പഴഞ്ചൻ സ്വകാര്യ മിനിബസുകൾ ഒാർമയാവും; പുതിയ ബസുകള്‍ നിരത്തിലേക്ക്​

റിയാദ്: സൗദി പ്രധാന നഗരങ്ങളില്‍ സർവീസ്​ നടത്തിയിരുന്ന പരമ്പരാഗത മിനി ബസുകൾ ഒാർമയാവുന്നു.മിനി ബസുകളുടെ സമാന്തര സർവീസ്​ നിര്‍ത്തലാക്കി പകരം കിങ് അബ്​ദുല്‍ അസീസ് പൊതുഗതാഗത സേവനത്തി​​െൻറ ഭാഗമായ ബസുകള്‍ നിരത്തിലിറക്കുമെന്ന് അധികൃതര്‍ വ്യക്തമാക്കി. റിയാദ്, ജിദ്ദ, മദീന നഗരങ്ങളില്‍ പതിറ്റാണ്ടുകളായി സേവനം നടത്തുന്ന സ്വദേശികളുടെ ഉടമയിലുള്ള  ബസ്​ സർവീസാണ്​ നിര്‍ത്തലാക്കുന്നത്. പകരം പുതിയ ബസുകള്‍ നിരത്തിലിറക്കും. മൂന്ന് നഗരങ്ങളിലുമായി ഇത്തരത്തിൽ പെട്ട 600 ലധികം മിനിബസുകള്‍ സേവനത്തിലുണ്ടെന്നാണ് കണക്ക്.

പൊതുഗതാഗതസർവീസ്​ നടത്തുന്ന ബസുകള്‍ ആധുനിക നിലവാരത്തിലുള്ളതാവണമെന്ന് മന്ത്രിസഭ നിര്‍ദേശിച്ചതി​​െൻറ അടിസ്ഥാനത്തിലാണ്  സേവനം നിര്‍ത്തലാക്കുന്നത്. ബസുടമകള്‍ക്ക് അറിയിപ്പ് നല്‍കി സേവനം നിര്‍ത്തിയ ശേഷം പുതിയ ബസുകളുടെ സർവീസ്​ ആരംഭിക്കും. പഴയ ബസുകള്‍ സേവനത്തിലില്ലെന്ന് ഉറപ്പുവരുത്താന്‍ പരിശോധകരെ ഏര്‍പ്പെടുത്താനും പൊതുഗതാഗത വകുപ്പ് തീരുമാനിച്ചിട്ടുണ്ട്. സൗദി നഗരങ്ങളുടെ മുഖച്​ഛായ മാറ്റാനുള്ള തീരുമാനത്തി​​െൻറ ഭാഗമായാണ് പുതിയ ബസ്​ സർവീസ്​  ആരംഭിക്കുന്നത്.