ഫോക്കസ് റിയാദ് ഡിവിഷന് പുതിയ നേതൃത്വം

റിയാദ്: ഫോക്കസ് ഇൻറർനാഷനൽ റിയാദ് ഡിവിഷൻ 2026-27 പ്രവർത്തന കാലയളവിലേക്കുള്ള പുതിയ കമ്മിറ്റി നിലവിൽ വന്നു. ഐ.എം.കെ. അഹമ്മദ് (ഡിവിഷനൻ ഡയറക്ടർ), ഷമീം വെള്ളാടത്ത് (ഓപറേഷൻ മാനേജർ), ഷമീൽ കക്കാടൻ (അഡ്മിൻ മാനേജർ), പി.വി. റിയാസ് (ഫിനാൻസ് മാനേജർ), ഫഹദ് ഷിയാസ് (ഡിവിഷൻ ഡെപ്യുട്ടി ഡയറക്ടർ), നജീഹ് അലി (എച്ച്​.ആർ മാനേജർ), മുഹമ്മദ്‌ ഷഹീർ പൊന്നാനി (വെൽഫയർ മാനേജർ), മുഹമ്മദ് റഈസ് (മാർക്കറ്റിങ്​ മാനേജർ), സിയാദ് മുഹമ്മദ്‌ (ഇവൻറ് മാനേജർ) എന്നിവരാണ് പുതിയ ഭാരവാഹികൾ.

റീജനൽ എക്സിക്യൂട്ടീവ് അംഗങ്ങളായി അബ്​ദുൽ റഊഫ് പൈനാട്, ഇക്ബാൽ കൊടക്കാട്, ഫൈറൂസ് വടകര, നസീഫ് അബ്​ദുല്ലത്തീഫ് എന്നിവരെ തെരഞ്ഞെടുത്തു. മറ്റു വകുപ്പുകളിലേക്കായി പി.ടി. യൂനുസ് (ക്യു.സി മാനേജർ), റാമി സുനൈസ് (ആർട്സ് ആൻഡ്​ സ്‌പോർട്സ്), ഫവാസ് ഇബ്രാഹിം (മീഡിയ ആൻഡ്​ പി.ആർ), നസീഫ് അബ്​ദുല്ലത്തീഫ് (ഫോക്കസ് കെയർ), ഷാനിത് (ഇക്കോ ഫോക്കസ്), അബ്​ദുറഹ്‌മാൻ (എജ്യൂ ഫോക്കസ്), നവാസ് വടക്കയിൽ (മോറൽ), ഷമീർ മാലിക് അജ്മൽ (ഹെൽത്ത്‌ ഫോക്കസ്), അബ്​ദുൽ മുഹൈമിൻ (ഐ.ടി) എന്നിവരെയും തെരഞ്ഞെടുത്തു.

ബത്ഹ എസ്.ഐ.ഐ.സി ഓഡിറ്റോറിയത്തിൽ നടന്ന ജനറൽ ബോഡി യോഗത്തിൽ 2024-25 പ്രവർത്തന കാലയളവിലെ പ്രവർത്തന റിപ്പോർട്ട്‌ പി.വി. റിയാസ് അവതരിപ്പിച്ചു. ഫഹദ് ഷിയാസ് സാമ്പത്തിക റിപ്പോർട്ടും ഷമീൽ കക്കാടൻ വെൽഫയർ റിപ്പോർട്ടും അവതരിപ്പിച്ചു. സിറാജ് തയ്യിൽ, ഷാജഹാൻ ചളവറ എന്നിവർ തെരഞ്ഞെടുപ്പ് നിയന്ത്രിച്ചു. പി.വി. റിയാസ് സ്വാഗതവും അബ്​ദുൽ റഊഫ് പൈനാട് നന്ദിയും പറഞ്ഞു.