വ​ധി ക​ഴി​ഞ്ഞ്​ നാ​ട്ടി​ൽ നി​ന്നെ​ത്തി​യെ​ങ്കി​ലും സ്കൂ​ളു​ക​ൾ തു​റ​ക്കാ​ൻ ഇ​നി​യും വൈ​കും എ​ന്ന​തും ആ​ഘോ​ഷ​ത്തി​ന്​ മാ​റ്റു​കൂ​ട്ടു​ന്നു​ണ്ട്.

സൗ​ദി​യു​ടെ മാ​റി​യ സാ​ഹ​ച​ര്യ​ത്തി​ൽ ക​ഴി​വ​തും നാ​ടി​നേ​ക്കാ​ൾ കേ​മ​മാ​യി ഓ​ണ​മാ​ഘോ​ഷി​ക്കാ​നു​ള്ള ഒ​രു​ക്ക​ത്തി​ലാ​ണ് പ്ര​വാ​സി​ സം​ഘ​ട​ന​ക​ൾ. പൂ​ക്ക​ള​വും തി​രു​വാ​തി​ര​യും തു​മ്പി​തു​ള്ള​ലും പു​ലി​ക​ളി​യും ശി​ങ്കാ​രി​മേ​ള​വും ഉ​ൾ​പ്പെ​ടെ ഓ​ണം എ​ല്ലാ ഗ​രി​മ​യോ​ടെ​യും ആ​ഘോ​ഷി​ച്ച്​ തി​മി​ർ​ക്കാ​ൻ ഒ​രു​ക്കം പൂ​ർ​ത്തി​യാ​യി. അ​ൽ​അ​ഹ്​​സ​യി​ലെ അ​ൽ​മു​സ ആ​ശു​പ​ത്രി​യി​ലെ മ​ല​യാ​ളി ജീ​വ​ന​ക്കാ​ർ ഇ​തി​ന​കം ഓ​ണാ​ഘോ​ഷ​ത്തി​ന്​ തു​ട​ക്ക​മി​ട്ടു. സെ​പ്റ്റം​ബ​ർ ഒ​ന്നി​ന്​ ഡ്രീം ​കാ​ച്ചേ​ഴ്സും ര​ണ്ടി​ന്​ ഒ.​ഐ.​സി.​സി​യും വി​പു​ല​മാ​യ ഓ​ണാ​ഘോ​ഷം ഒ​രു​ക്കി. വ​രും ആ​ഴ്ച​ക​ളി​ലെ​ല്ലാം വി​വി​ധ സം​ഘ​ട​ന​ക​ൾ ഓ​ണാ​ഘോ​ഷ​ങ്ങ​ൾ പ്ര​ഖ്യാ​പി​ച്ചി​ട്ടു​ണ്ട്.

ക​ഴി​ഞ്ഞ ദി​വ​സം ദ​മ്മാ​മി​ലെ ലു​ലു​മാ​ളി​ൽ ഈ​സ്​​റ്റേ​ൺ ക​മ്പ​നി​യു​ടെ സ​ഹ​ക​ര​ണ​ത്തോ​ടെ ഒ​രു​ക്കി​യ ഓ​ണ​ച്ച​ന്ത സ​ന്ദ​ർ​ശി​ക്കാ​നെ​ത്തി​യ​ത്​ നൂ​റു​ക​ണ​ക്കി​ന്​ മ​ല​യാ​ളി​ക​ളാ​ണ്. നാ​ടി​​ന്റെ ഓ​ർ​മ​ക​ളെ പ​ര​മാ​വ​ധി ത​ന്മ​യ​ത്തോ​ടെ അ​വ​ത​രി​പ്പി​ക്കാ​ൻ സം​ഘാ​ട​ക​ർ​ക്ക്​ ക​ഴി​ഞ്ഞു.

നാ​ട്ടി​ൻ​പു​റ​ത്തി​ന്റെ ന​ന്മ​ക​ളി​ൽ തി​ള​ങ്ങു​ന്ന ഓ​ണ​ക്കാ​ഴ്ച​ക​ളാ​ണ്​ ഓ​ണ​ച്ച​ന്ത​യി​ൽ പ്ര​ധാ​ന​മാ​യും ഒ​രു​ക്കി​യ​ത്​. ഇ​ത്ത​വ​ണ പ്ര​വൃ​ത്തി​ദി​ന​മാ​യ ചൊ​വ്വാ​ഴ്​​ച​യാ​ണ്​ തി​രു​വോ​ണ​മെ​ങ്കി​ലും സ​കു​ടും​ബ​മാ​യി താ​മ​സി​ക്കു​ന്ന മ​ല​യാ​ളി​ക​ള്‍ ജോ​ലി​ക്ക് അ​വ​ധി ന​ല്‍കി അ​ന്നു​ത​ന്നെ ഓ​ണം ആ​ഘോ​ഷി​ക്കാ​നു​​ള്ള തീ​രു​മാ​ന​ത്തി​ലാ​ണ്.

