പുതിയ കിസ്​വ കൈമാറി

ജിദ്ദ:  പുതിയ കിസ്​വയുടെ കൈമാറ്റം നടന്നു. പതിവുപോലെ ദുൽഹജ്ജ്​ ഒന്ന്​ ഇന്നലെയാണ്​ പുതിയ കിസ്​വ കൈമാറ്റ ചടങ്ങ്​ നടന്നത്​. സൽമാൻ രാജാവിനു വേണ്ടി മക്ക ഗവർണർ അമീർ ഖാലിദ്​ അൽഫൈസലാണ്​ പുതിയ കിസ്​വ കഅ്​ബയുടെ  മുതിർന്ന പരിചാരകൻ ഡോ. സ്വാലിഹ്​ ബിൻ ​സൈനുൽ ആബിദ്​ അൽശുബൈതിക്ക്​ കൈമാറിയത്​. ഡെപ്യൂട്ടി ഗവർണർ അമീർ അബ്​ദുല്ല ബിൻ ബന്ദർ സന്നിഹിതനായിരുന്നു. കിസ്​വ കൈമാറ്റ രേഖയിൽ മസ്​ജിദുൽഹറാം, മസ്​ജിദുന്നബവി കാര്യാലയ മേധാവി ഡോ. അബ്​ദുറഹ്​മാൻ അൽസുദൈസും  ഡോ. സ്വാലിഹ്​ അൽസുബൈത്തിയും ഒപ്പുവെച്ചു. ദുൽഹജ്ജ്​ ഒമ്പതിനാണ്​ പുതിയ കിസ്​വ കഅ്​ബയെ പുതപ്പിക്കുക.