അ​ൻ​സാ​റി​​ന്റെ മൃ​ത​ദേ​ഹം ഇ​ന്ന്​ നാ​ട്ടി​ലേ​ക്ക് കൊ​ണ്ടു​പോ​കും

ജു​ബൈ​ൽ: പ​ള്ളി​യി​ൽ ന​മ​സ്​​കാ​ര​ത്തി​നി​ടെ കു​ഴ​ഞ്ഞു​വീ​ണു​ മ​രി​ച്ച തൊ​ടു​പു​ഴ മു​ത​ല​ക്കോ​ടം സ്വ​ദേ​ശി ത​ട്ടു​പ​റ​മ്പി​ൽ അ​ൻ​സാ​ർ ഹ​സ്സ​​ന്റെ (48) മൃ​ത​ദേ​ഹം ബു​ധ​നാ​ഴ്ച നാ​ട്ടി​ലേ​ക്ക് കൊ​ണ്ടു​പോ​കും. നി​യ​മ ന​ട​പ​ടി​ക്ര​മ​ങ്ങ​ളെ​ല്ലാം പൂ​ർ​ത്തി​യാ​യി.

മ​യ്യി​ത്ത് ന​മ​സ്കാ​രം ദ​മ്മാം സെ​ൻ​ട്ര​ൽ ആ​ശു​പ​ത്രി​യി​ൽ ബു​ധ​നാ​ഴ്​​ച ഉ​ച്ച​ക്കു​ശേ​ഷം ര​ണ്ടി​ന്​ ന​ട​ക്കും. സൗ​ദി കി​ഴ​ക്ക​ൻ പ്ര​വി​ശ്യ​യി​ലെ ജു​ബൈ​ലി​ന് സ​മീ​പം നാ​രി​യ​യി​ലെ ലേ​ബ​ർ ക്യാ​മ്പി​നോ​ട് ചേ​ർ​ന്നു​ള്ള പ​ള്ളി​യി​ൽ സു​ബ്ഹി ന​മ​സ്കാ​ര​ത്തി​നി​ടെ​യാ​ണ് അ​ൻ​സാ​ർ മ​രി​ച്ച​ത്. ന​മ​സ്‌​കാ​ര​ത്തി​നി​ടെ കു​ഴ​ഞ്ഞു​വീ​ഴു​ക​യാ​യി​രു​ന്നു. ഉ​ട​ൻ മു​വാ​സാ​ത്ത് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

പൊ​ടു​ന്ന​നെ​യു​ള്ള അ​ൻ​സാ​റി​​ന്റെ മ​ര​ണം സു​ഹൃ​ത്തു​ക്ക​ളെ​യാ​കെ ദുഃ​ഖ​ത്തി​ലാ​ഴ്ത്തി​യി​രു​ന്നു. അ​ൽ സു​വൈ​ദി ക​മ്പ​നി​യു​ടെ കീ​ഴി​ൽ അ​ൽ മ​ആ​ദി​ൻ ഫോ​സ്ഫേ​റ്റി​ൽ ഇ​ല​ക്ട്രി​ക്ക​ൽ ടെ​ക്‌​നി​ഷ്യ​നാ​യി ജോ​ലി ചെ​യ്യു​ക​യാ​യി​രു​ന്നു. ജു​ബൈ​ൽ കെ.​എം.​സി.​സി സെ​ൻ​ട്ര​ൽ ക​മ്മി​റ്റി വെ​ൽ​ഫ​യ​ർ വി​ഭാ​ഗം വ​ള​ന്റി​യ​ർ ഹ​നീ​ഫ കാ​സിം ഔ​ദ്യോ​ഗി​ക ന​ട​പ​ടി​ക്ര​മ​ങ്ങ​ൾ​ക്ക് നേ​തൃ​ത്വം ന​ൽ​കി.

ഖോ​ബാ​ർ കെ.​എം.​സി.​സി സെ​ൻ​ട്ര​ൽ ക​മ്മി​റ്റി പ്ര​സി​ഡ​ന്റ്​ ഇ​ഖ്ബാ​ൽ ആ​ന​മ​ങ്ങാ​ട്, സാ​മൂ​ഹി​ക​ പ്ര​വ​ർ​ത്ത​ക​രാ​യ സ​ലീം ആ​ല​പ്പു​ഴ, അ​ൻ​സാ​രി നാ​രി​യ, ഷാ​ജി വ​യ​നാ​ട് എ​ന്നി​വ​ർ സ​ഹാ​യി​ക​ളാ​യി​രു​ന്നു.