'കോഴിക്കോടെൻസി'ന് പുതിയ നേതൃത്വം

റിയാദ്: റിയാദിലെ കോഴിക്കോട്ടുകാരുടെ കൂട്ടായ്മയായ 'കോഴിക്കോടെൻസി'ന് പുതിയ നേതൃത്വം. മലസിലെ അൽമാസ്സ് ഓഡിറ്റോറിയത്തിൽ ചേർന്ന എക്സിക്യൂട്ടിവ് യോഗത്തിൽ ചീഫ് ഓർഗനൈസർ അർഷദ് ഫറോക്ക് മുഖ്യപ്രഭാഷണം നടത്തി. അഡ്മിൻ ലീഡ് മുനീബ് പാഴൂർ പ്രവർത്തന റിപ്പോർട്ടും ഫൈനാൻസ് ലീഡ് റാഫി കൊയിലാണ്ടി സാമ്പത്തിക റിപ്പോർട്ടും അവതരിപ്പിച്ചു. ഫൗണ്ടർ മെംബർ അഷ്‌റഫ് വേങ്ങാട്ട് തെരഞ്ഞെടുപ്പ് നിയന്ത്രിച്ചു.

തുടർന്ന് ജനാധിപത്യ രീതിയിൽ പുതിയ ഭാരവാഹികളെ തിരഞ്ഞെടുത്തു. ചീഫ് ഓർഗനൈസറായി ഫാമിലി കൗൺസിലറും മൈൻഡ് തെറപ്പിസ്റ്റുമായ മൊഹിയുദ്ദീൻ സഹീർ ചേവായൂരിനെയും അഡ്മിൻ ലീഡായി ഹാരിസ് വാവാടിനെയും ഫിനാൻസ് ലീഡായി ഷാജു മുക്കത്തെയും തിരഞ്ഞെടുത്തു. കബീർ നല്ലളം (പ്രോഗ്രാം ലീഡ്), സുഹാസ് ചേപ്പാലി (ടെക്നോളജി ലീഡ്), നവാസ് ഒപ്പീസ് (മീഡിയ ലീഡ്), മുജീബ് മുത്താട്ട് (പ്രോജക്ട് ലീഡ്), പി.എം. മുഹമ്മദ് ഷാഹിൻ (കിഡ്‌സ് ലീഡ്), വി.കെ.കെ. അബ്ബാസ് (ഫാമിലി ലീഡ്), ഉമർ മുക്കം (വെൽഫെയർ ലീഡ്) എന്നിവരാണ് മറ്റു ഭാരവാഹികൾ.

അഡ്വ. ജലീൽ കിണാശ്ശേരി, യതി മുഹമ്മദ് അലി, ഷമീം മുക്കം, അബ്ദുൽ മജീദ് പൂളക്കാടി, ഗഫൂർ കൊയിലാണ്ടി, ശിഹാബ് കൊടിയത്തൂർ, മുസ്തഫ നെല്ലിക്കാപറമ്പ, സഫറുല്ല കൊടിയത്തൂർ, ഷബീർ അലി, ഒ.പി. ഷമീജ്, സിദ്ദിഖ് പാലക്കൽ, നൗഫൽ മുല്ലവീട്ടിൽ, ഷഫീഖ് കിനാലൂർ, നാസർ മാവൂർ എന്നിവർ സംസാരിച്ചു. ഫൈസൽ പൂനൂർ നന്ദി പറഞ്ഞു.