ആഗോള എണ്ണ വിപണിയിലെ സ്​ഥിരത: സൗദി നിർണായക റോൾ വഹിക്കും-​ഉൗർജമന്ത്രി

ജിദ്ദ: ആഗോള എണ്ണ വിപണിയിലെ സ്​ഥിരത നിലനിർത്തുന്നതിന്​ സൗദി അറേബ്യ നിർണായക റോൾ വഹിക്കുമെന്ന്​ ഉൗർജമന്ത്രി ഖാലിദ്​ അൽ ഫാലിഹ്​. വിപണിയുടെ എല്ലാ ചലനവും ഞങ്ങൾ സൂക്ഷ്​മമായി നിരീക്ഷിച്ചും വിലയിരുത്തിയും വരികയാണ്. വിപണിയി ൽ അടുത്ത കാലത്തുണ്ടായ അനിയന്ത്രിതമായ അവസ്​ഥകൾ അനാരോഗ്യകരമാണ്​. പക്ഷെ എല്ലാ പ്രതിസന്ധികളെയും നേരിടാൻ എണ്ണ ഉ ദ്​പാദകരാഷ്​ട്ര കൂട്ടായ്​മയായ ഒപെകിന്​ സാധിക്കുമെന്നും സൗദി ഉൗർജമന്ത്രി വ്യക്​തമാക്കി.

അറബ്​ പത്രത്തിന ്​ നൽകിയ അഭിമുഖത്തിൽ സംസാരിക്കുകയായിരുന്നു അദ്ദേഹം. ഒപെകി​​െൻറ ഒരുമയോടെയുള്ള പരിശ്രമങ്ങൾ വിജയം കണ്ടത് നമ്മൾ മനസിലാക്കിയതാണ്​. വിപണിയുടെ ശക്​തമായ തകർച്ചയിൽ നിന്ന്​ 30 മാസം കൊണ്ട്​ ക്രമേണ കരകയറാനായി. 24 എണ്ണ ഉൽപാദകരാജ്യങ്ങൾ ചേർന്ന്​ വിപണിയുടെ സന്തുലിതാവസ്​ഥ നിലനിർത്താനും ഉൽപാദക, ഉപഭോക്​തൃരാജ്യങ്ങൾക്കടക്കം അതി​​െൻറ ഗുണം ലഭിക്കാനും ഒരുമയോടെ പ്രവർത്തിക്കും. ഇൗ ഒരുമ നിലനിർത്താൻ വേണ്ടതെല്ലാം സൗദി അറേബ്യ ചെയ്യും. ഉദ്​പാദക രാജ്യങ്ങൾക്കിടയിൽ അഭിപ്രായ ഏകീകരണം ഉണ്ടാക്കാൻ സൗദി അറേബ്യ നിർണായകറോൾ വഹിക്കും.

എണ്ണ ഉൽപാദന നിയന്ത്രണ കരാർ നീട്ടണമോ എ​ന്നെല്ലാം വിയന്നയിൽ ചേരുന്ന യോഗത്തിൽ തീരുമാനിക്കും. എന്തായാലും ആഴത്തിലുള്ള പഠനത്തി​​െൻറയും നിരീക്ഷണത്തി​​െൻറയും അടിസ്​ഥാനത്തിലാണ്​ ഞങ്ങൾ തീരുമാനങ്ങളെടുക്കുക. യു.എസിനും ചൈനക്കുമിടയിലെ വിപണിയുദ്ധം തീർച്ചയായും അനാരോഗ്യകരമായ അവസ്​ഥ സൃഷ്​ടിക്കും. വിലപേശലി​​െൻറ ഫലം പ്രവചിക്കാനാവില്ല. ആത്യന്തികമായി എല്ലാവരുമായി കൂടിയാലോചിച്ച്​ ഉൽപാദന നിയന്ത്രണവുമായി ബന്ധപ്പെട്ട വിഷയത്തിൽ കുറ്റമറ്റ തീരുമാനമെടുക്കും.

എണ്ണ വിപണിയുടെ സന്തുലിതാവസ്​ഥ നിലനിർത്തുന്നതിൽ സൗദി- റഷ്യ ബന്ധം നിർണായകമാണ്​ എന്ന കാര്യത്തിൽ സംശയമില്ല. അതേസമയം എണ്ണയുമായി ബന്ധപ്പെട്ടു മാത്രമുള്ളതല്ല ഇര​ുരാജ്യങ്ങൾ തമ്മിലുള്ള വ്യാപാരസൗഹൃദം. റഷ്യയിലെ പ്രമുഖ കമ്പനികൾ സൗദിയിൽ വൻകിട നിക്ഷേപം നടത്താൻ നടപടികളാവുന്നുണ്ടെന്നും അദ്ദേഹം വ്യക്​തമാക്കി. അടുത്ത ദിവസം റഷ്യ സന്ദർശിക്കുന്നതുമായി ബന്ധപ്പെട്ട ചോദ്യത്തിന്​ മറുപടി പറയുകയായിരുന്നു സൗദി ഉൗർജമന്ത്രി.