കൊടുങ്ങല്ലൂർ സ്വദേശി ജുബൈലിൽ മരിച്ചു

ജുബൈൽ: വയറുവേദനയെ തുടർന്ന്​ ആശുപത്രിയിൽ പ്രവേശിപ്പിച്ച മലയാളി മരിച്ചു. കൊടുങ്ങല്ലൂർ പത്താഴക്കാട് പണിക്കവീട്ടിൽ പരേതനായ അബൂബക്കർ ഹാജിയുടെയും കുഞ്ഞി ബീവാത്തുവി​​െൻറയും മകനായ ഫിറോസാണ്​ (44) ജുബൈലിലെ അൽ-മന ആശുപത്രിയിൽ ശനിയാഴ്​ച പുലർച്ചെ മരിച്ചത്​. വ​െൻറിലേറ്ററി​​െൻറ സഹായത്തിൽ ജീവൻ നിലനിറുത്തുകയായിരുന്നു. മൃതദേഹം ഇതേ ആശുപത്രിയിലെ മോർച്ചറിയിൽ സൂക്ഷിച്ചിരിക്കുന്നു. 12 വർഷമായി ജുബൈലിലുള്ള ഫിറോസ് കൽപക ഹോട്ടലിലെ സെയിൽസ് സൂപർവൈസറാണ്​.

നേരത്തെ സെവൻ സ്​റ്റാർ എന്ന പേരിൽ ഒരു സൂപർമാർക്കറ്റ് നടത്തിയിരുന്നു. ഭാര്യ: സുഫൈറ. മക്കൾ: ജുബൈൽ ഇന്ത്യൻ സ്കൂൾ വിദ്യാർഥികളായ അമൻ ഫർഹാൻ, അയാൻ, അയ്ദിൻ. നവയുഗം സാംസ്‌കാരിക വേദി ജുബൈൽ ഘടകം ഭാരവാഹി അഷറഫ് കൊടുങ്ങല്ലൂരി​​െൻറ സഹോദരനാണ്​. സലിം, റഷീദ് (ദുബൈ), നാസർ, സക്കീർ ഹുസൈൻ (ഇരുവരും സൗദി), റസിയ, സിനി എന്നിവരാണ്​ മറ്റ് സഹോദരങ്ങൾ. മൃതദേഹം നാട്ടിൽ കൊണ്ടുപോകാൻ സന്നദ്ധ പ്രവർത്തകൻ സലിം ആലപ്പുഴയുടെ നേതൃത്വത്തിൽ പ്രവർത്തനങ്ങൾ നടക്കുന്നു.