അസ്സഹ്​ബ-അൽറമ്മ വാദികൾക്കിടയിൽ വൻ എണ്ണ നിക്ഷേപം കണ്ടെത്തി

ജിദ്ദ: തെക്ക്​-കിഴക്കൻ സൗദിയിൽ ലോകത്തെ ഏറ്റവും വലിയ എണ്ണ നിക്ഷേപം കണ്ടെത്തി. അസ്സഹ്​ബ, അൽറമ്മ വാദികൾക്കിടയിലാണ്​ ഇൗ സ്​ഥാനം കണ്ടെത്തിയതെന്ന് ​ അരാംകോയുടെ മുൻ ഉപദേഷ്​ടാവും കിങ്​ സൗദി യൂനിവേഴ്​സിറ്റി ജിയോളജി വിഭാഗം പ്രഫസറുമായ അബ്​ദുൽ അസീസ്​ ബിൻ ലബൂൻ അറിയിച്ചു. സൗദി^യു.എ.ഇ അതിർത്തിയായ ബത്​ഹക്ക്​ തെക്കാണ്​ ഇൗ പ്രദേശം. 

ഉപരിതല പഠനത്തിൽ അസ്സഹ്​ബയും അൽറമ്മയും ലോകത്തെ ഏറ്റവും ഉൗഷരമായ വാദികളായാണ്​ കണക്കാക്കുന്നത്​. ഇതിന്​ ഇടയിലാണ്​ വിശിഷ്​ടമായ ​എണ്ണ, വാതക നിക്ഷേപം കണ്ടെത്തിയത്​. ഇൗ ​ഇടുങ്ങിയ ഭൂഭാഗത്ത്​ കുറഞ്ഞത്​ 440 ശതകോടി ബാരൽ എണ്ണ ശേഖരം ഇവിടെ ഉണ്ടാകാനിടയുണ്ടെന്നാണ്​ അനുമാനം.

ലോകത്തെ ഏറ്റവും വലിയ കര എണ്ണപ്പാടമായ കിഴക്കൻ സൗദിയിലെ ഗവാർ, രണ്ടാം സ്​ഥാനത്തുള്ള കുവൈത്തിലെ ബുർഗാൻ, ലോകത്തെ ഏറ്റവും വലിയ സമുദ്ര എണ്ണപ്പാടമായ സൗദിയുടെ സഫാനിയ എന്നിവയുടെ ഭാഗമാണ്​ ഭൗമശാസ്​ത്ര പരമായി പുതിയ പാടവും. അസ്സഹ്​ബ, അൽറമ്മ വാദികൾക്കപ്പുറത്ത്​ വിവിധ ഗൾഫ്​ രാഷ്​ട്രങ്ങളിലായി ചിതറിക്കിടക്കുന്ന നൂറിലേറെ എണ്ണ, വാതക പാടങ്ങൾ വേറെയുമുണ്ടെന്ന്​ അബ്​ദുൽ അസീസ്​ ബിൻ ലബൂൻ കൂട്ടിച്ചേർത്തു.