നാട്ടിലേക്ക് പുറപ്പെട്ട മലയാളി ദമ്മാം എയർപോർട്ടിൽ മരിച്ചു

ദമ്മാം: നാട്ടിലേക്ക് പോകാൻ ദമ്മാം എയർപോർട്ടിൽ എമിഗ്രേഷൻ നടപടികൾ പുർത്തിയാക്കിയ കണ്ണൂർ സ്വദേശി ഹൃദയാഘാതം മൂലം മരിച്ചു. തലശ്ശേരി പൊന്നിയം സ്വദേശി മീത്തല ചെങ്ങളത്തിൽ ഖാലിദാണ് ( 70 ) മരിച്ചത്. വ്യാഴാഴ്ച രാത്രിയാണ് സംഭവം.

സന്ദർശക വിസയിൽ സൗദിയിൽ വന്നതായിരുന്നു. കഴിഞ്ഞ ദിവസം ശാരീരികാസ്വാസ്ഥ്യമുണ്ടായതിനെ തുടർന്ന് വേഗം നാട്ടിലേക്ക് തിരിക്കുന്നതിനിടെയാണ് മരണം. നേരത്തെ, സൗദിയിൽ ജോലി ചെയ്തിട്ടുണ്ട്.