പാലക്കാട്​ സ്വദേശി ദവാദ്​മിയിൽ മരിച്ചു

റിയാദ്​: മസ്തിഷ്കാഘാതത്തെ തുടർന്ന് 230 അകലെ ദവാദ്​മിയിലെ ആശുപത്രിയിൽ ചികിത്സയിലായിരുന്ന മലയാളി മരിച്ചു. പാലക്കാട് മുതലമട സ്വദേശി സുന്ദരനാണ്​ (54) തിങ്കളാഴ്​ച രാവിലെ മരിച്ചത്. അഞ്ച് ദിവസമായി ദവാദ്മി ജനറൽ ആശുപത്രിയിൽ മസ്​തിഷ്​കാഘാതത്തിനുള്ള ചികിത്സയിലായിരുന്നെങ്കിലും മരണം ഹൃദയാഘാതം മൂലമായിരുന്നു. മുമ്പും ഹൃദയാഘാതമുണ്ടായി ആശുപത്രയിൽ ചികിത്സ തേടിയിരുന്നു. 29 വർഷമായി ദവാദ്മിക്ക്​ സമീപം ഗിർണയിൽ കൃഷിപ്പണിക്കാരനായിരുന്നു. രണ്ടര വർഷം മുമ്പാണ് അവസാനം നാട്ടിൽ പോയി വന്നത്. ഭാര്യ: ഷീല. മക്കൾ: സജിൻ (22), സച്ചിൻ (18). മൃത​േദഹം നാട്ടിൽ കൊണ്ടുപോകുന്നതിനായി കെ.എം.സി.സി പ്രവർത്തകർ രംഗത്തുണ്ട്.