സ്​മരിക്കാം, ധീര ദേശാഭിമാനികളെ

രാജ്യം സ്വാതന്ത്ര്യദിനത്തി​ൻെറ സ്​മരണ പുതുക്കുന്ന ഇൗ വേളയിൽ നമുക്ക്​ സ്വാതന്ത്ര്യ പോരാട്ടത്തിൽ ജീവനും ജീവിതവും ബലിയർപ്പിച്ച ധീര ദേശാഭിമാനികളെ ഓർമിക്കാം. ആയിരക്കണക്കിനാളുടെ രക്തസാക്ഷിത്വത്തി​ൻെറ ഫലമാണ്​ നാം ഇന്ന്​ അനുഭവിക്കുന്ന സ്വാതന്ത്ര്യം. ഒരു സുപ്രഭാതത്തിൽ വെറുതെ ലഭിച്ചതല്ല അത്​. അറിയപ്പെടുന്നവരും അറിയപ്പെടാത്തവരുമായ ആയിരങ്ങളുടെ രക്​തകണവും ലക്ഷങ്ങളുടെ വിയർപ്പുതുള്ളികളും ഇറ്റിവീണ മണ്ണിലാണ്​ നാം ചവിട്ടിനിൽക്കുന്നത്​. ധീരരായ നേതാക്കളും അവരുടെ വിളികേട്ട്​ പടക്കളത്തിലേക്ക്​ ചാടിയിറങ്ങിയ സാധാരണക്കാരും അനുസ്​മരിക്കപ്പെടണം. അതിനായാണ്​ നാം സ്വാതന്ത്ര്യപ്പുലരി ആഘോഷിക്കുന്നത്​. മലപ്പുറം തൂക്കിടി കല്ലേരിയിൽവെച്ച് തന്നെയും രണ്ട് പോരാളികളേയും വെടിവെച്ചുകൊല്ലാൻ ഉത്തരവിട്ട മാർഷൽ കോടതി വിധികേട്ട്​ വാരിയൻ കുന്നത്ത്​ കുഞ്ഞഹമ്മദ്​ ഹാജി പറഞ്ഞ വാക്കുകൾ ശ്രദ്ധിക്കുക. 'എ​ൻെറ നാടിനു വേണ്ടി രക്തസാക്ഷിയാവാൻ അവസരം തന്നതിന് രണ്ട് റക്അത് നിസ്കരിച്ചു ദൈവത്തോട് നന്ദി പ്രകാശിപ്പിക്കാനുള്ള ഒഴിവ് തരണം'.

തൂക്കുമരത്തിന്​ മുന്നിൽ അവസാനത്തെ ആഗ്രഹം ചോദിച്ചപ്പോൾ നൽകിയ മറുപടിയും ചരിത്രത്തിൽ തങ്കലിപികളാണ്​ രേഖപ്പെടുത്തിയിട്ടുണ്ട്​. 'നിങ്ങൾ കണ്ണ് കെട്ടി പിറകിൽ നിന്നും വെടിവെച്ചാണല്ലോ കൊല്ലാറ്. എന്നാൽ എ​ൻെറ കണ്ണുകൾ കെട്ടാതെ, ചങ്ങലകൾ ഒഴിവാക്കി മുന്നിൽനിന്ന് വെടിവെക്കണം. എ​ൻെറ ജീവിതം അവസാനിപ്പിക്കുന്ന വെടിയുണ്ടകൾ വന്നു പതിക്കേണ്ടത് നെഞ്ചിലായിരിക്കണം. അതെനിക്ക് കാണണം, ഈ മണ്ണിൽ മുഖം ചേർത്ത് മരിക്കണം' -ഇതായിരുന്നു വാക്കുകൾ. സൂര്യനസ്​തമിക്കാത്ത ബ്രിട്ടീഷ്​ സാ​മ്രാജ്യത്തെ ചങ്കുറപ്പ്​ ഒന്നുകൊണ്ട്​ വിറപ്പിച്ച മലബാറിലെ വീരപോരാളികളെ നമുക്ക്​ സ്​മരിക്കാം. ജാലിയൻ വാലാബാഗ്​ കൂട്ടക്കൊലയും 21 വർഷം കാത്തിരുന്നു ലണ്ടനിലെത്തി ജാലിയൻ വാലാബാഗിൽ മതിൽക്കെട്ടിനകത്ത്​ നൂറുകണക്കിന്​ ഇന്ത്യക്കാരെ കൊന്നുതള്ളാൻ ഉത്തരവിട്ട ജനറൽ ഡയറുടെ നെഞ്ചിൻകൂടിനകത്തേക്ക്​ വെടിയുണ്ട തൊടുത്ത ഉദ്ദംസിങ്ങിനെയും നമുക്ക്​ സ്​മരിക്കാം. ഭഗത്​സിങ്ങിനെയും ആസാദിനെയും ഗാന്ധിയെയും നെഹ്​റുവിനെയും അംബേദ്​കറെയും മറ്റു നേതാക്കളെയും സ്​മരിക്കാം. റാണി ലക്ഷ്മീബായിയെപ്പോലെയുള്ള കനൽവഴികളിലെ വനിതാ രത്​നങ്ങളെ സ്​മരിക്കാം.

