നിലമ്പൂർ കരുളായി സ്വദേശി റിയാദിൽ മരിച്ചു

റിയാദ്​: ഹൃദയാഘാതം മൂലം മലയാളി റിയാദിൽ മരിച്ചു. നിലമ്പൂർ, കരുളായി പിലാക്കൽ സ്വദേശി മുഹമ്മദലി മുണ്ടോടൻ എന്ന ഇണ്ണിയാണ്​ (51) ബുധനാഴ്​ച രാത്രി മൻഫുഅയിലെ അൽഇൗമാൻ ആശുപത്രിയിൽ മരിച്ചത്​. നെഞ്ചുവേദനയെ തുടർന്ന്​ ആശുപത്രിയിൽ പ്രവേശിപ്പിച്ചതായിരുന്നു. സഹോദരങ്ങളോടൊപ്പം അൽഅമ്മാർ ഡെക്കറേഷൻ എന്ന സ്ഥാപനം നടത്തി വരികയായിരുന്നു. വർഷങ്ങളായി റിയാദിലുള്ള ഇദ്ദേഹം കെ.എം.സി.സി നിലമ്പൂർ മണ്ഡലം പ്രവർത്തകനും റിയാദ്​ കരുളായി പ്രവാസി കൂട്ടായ്​മ ഭാരവാഹിയുമാണ്​.

പരേതനായ മുണ്ടോടൻ മോതി ^ ഖദീജ ദമ്പതികളുടെ മകനാണ്​. ഭാര്യ: ലൈല മനോളൻ. മക്കൾ: ശഹന മോൾ, ശഹിൻ (റിയാദ്​), സമദ്​. മരുമകൻ: ജംഷീദ്​ (സി.ആർ.പി.എഫ്​ ജവാൻ). സഹോദരങ്ങൾ: സലീം മുണ്ടോടൻ (റിയാദ്​ കെ.എം.സി.സി നിലമ്പൂർ മണ്ഡലം ജനറൽ സെക്രട്ടറി), മുജീബ്​, ശിഹാബ്​, റിയാസ്​ (എല്ലാവരും റിയാദ്​), സാറ, റജീന, മുബഷിറ. മൃതദേഹം നാട്ടിൽ കൊണ്ടുപോകും. മരണാനന്തര നടപടിക്രമങ്ങളുമായി കെ.എം.സി.സി ജീവകാരുണ്യ പ്രവർത്തകൻ സിദ്ദീഖ്​ തുവ്വൂർ രംഗത്തുണ്ട്​.