പത്​മപുരസ്​കാരം സൗദിയിലേക്ക്​; നൗഫ്​ മർവായിക്ക്​ അംഗീകാരം

ന്യൂഡൽഹി/ജിദ്ദ: യോഗയുടെ മാഹാത്​മ്യം അറേബ്യയിലെത്തിച്ച നൗഫ്​ മുഹമ്മദ്​ അൽ മർവായി എന്ന സൗദി വനിതക്ക്​ പത്​മശ്രീ. അറബ്​ യോഗ ഫൗണ്ടേഷൻ സ്​ഥാപകയും ആയുർവേദത്തി​​​​െൻറ പ്രചാരകയുമാണ്​ ജിദ്ദ സ്വദേശിയായ നൗഫ്​. ഇതാദ്യമായാണ്​ ഒരു സൗദി പൗരന്​ പത്​മ പുരസ്​കാരം ലഭിക്ക​ുന്നത്​.

ഗൾഫിലെ ആദ്യത്തെ സർട്ടിഫൈഡ്​ യോഗ ഇൻസ്​ട്രക്​ടറാണ്​ 38 കാരിയായ നൗഫ്​. സൗദി അറേബയിലെ യോഗ വിപ്ലവത്തി​​​​െൻറ പതാകവാഹകയായി അറിയപ്പെടുന്ന നൗഫിന്​​ ഇന്ത്യയുമായി അടുത്ത ബന്ധമാണുള്ളത്​. 2009 ൽ സജീവമായി യോഗ പഠിപ്പിക്കുന്ന അവർ 3,000 ലേറെ സ്വദേശികളെ അഭ്യസിപ്പിച്ചിട്ടുണ്ട്​. 70 ലേറെ യോഗ പരിശീലകരെയും അവർ സജ്ജരാക്കി. കഴിഞ്ഞ 19 വർഷമായി യോഗയും നാചുറോപ്പതിയും ചെയ്യുന്നുണ്ട്​. 

ജിദ്ദ ഇന്ത്യൻ കോൺസ​​ുലേറ്റിൽ നടന്ന റിപ്പബ്ലിക്​ ദിന ചടങ്ങിൽ നൗഫ്​ (നടുവിൽ).

 

സൗദിയിൽ യോഗ​െയ ജനകീയമാക്കിയ അറബ്​ യോഗ ഫൗണ്ടേഷൻ 2010ലാണ്​ നൗഫ്​ സ്​ഥാപിക്കുന്നത്​. ഗൾഫ്​ മേഖലയിലെ ആദ്യ ഒൗദ്യോഗിക യോഗ ഫൗണ്ടേഷനായിരുന്നു ഇത്​. ഒാ​േട്ടാ ഇമ്യൂൺ രോഗവുമായി ജനിച്ച നൗഫ്​ യോഗയും ആയുർവേദവും കൊണ്ടാണ്​ അതി​​​​െൻറ ബുദ്ധിമുട്ടുകളെ മറികടന്നത്​. യോഗയുടെയും ആയുർവേദത്തി​​​​െൻറയും ഉള്ളറിവുകൾ തേടി ഇന്ത്യയിലെങ്ങും അവർ പലതവണ സഞ്ചരിച്ചിട്ടുണ്ട്​. നിരവധി തവണ കേരളത്തിലുമെത്തി. അറബ്​ മാർഷൽ ആർട്​സ്​ ഫെഡറേഷൻ സ്​ഥാപകൻ മുഹമ്മദ്​ അൽ മർവായിയുടെ മകളാണ്​ നൗഫ്​. 

നൗഫി​​​​െൻറ പുരസ്​കാര ലബ്​ധി പുറത്തുവന്നതോടെ ഇന്ത്യൻ സമൂഹം അവർക്ക്​ അഭിനന്ദനങ്ങളുമായി രംഗത്തെത്തി. വെള്ളിയാഴ്​ച രാവിലെ ജിദ്ദയിലെ ഇന്ത്യൻ കോൺസുലേറ്റിൽ നടന്ന റിപ്പബ്ലിക്​ ദിനാഘോഷത്തിൽ മുഖ്യാതിഥിയായിരുന്നു അവർ.