ഏറ്റവും പഴക്കമേറിയ മനുഷ്യ പാദമുദ്ര സൗദി മരുഭൂമിയിൽ

ജിദ്ദ: ​േലാകത്ത്​ ഏറ്റവും പഴക്കമേറിയ മനുഷ്യ പാദമുദ്ര സൗദി മരുഭൂമിയിൽ കണ്ടെത്തിയതായി പുരാവസ്​തു ഗവേഷകർ. 85,000 വർഷം പഴക്കമുള്ള കല്ലിൽ പതിഞ്ഞ പാദമുദ്ര തബൂക്ക്​ പ്രവിശ്യയി​ലാണ്​ കണ്ടെത്തിയത്​. നുഫൂദ്​ മരുഭൂമിയിൽ, മറഞ്ഞുപോയ പ്രാചീന തടാകത്തി​​​െൻറ കരയിയാണ്​ ഇൗ കല്ലുള്ളത്​. സൗദി കമീഷൻ ഫോർ ടൂറിസം ആൻഡ്​ ഹെറിറ്റേജ്​ (എസ്​.സി.ടി.എച്ച്​) പ്രസിഡൻറ്​ അമീർ സുൽത്താൻ ബിൻ സൽമാൻ ആണ്​ ഇതു സംബന്ധിച്ച പ്രഖ്യാപനം നടത്തിയത്​.

അടുത്തിടെ ജപ്പാനിലെ ടോക്യോ മ്യൂസിയത്തിൽ നടന്ന റോഡ്​സ്​ ഒാഫ്​ അറേബ്യ പ്രദർശനം കാണാനെത്തിയതായിരുന്നു അദ്ദേഹം. സൗദി വിദഗ്​ധർ ഉൾപ്പെട്ട അന്താരാഷ്​ട്ര ഗവേഷക സംഘമാണ്​ പഠനം നടത്തിയതെന്നും ചരിത്രാതീത കാലത്തെ നിരവധി മനുഷ്യരുടെ പാദമുദ്രകൾ ഇവിടെ ശ്രദ്ധയിൽപ്പെട്ടിട്ടുണ്ടെന്നും അദ്ദേഹം പറഞ്ഞു. മനുഷ്യവികാസ ചരിത്രത്തെ കുറിച്ച്​ സൂക്ഷ്​മമായ അറിവുകൾ ലഭിക്കുന്ന ഇൗ കണ്ടുപിടിത്തത്തെ കുറിച്ച്​ ആഴത്തിലുള്ള പഠനങ്ങൾ ആരംഭിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. 

88,000 വർഷം പഴക്കമുള്ള ഒരു മനുഷ്യ​​​െൻറ നടുവിരൽ അസ്​ഥി അടുത്തിടെ ഇൗ മേഖലക്ക്​ സമീപം നിന്ന്​ കണ്ടെത്തിയിരുന്നു. നുഫൂദിലെ അൽവുസ്​ത പുരാവസ്​തു ഖനനപ്രദേശത്ത്​ നിന്നാണ്​ അത്​ ലഭിച്ചത്​. ഇപ്പോൾ ഉൗഷര മരുഭൂമിയായി മാറിയ ഇവിടം ഒരുകാലത്ത്​ സമൃദ്ധമായൊരു ശുദ്ധജല തടാകമായിരുന്നുവെന്നാണ്​ പഠനങ്ങൾ തെളിയിക്കുന്നത്​.