മസ്ജിദുൽ അഖ്സയിലെ ഇസ്രായേൽ അതിക്രമം; ഒ.​​ഐ.​സി അ​ടി​യ​ന്ത​ര യോ​ഗം നാ​ളെ​ സൗദിയിൽ

ജി​ദ്ദ: മ​സ്​​ജി​ദു​ൽ അ​ഖ്​​സ​യി​ലെ ഇ​സ്രാ​യേ​ൽ അ​തി​ക്ര​മ​ങ്ങ​ൾ ച​ർ​ച്ച ചെ​യ്യാ​ൻ ഇ​സ്​​ലാ​മി​ക രാ​ജ്യ​ങ്ങ​ളു​ടെ സ​ഹ​ക​ര​ണ കൂ​ട്ടാ​യ്​​മ​യാ​യ ഒ.​​ഐ.​സി അ​ടി​യ​ന്ത​ര യോ​ഗം ചേ​രു​ന്നു. ചൊ​വ്വാ​ഴ്​​ച എ​ക്​​സി​ക്യൂ​ട്ടി​വ്​ ക​മ്മി​റ്റി​യു​ടെ അ​സാ​ധാ​ര​ണ യോ​ഗം ജി​ദ്ദ ഒ.​​ഐ.​സി ആ​സ്ഥാ​ന​ത്ത്​ ന​ട​ക്കും. ഇ​സ്രാ​യേ​ൽ അ​ധി​നി​വേ​ശം ന​ട​ത്തി​യി​രി​ക്കു​ന്ന ജ​റൂ​സ​ലം ന​ഗ​ര​ത്തി​നും മ​സ്​​ജി​ദു​ൽ അ​ഖ്​​സ​ക്കും എ​തി​രെ അ​തി​ക്ര​മ​വും നി​യ​മ​ലം​ഘ​ന​ങ്ങ​ളും തു​ട​രു​ന്ന സാ​ഹ​ച​ര്യ​ത്തി​ലാ​ണി​ത്. ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ സം​ര​ക്ഷ​ണ​ത്തി​ൽ അ​ൽ​അ​ഖ്‌​സ പ​ള്ളി​യു​ടെ മു​റ്റ​ത്ത് ഇ​സ്രാ​യേ​ൽ ദേ​ശീ​യ സു​ര​ക്ഷ മ​ന്ത്രി ഇ​റ്റാ​മ​ർ ബെ​ൻ ഗ്വി​ർ അ​തി​ക്ര​മി​ച്ചു ക​യ​റി​യ​ത് അ​ടു​ത്തി​ടെ​യാ​ണ്. അ​റ​ബ്​ രാ​ജ്യ​ങ്ങ​ളും ഒ.​​ഐ.​സി​യും സം​ഭ​വ​ത്തി​ൽ ശ​ക്ത​മാ​യി പ്ര​തി​ഷേ​ധിച്ചിരുന്നു.