ഫേ​സ്​​ബു​ക്കി​ൽ ക​ണ്ട ഷു​ക്കൂ​ർ അ​ല്ല 22 വ​ർ​ഷം മു​മ്പ്​ കാ​ണാ​താ​യത്​

ദ​മ്മാം: മരുഭൂമിയിൽ 22 വർഷം മുമ്പ്​ കാണാതായ എറണാകുളം, ആലുവ സ്വദേശി ഇടയപുറം കൊടവത്ത്​ വീട്ടിൽ ഷുക്കൂറിനെയല്ല ഫേസ്​ബുക്കിൽ ക​െണ്ടത്തിയതെന്ന്​ ഗൾഫിലും നാട്ടിലുമുള്ള നിരവധി പേർ 'ഗൾഫ്​ മാധ്യമ'ത്തെ അറിയിച്ചു.

നേര​േത്ത വാദി ദവാസിറിലെ ഒരു ബഖാലയിൽ ജോലി ചെയ്​തിരുന്ന മലപ്പുറം വാഴക്കാട്​ ആക്കോട്​ സ്വദേശി കുറുന്തോട്ടത്തിൽ അബ്​ദുൽ ഷുക്കൂറി​േൻറതാണ്​ ഫേസ്​ബുക്ക്​ പ്രൊഫൈലെന്നും അവർ വ്യക്തമാക്കി. ഇദ്ദേഹം രണ്ടു വർഷം മുമ്പ്​ സൗദിയിലെ പ്രവാസം അവസാനിപ്പിച്ച്​ നാട്ടിലേക്ക്​ മടങ്ങിയിരുന്നു. ഇപ്പോൾ നാട്ടിലുള്ള ഇദ്ദേഹത്തി​െൻറ ബന്ധുക്കളും ഇക്കാര്യം സ്ഥിരീകരിച്ചു​. 22 വർഷം മുമ്പ്​ കാണാതായ മക​നെ കണ്ടെത്താൻ വേണ്ടിയുള്ള കുടുംബത്തി​െൻറ അന്വേഷണം തുടരുന്നതും അതിനിടയിൽ​​ ഇങ്ങനെയൊരാൾ ജീവിച്ചിരിക്കു​െന്നന്നും ഫേസ്​ബുക്കിൽ കണ്ടെത്തിയെന്നുമുള്ള വിവരം കിട്ടിയതും സംബന്ധിച്ച്​ 'ഗൾഫ്​ മാധ്യമം' കഴിഞ്ഞ ദിവസം പ്രസിദ്ധീകരിച്ച വാർത്ത വ്യാപകമായി ഷെയർ ചെയ്യപ്പെട്ടിരുന്നു. അബ്​ദുൽ ഷുക്കൂറിനെ കണ്ടെത്താനുള്ള ശ്രമത്തിൽ നിരന്തരമായി ഇടപെട്ടിരുന്ന സാമൂഹിക പ്രവർത്തകനുമായ തൃശൂർ സ്വദേശി കബീറാണ്​ ഫേസ്​ബുക്കിൽ കണ്ട വിവരം കുടുംബത്തെ അറിയിച്ചത്​.

ഇതിനെത്തുടർന്നാണ്​ വീട്ടുകാർ നൽകിയ വിവരങ്ങളുടെ അടിസ്ഥാനത്തിൽ 'ഗൾഫ്​ മാധ്യമം' വാർത്ത പ്രസിദ്ധീകരിച്ചത്​. നേര​േത്ത ഇയാളെ കണ്ടെത്താൻ നടത്തിയ ശ്രമങ്ങൾ പരാജയപ്പെട്ടിരുന്നെങ്കിലും വാർത്ത പ്രസിദ്ധീകരിച്ചതോടെ നിരവധി ആൾക്കാരാണ്​ ഇതുമായി ബന്ധപ്പെട്ട വിവരങ്ങളുമായി പത്ര ഓഫിസിലേക്ക്​ വിളിച്ചത്​. ഫോ​ട്ടോയിൽ കാണുന്ന അബ്​ദുൽ ഷുക്കൂർ വാദി ദവാസിറിലെ ബഖാലയിൽ ജോലിചെയ്​തിരുന്നതായി അദ്ദേഹത്തി​െൻറ മാതൃസഹോദരിയുടെ മകൻ മുഹമ്മദ്​ ബഷീർ അറിയിച്ചു. ​