ബാ​ച്ചി​ല​ര്‍ റൂ​മു​ക​ള്‍ അ​ടു​ത്ത അ​വ​ധി​ദി​വ​സ​ത്തേ​ക്ക് ഓ​ണാ​ഘോ​ഷം മാ​റ്റി​വെ​ച്ചു. ഓ​ണം അ​ടു​ത്തെ​ത്തി​യ​തോ​ടെ ഓ​ണ​വി​പ​ണി​യും സ​ജീ​വ​മാ​യി. മ​ല​യാ​ളി​ക​ളു​ടെ മ​ന​സ്സ​റി​ഞ്ഞ് സ​ദ്യ​വ​ട്ട​ങ്ങ​ള്‍ക്കു​ള്ള വി​ഭ​വ​ങ്ങ​ള്‍ ത​ന്നെ​യാ​ണ് പ്ര​ധാ​ന​മാ​യും വി​പ​ണി കീ​ഴ​ട​ക്കു​ന്ന​ത്. പ​ച്ച​ക്ക​റി​ക​ളു​ടെ തീ​പി​ടി​ച്ച വി​ല ഇ​ത്ത​വ​ണ​ത്തെ ഓ​ണ​സ​ദ്യ​യു​ടെ മാ​റ്റു​കു​റ​ക്കു​മെ​ങ്കി​ലും വി​പ​ണി​യി​ല്‍ തി​ര​ക്കി​ന് കു​റ​വൊ​ന്നു​മി​ല്ല.

വാ​ഴ​യി​ല​യും ഉ​പ്പേ​രി​ക​ളും ഉ​ൾ​പ്പെ​ടെ ഓ​ണ​സ​ദ്യ​യു​ടെ അ​വി​ഭാ​ജ്യ ഘ​ട​ക​ങ്ങ​ളെ​ല്ലാം ഒ​ന്നി​ച്ച​ണി​നി​ര​ത്താ​ന്‍ ഹൈ​പ്പ​ര്‍ മാ​ര്‍ക്ക​റ്റു​ക​ള്‍ പ്ര​ത്യേ​കം ശ്ര​ദ്ധി​ച്ചി​ട്ടു​ണ്ട്. ഓ​ണ​ക്കോ​ടി​ക​ള്‍ക്കൊ​പ്പം വൈ​വി​ധ്യ ഫാ​ഷ​ന്‍ വ​സ്ത്ര​ങ്ങ​ളും പ്ര​വാ​സി​ക​ളെ കാ​ത്ത് വി​പ​ണി​യി​ലെ​ത്തി. സ്കൂ​ള​വ​ധി ക​ഴി​ഞ്ഞ​തും വി​മാ​ന​ടി​ക്ക​റ്റു​ക​ളു​ടെ നി​ര​ക്ക് ഉ​യ​ർ​ന്ന​തും ഓ​ണ​മാ​ഘോ​ഷി​ക്കാ​നു​ള്ള പ്ര​വാ​സി​യു​ടെ നാ​ട്ടി​ലേ​ക്കു​ള്ള യാ​ത്ര​ക്ക് ത​ട​യി​ട്ടി​ട്ടു​ണ്ട്. ബ​സു​മ​തി ഒ​ഴി​കെ​യു​ള്ള​വ​യു​ടെ ക​യ​റ്റു​മ​തി ഇ​ന്ത്യ ത​ട​ഞ്ഞ​തോ​ടെ അ​രി​ക്കും വി​ല​യേ​റി.

