മക്കയിൽ മലയാളി തീർഥാടകൻ കാൽതെറ്റി വീണ്​ മരിച്ചു

മക്ക: മലയാളി ഹജ്ജ് തീർഥാടകൻ മരിച്ച നിലയിൽ. സ്വകാര്യ ഗ്രൂപ്പുവഴി മക്കയിൽ എത്തിയ ഒറ്റപ്പാലം അമ്പലപാറ സ്വദേശി പുളിക്കൽ മുഹമ്മദലിയെയാണ്​ (60) മരിച്ച നിലയിൽ കണ്ടെത്തിയത്​. ഹറമിന് അടുത്ത് അൽ ജിയാദിൽ മലക്ക് മുകളിൽ നിന്ന് കാൽ തെറ്റി വീണ് മരിച്ചതാണെന്ന്​ കരുതുന്നു​. വെള്ളിയാഴ്​ച ഹറമിൽ ത്വവാഫിനിടെയാണ്​ ഇദ്ദേഹത്തെ കാണാതായത്​. പിന്നീട്​ സാമൂഹിക പ്രവർത്തകരും വളണ്ടിയർമാര​ും തെരച്ചിൽ നടത്തി വരികയായിരുന്നു. തിങ്കളാഴ്​ച ക്ലീനിങ്​ തൊഴിലാളികളാണ് മലഞ്ചെരുവിലെ ബിൽഡിങിന് പിറകിൽ മൃതദേഹം കണ്ടെത്തിയത്. 
മക്കൾ: ഹൈദരലി, ഷൗക്കത്ത്. മൃതദേഹം അൽ നൂർഹോസ്പിറ്റൽ മോർച്ചറിയിലേക്ക് മാറ്റി. അനന്തര നടപടിക്രമങ്ങൾ പൂർത്തികരിച്ചു മക്കയിൽ ഖബറടക്കുമെന്ന് മക്ക കെ.എം.സി.സി ജനറൽ സെക്രട്ടറി മുജീബ് പൂക്കോട്ടൂർ അറിയിച്ചു.