ഒര​ു പെരുന്നാളിന്​ ത​െൻറ കാറിനു സമീപം നിന്നെടുത്ത ഫോ​േട്ടായാണ്​ ഫേസ്​ബുക്കിൽ പോസ്​റ്റ്​ ചെയ്​തിരിക്കുന്നതെന്നും ബഷീർ പറഞ്ഞു. അബ്​ദുൽ ഷുക്കൂർ എല്ലാ ദിവസവും ദീർഘ ദൂരം നടക്കുകയും കാണുന്നവരുമൊക്കെയായി ചങ്ങാത്തം സ്ഥാപിക്കുകയുമൊക്കെ ചെയ്യുമായിരുന്നതിനാൽ വാദി ദവാസിറിലെ മലയാളികൾക്കിടയിൽ ഇദ്ദേഹം സുപരിചിതനാണ്​. ത​െൻറ അടുത്തും ഇദ്ദേഹം വാരാറുണ്ടായിരുന്നുവെന്ന്​ വാദിദവാസിറിലെ മുൻ​ പ്രവാസിയായ ഉസ്​മാൻ പറഞ്ഞു. ഫേസ്​​ബുക്കിൽ കണ്ടെത്തിയത്​ തങ്ങൾ തിരയുന്ന 22 വർഷം മുമ്പ്​ കാണാതായ മകനല്ലെന്നറിഞ്ഞതോടെ ആലുവ സ്വദേശി അബ്​ദുൽ ഷുക്കൂറി​െൻറ ഉപ്പ മുഹമ്മദ്​ കാസിമും ഉമ്മ ഫാത്തിമയും ആകെ തളർന്നിരിക്കുകയാണ്​. അന്വേഷിച്ചന്വേഷിച്ച്​ തളർന്നപ്പോൾ ഇനിയവനെ പരലോകത്തുവെച്ച്​ മാത്രമേ കാണൂ എന്ന്​ വിശ്വസിക്കാൻ ശ്രമിക്കുകയായിരുന്നു.

അപ്പോഴാണ്​ അവൻ ജീവിച്ചിരിക്കുന്നു എന്നവിവരം അറിയുന്നത്​. അവൻ വന്നു എന്ന്​ സ്വപ്​നം കാണുക കൂടി ചെയ്​തതോടെ പ്രതീക്ഷ വർധിക്ക​ുകയായിരുന്നു എന്നും ഉപ്പ മുഹമ്മദ്​ കാസിം പറയുന്നു. പ​േക്ഷ, അതിപ്പോൾ ഇങ്ങനെയായെന്ന്​ ഒരു ദീർഘനിശ്വാസത്തോടെ അദ്ദേഹം പറഞ്ഞു.

ഷുക്കൂർ സൗദിയിൽ എത്തിയെന്ന്​ പറയുന്ന കാലത്ത്​ വിരലടയാളം രേഖപ്പെടുത്തുന്ന സംവിധാനം ഉണ്ടായിരുന്നില്ല. അതുകൊണ്ടാണ്​ ഇദ്ദേഹത്തെ കണ്ടെത്താൻ തടസ്സമാകുന്നത്​. എങ്കിലും സൗദിയിലുള്ള സാമൂഹിക പ്രവർത്തകർ ഷുക്കൂറിനെ കണ്ടെത്താനുള്ള ശ്രമത്തിൽ പങ്കാളിയാകുമെന്ന്​ 'ഗൾഫ്​ മാധ്യമ'ത്തെ അറിയിച്ചു​.