പേരുകൾ പ്രതീകങ്ങളാണ്​. എവിടെയും പേര്​ രേഖപ്പെടുത്തപ്പെട്ടിട്ടില്ലാത്ത ത്യാഗികളുടെയും സംഭാവനകളെ കാണാതിരിക്കാനാവില്ല, വിലകുറച്ച്​ കാണാനുമാവില്ല. ദർബാർ ഹാളിൽ ഇന്ത്യയുടെ ആദ്യ പ്രധാനമന്ത്രിയായി സത്യപ്രതിജ്​ഞ ചെയ്​ത ശേഷം ജവഹർലാൽ നെഹ്​റു നടത്തിയ പ്രസംഗത്തിലെ വാക്കുകൾ നമ്മെ എക്കാലവും പ്രചോദിപ്പിക്കുന്നതാണ്​ 'വർഷങ്ങൾക്ക്​ മുമ്പ്​ വിധിയുമായി നാമൊരു കരാറിൽ ഏർപ്പെട്ടിരുന്നു. ആ കരാർ, പ്രതിജ്ഞ നിറവേറ്റാനുള്ള സമയമിതാ സമാഗതമായിരിക്കുന്നു. നാമത്​ നിറവേറ്റും. പൂർണമായ​ല്ലെങ്കിലും വലിയൊരു അളവ്​ വരെ. ഇൗ അർധരാത്രിയിൽ ലോകം ഉറങ്ങുന്ന സമയത്ത്​, ഇന്ത്യ പുതിയ ജീവിതത്തിലേക്കും സ്വാതന്ത്ര്യത്തിലേക്കും ഉണരുകയാണ്​. ചരിത്രത്തിൽ അപൂർവമായി മാത്രം വന്നുചേരുന്ന ചില നിമിഷങ്ങളുണ്ട്​. അങ്ങനെയൊന്നാണിത്​. പഴയതിൽനിന്ന്​ പുതിയതിലേക്ക്​ നാം കാലൂന്നുന്ന നിമിഷം. ഒരു കാലഘട്ടം അവസാനിച്ച്​ മറ്റൊന്നിന്​ ആരംഭം കുറിക്കുന്ന നിമിഷം. അടിച്ചമർത്തപ്പെട്ടിരുന്ന രാഷ്​ട്രത്തി​ൻെറ മൂകമായ ആത്മാവിന്​ സംസാരശേഷി കൈവരുന്ന നിമിഷം'.

ഏറ്റവും ദരിദ്രനുകൂടി അഭിമാനകരമായ ജീവിതത്തിന്​ ഇടമുള്ള രാജ്യമാവും എ​ൻെറ ഇന്ത്യ എന്നാണ്​ ഗാന്ധിജി സ്വാതന്ത്ര്യപ്പുലരിക്ക്​ മു​േമ്പ വിഭാവനം ചെയ്​തത്​. അതായിരുന്നു രാഷ്​ട്ര സങ്കൽപം. എന്തായിരുന്നുവോ ഇന്ത്യയെപ്പറ്റിയുള്ള ദേശീയ പ്രസ്ഥാനത്തി​ൻെറ നേതാക്കളുടെ സ്വപ്​നം ആ രീതിയിൽ രാജ്യത്തെ ക്രമപ്പെടുത്താനും മുന്നോട്ടുകൊണ്ടുപോവാനുമുള്ള ഉത്തരവാദിത്തമാണ്​ പിന്മുറക്കാർ എന്ന നിലയിൽ നമുക്കുള്ളത്​. അതിന്​ നിതാന്തമായ ജാഗ്രതയും ചരിത്രബോധവും ആവശ്യമാണ്​. ആധികാരികമായി രേഖപ്പെടുത്തപ്പെട്ട ചരിത്രവസ്​തുതകൾ പുതിയ കാലത്തിൽ നമ്മെ പ്രചോദിപ്പിക്കേണ്ടതുണ്ട്​. ​െഎക്യത്തി​ൻെറയും പോരാട്ടവീര്യത്തി​ൻെറയും ചരിത്രം നമുക്ക്​ ഒാർമിച്ചുകൊണ്ടേയിരിക്കാം.