നോർക്ക സൗദിയിൽ ലീഗൽ ലെയ്​സൻ ഒാഫീസർമാരെ നിയമിക്കുന്നു, അപ്രായോഗിക വിജ്ഞാപനമെന്ന്​ ആരോപണം

ദമ്മാം: ഗൾഫ്​ മേഖലയിലെ പ്രവാസികൾക്ക്​ നിയമോപദേശം നൽകാൻ നോർക്ക സൗദിയിൽ ലീഗൽ ലെയ്​സൻ ഒാഫീസർമാരെ നിയമിക്കുന്ന ു. കഴിഞ്ഞ നവംബറിലാണ്​ ഇതുമായി ബന്ധപ്പെട്ട അപേക്ഷകൾ ക്ഷണിച്ചുകൊണ്ടുള്ള വിജ്ഞാപനം പുറപ്പെടുവിച്ചത്​. അധികം താമസിയാതെ നിയമനം നടക്കുമെന്നാണ്​ കരുതുന്നത്​. പ്രവാസികളെ സഹായിക്കുക എന്ന ലക്ഷ്യത്തോടെയാണ്​ ഇത്തരമൊരു നീക്കമെങ്കിലും സൗദി അറേബ്യയിൽ ഇത്​ എത്രത്തോളം ഫലപ്രദമാകും എന്നതിനെക്കുറിച്ച്​ വ്യാപകമായ സംശയങ്ങളും, പരാതികളും ഇപ്പോൾതന്നെ ഉയർന്നു കഴിഞ്ഞു. ലെയ്​സൻ ഒാഫീസർ തസ്​തികയിലേക്ക്​ തെരഞ്ഞെടുക്കപ്പെടുന്നതിനുള്ള യോഗ്യതകൾ സൗദിയുടെ സാഹചര്യങ്ങളെ കുറിച്ച്​ കൃത്യമായി ബോധ്യമില്ലാതെ തയാറാക്കിയതാണന്ന്​ തെളിയിക്കുന്നതാണ്​. വക്കീൽ ബിരുദം ഉള്ളവർക്ക്​ മാത്രമേ ഇതിലേക്ക്​ അപേക്ഷിക്കാൻ കഴിയുമായിരുന്നുള്ളു. രണ്ട്​ വർഷം നാട്ടിൽ വക്കീലായി ജോലി ചെയ്​തിരിക്കണം. സൗദിയിൽ രണ്ട്​ വർഷമായെങ്കിലും സ്​ഥിരമായി താമസിക്കുന്ന ആളായിരിക്കണം. സൗദിയുടെ നിയമങ്ങളെ കുറിച്ച്​ അറിവുണ്ടായിരിക്കണം, അറബി ഭാഷയിൽ നിപുണത വേണം. ഇതൊക്കെയാണ്​ ആവശ്യമായ യോഗ്യതകൾ. ദമ്മാമിൽ നിന്ന്​ മാത്രം സ്​ത്രീ ഉൾപെടെ അഞ്ചോളം പേരാണ്​ അപേക്ഷകർ. സൗദിയുടെ ആറ്​ പ്രവിശ്യകളിലും ഒാരോരുത്തരെ വീതം നിയമിക്കാനാണ്​ തീരുമാനം. ഗൾഫിലെ മറ്റു രാജ്യങ്ങളിൽ ഇങ്ങനെ തെരഞ്ഞെടുക്കപ്പെടുന്നവർക്ക്​ അവരുടെ ജോലി​ നിർവഹിക്കുന്നതിനുള്ള സാഹചര്യങ്ങൾ നില നിൽക്കുന്നുണ്ട്​. എന്നാൽ വിശാലമായ സൗദിയിൽ നിലവിൽ സാമൂഹ്യ പ്രവർത്തകരുടെ സഹായത്തോടെയാണ്​ ഇന്ത്യൻ എംബസി പോലും പ്രവാസികളെ സഹായിക്കുന്നത്​. സാമൂഹ്യ പ്രവർത്തകർ സ്വയം ഉണ്ടാക്കിയെടുത്ത ബന്ധങ്ങളും സ്വാധീനങ്ങളും അവരുടെ അറബ്​ ഭാഷയിലുള്ള നിപുണതയുമൊക്കെയാണ്​ ഇതിന്​ സഹായകരമാകുന്നത്​. ഇങ്ങനെ സേവനം ചെയ്യുന്നതിൽ വക്കീലന്മാർ ആരും ഇല്ലെന്നതാണ്​ ഏറെ കൗതുകം. പലപ്പോഴും കേസുകളിൽ കോടതികളിൽ ഹാജരാകുന്നത്​ ഒരു നിയമ പരിരക്ഷയും ഇല്ലാത്ത എംബസി നൽകുന്ന സാക്ഷ്യ പത്രത്തി​​െൻറ ബലത്തിലാണ്​. നിലവിൽ പ്രത്യേകിച്ചാരും ഉത്തരവാദിത്തം ഏറ്റെടുക്കാൻ ഇല്ലാത്തതിനാൽ നിരവധി സാമൂഹ്യ പ്രവർത്തകരാണ്​ സേവന സന്നദ്ധതയുമായി രംഗത്ത്​ ഉള്ളത്​. ജയിലിൽ അകപ്പെട്ടവർക്ക്​ നിയമോപദേശങ്ങൾക്കുപരി ​കോടതികളിൽ തങ്ങളുടെ വാദങ്ങൾ ബോധ്യപ്പെടുത്താനുള്ള സഹായമാണ്​ ആവശ്യം. നിയമ പ്രശ്​നങ്ങളിൽപെടുന്നവരെ സഹായിക്കാൻ സ്വദേശി വക്കീലന്മാരെ നിയമിക്കണമെന്ന സംഘടനകളുടെ ആവശ്യം സർക്കാർ തെറ്റിദ്ധരിച്ചതി​​െൻറ പ്രതിഫലമാണ്​ ഇങ്ങനെയൊരു നീക്കത്തിന്​ പിന്നിലെന്ന്​ എംബസി വളണ്ടിയർ ഗ്രൂപ്​ കൺവീനർ എബ്രഹാം വലിയകാല പറഞ്ഞു. നോർക്ക സി. ഇ.ഒ യെ നേരിൽ കണ്ട്​ ഇതി​​െൻറ അപ്രായോഗികത ബോധ്യപെടുത്തിയതായും അദ്ദേഹം പറഞ്ഞു. പ്രവാസികൾക്ക്​ വേണ്ടിയുള്ള മൊത്തത്തിലുള്ള വിഞ്​ജാപനം സൗദിക്ക്​ വേണ്ടി പ്രത്യേകം മാറ്റാൻ പറ്റാത്തതിനാലാണ്​ ഇങ്ങനെ സംഭവിച്ചതെന്ന്​ നോർക്ക ഡയറക്​ടർ ബോർഡ്​ അംഗം ജോർജ്​​ വർഗീസ്​ ‘ഗൾഫ്​ മാധ്യമത്തോട്​’പറഞ്ഞു.