പ​ഴ​യ സ്​​റ്റോ​ക്കു​ക​ൾ ഉ​ള്ള​തി​നാ​ൽ ഇ​ത്ത​വ​ണ അ​ധി​കം വി​ല​വ​ർ​ധി​പ്പി​ക്കാ​തെ​ത​ന്നെ വി​പ​ണി​യു​ടെ ആ​വ​ശ്യ​ത്തി​നു​ള്ള അ​രി​യെ​ത്തി​ക്കാ​ൻ ക​ഴി​ഞ്ഞു​വെ​ന്ന്​ ഈ​സ്​​റ്റേ​ൺ ക​മ്പ​നി ബി.​ഡി.​ഒ മു​ഷാ​ൽ ത​ഞ്ചേ​രി പ​റ​ഞ്ഞു. വി​ല വ​ർ​ധി​പ്പി​ക്കേ​ണ്ട സാ​ഹ​ച​ര്യ​ത്തി​ലും മ​ല​യാ​ളി​ക​ളു​ടെ ഓ​ണാ​ഘോ​ഷം സ​മൃ​ദ്ധ​മാ​ക്കാ​ൻ പ്ര​ത്യേ​ക നി​ര​ക്കി​ള​വു​ക​ളും പ്ര​ഖ്യാ​പി​ച്ചി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

നാ​ട്ടി​ൽ​നി​ന്ന്​ ക​ലാ​കാ​ര​ന്മാ​രു​ടെ കൂ​ട്ട​ത്തോ​ടെ​യു​ള്ള ഒ​ഴു​ക്ക്​ ഓ​ണാ​ഘോ​ഷ​ങ്ങ​ളെ ക​ന്നി മാ​സം വ​രെ നീ​ട്ടും. സ്കൂ​ൾ തു​റ​ക്കു​ന്ന​ത്​ നീ​ട്ടി​യ​തോ​ടെ കു​റെ കു​ടും​ബ​ങ്ങ​ൾ അ​വ​ധി​ക​ഴി​ഞ്ഞു​ള്ള തി​രി​കെ​യാ​ത്ര നാ​ട്ടി​ൽ ഓ​ണം കൂ​ടി​യ​തി​നു​ ശേ​ഷ​മാ​ക്കി.

ഓ​ണാ​ഘോ​ഷ​ങ്ങ​ൾ​ക്കു​ള്ള സ്ഥി​രം മാ​വേ​ലി​വേ​ഷം കെ​ട്ടു​ന്ന​വ​ർ​ക്ക്​ തി​ര​ക്ക്​ തു​ട​ങ്ങി​ക്ക​ഴി​ഞ്ഞു. വെ​ള്ളി​യാ​ഴ്ച​ക​ളി​ൽ ഏ​ഴു​ പ​രി​പാ​ടി​ക​ൾ​ക്കു​വ​രെ ബു​ക്കി​ങ്​​ ല​ഭി​ച്ചു​ക​ഴി​ഞ്ഞ​താ​യി സ്ഥി​രം മാ​വേ​ലി​യാ​കു​ന്ന ക​രു​നാ​ഗ​പ്പ​ള്ളി സ്വ​ദേ​ശി ജി​ൻ​ഷാ​ദ്​ പ​റ​ഞ്ഞു. മേ​ക്ക​പ്പി​ന്​ ഒ​രു സ​ഹാ​യി​യെ​ക്കൂ​ടി കൂ​ട്ടാ​തെ ത​ര​മി​ല്ലെ​ന്നും അ​ദ്ദേ​ഹം പ​റ​ഞ്ഞു.

പൂ​ക്ക​ൾ​വെ​ച്ച്​ പൂ​ക്ക​ളം തീ​ർ​ക്കു​ക എ​ന്ന​ത്​ വ​ലി​യ അം​ഗീ​കാ​ര​മാ​യി കാ​ണു​ന്ന​തി​നാ​ൽ നാ​ട്ടി​ൽ​നി​ന്ന്​ പ്ര​ത്യേ​കം പൂ​ക്ക​ൾ എ​ത്തി​ച്ച്​ പൂ​ക്ക​ളം തീ​ർ​ക്കാ​നും ചി​ല സം​ഘ​ട​ന​ക​ൾ സം​വി​ധാ​ന​ങ്ങ​ൾ ഒ​രു​ക്കി. മ​ല​യാ​ളി​ക​ൾ​ക്ക്​ എ​വി​ടെ​യാ​യാ​ലും ഓ​ണ​ത്തി​​ന്റെ സ​മൃ​ദ്ധി​യെ തി​ര​സ്ക​രി​ക്കാ​നാ​വി​ല്ല എ​ന്ന്​ വ്യ​ക്ത​മാ​ക്കു​ന്ന​താ​ണ്​ ആ​ഘോ​ഷ ഒ​രു​ക്കം.