മദീനയിൽ ഏഴു പെട്രോൾ പമ്പുകൾ പൂട്ടിച്ചു

മദീന: മദീന മേഖലയിൽ ഏഴ്​ പെട്രോൾ പമ്പുകൾ മുനിസിപ്പാലിറ്റി അടച്ചുപൂട്ടി. പമ്പുകൾ നവീകരിക്കാനും വികസിപ്പിക്കാനുമുള്ള നിർദേശങ്ങൾ പാലിക്കാത്തതിനാലാണ്​ നടപടി​. ഖൈബർ, സ്വൽസ്വല ബലദിയ ബ്രാഞ്ച്​ ഒാഫീസുകളുമായി സഹകരിച്ച്​ റോഡ്​ സേവന സ​െൻററിന്​ കീഴിലെ നിരീക്ഷണ വിഭാഗമാണ്​​ പരിശോധന നടത്തിയത്​. പമ്പുകളിൽ സാ​േങ്കതിക, പ്രവർത്തന ​രംഗത്ത്​ നിരവധി നിയമലംഘനങ്ങൾ കണ്ടെത്തിയിട്ടുണ്ട്​. ക്രമക്കേടുകൾ പരിഹരിക്കാൻ നൽകിയ സമയപരിധി കഴിഞ്ഞതിനെ തുടർന്നാണ്​ പമ്പുകൾ പൂട്ടിച്ചതെന്ന്​ റോഡ്​ സേവന സ​െൻറർ യൂനിറ്റ്​​ മേധാവി അബ്​ദുല്ല ബിൻ ലാഫി പറഞ്ഞു. മന്ത്രാലയത്തി​​െൻറ നിർദേശങ്ങൾ പമ്പുകൾ പാലിച്ചിരുന്നില്ല. പട്ടണത്തിനകത്തും പുറത്തുമുള്ള പമ്പുകൾ പരിശോധിക്കുമെന്നും സ്വദേശികൾക്കും സന്ദർശകർക്കും മികച്ച സേവനം നൽകുന്നുണ്ടോയെന്ന്​ ഉറപ്പുവരുത്തുമെന്നും അദ്ദേഹം പറഞ്ഞു.