സ്പോ​ർ​ട്സ് ക്ല​ബു​ക​ൾ​ക്കാ​യുള്ള പു​തി​യ നി​ക്ഷേ​പ പ​ദ്ധ​തി; നാലു ഫുട്ബാൾ ക്ലബുകളുടെ 75 ശതമാനം ഉടമസ്ഥാവകാശം പൊതു നിക്ഷേപ ഫണ്ടിലേക്ക്

ജി​ദ്ദ: സൗ​ദി​യി​ലെ പ്ര​മു​ഖ ക്ല​ബു​ക​ളാ​യ അ​ൽ​ഹി​ലാ​ൽ, അ​ൽ​ന​സ്ർ, അ​ൽ​ഇ​ത്തി​ഹാ​ദ്, അ​ൽ​അ​ഹ്‍ലി എ​ന്നി​വ​യു​ടെ 75 ശ​ത​മാ​നം ഉ​ട​മ​സ്ഥാ​വ​കാ​ശം പൊ​തു നി​ക്ഷേ​പ ഫ​ണ്ടി​ലേ​ക്ക് മാ​റ്റു​ന്നു. സ്പോ​ർ​ട്സ് ക്ല​ബു​ക​ൾ​ക്കാ​യി പു​തി​യ നി​ക്ഷേ​പ പ​ദ്ധ​തി ആ​രം​ഭി​ച്ച​താ​യു​ള്ള സൗ​ദി കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​ന്റെ പ്ര​ഖ്യാ​പ​ന​ത്തി​നു ശേ​ഷ​മാ​ണ് നാ​ലു പ്ര​മു​ഖ ഫു​ട്ബാ​ൾ ക്ല​ബു​ക​ളു​ടെ 75 ശ​ത​മാ​നം ഉ​ട​മാ​വ​കാ​ശം പൊ​തു​നി​ക്ഷേ​പ ഫ​ണ്ടി​ലേ​ക്ക് മാ​റ്റാ​ൻ തീ​രു​മാ​നി​ച്ച​ത്.

ഇ​തോ​ടെ ഒ​രോ ക്ല​ബി​ന്റെ​യും 75 ശ​ത​മാ​നം ഉ​ട​മ​സ്ഥാ​വ​കാ​ശം ഫ​ണ്ടി​നാ​യി​രി​ക്കും. അ​ൽ​ഹി​ലാ​ൽ, അ​ൽ​ന​സ്ർ, അ​ൽ​ഇ​ത്തി​ഹാ​ദ്, അ​ൽ​അ​ഹ്‍ലി എ​ന്നീ സ്‌​പോ​ർ​ട്‌​സ് ക്ല​ബു​ക​ളെ ക​മ്പ​നി​ക​ളാ​ക്കി മാ​റ്റു​മെ​ന്ന് പൊ​തു നി​ക്ഷേ​പ ഫ​ണ്ട് പ്ര​ഖ്യാ​പി​ച്ചി​ട്ടു​ണ്ട്. ഓ​രോ ക്ല​ബും പൊ​തു നി​ക്ഷേ​പ ഫ​ണ്ടി​ന്റെ​യും ഓ​രോ ക്ല​ബി​ന്റെ​യും ലാ​ഭേ​ച്ഛ​യി​ല്ലാ​ത്ത കാ​യി​ക സ്ഥാ​പ​ന​ത്തി​ന്റെ​യും ഉ​ട​മ​സ്ഥ​ത​യി​ലാ​യി​രി​ക്കു​മെ​ന്നും പ​റ​ഞ്ഞു.

നാ​ലു ക്ല​ബു​ക​ളെ ക​മ്പ​നി​ക​ളാ​ക്കി മാ​റ്റി​യ​ശേ​ഷം പൊ​തു നി​ക്ഷേ​പ ഫ​ണ്ട് 75 ശ​ത​മാ​നം നി​ക്ഷേ​പി​ക്കു​മെ​ന്നും കാ​യി​ക മ​ന്ത്രി അ​മീ​ർ അ​ബ്ദു​ൽ അ​സീ​സ് ബി​ൻ തു​ർ​ക്കി അ​ൽ​ഫൈ​സ​ൽ വി​ശ​ദീ​ക​രി​ച്ചു. 25 ശ​ത​മാ​നം നി​ക്ഷേ​പം ക്ല​ബി​ന്റെ ജ​ന​റ​ൽ അ​സം​ബ്ലി​യി​ലെ നി​ല​വി​ലെ അം​ഗ​ങ്ങ​ളും സ്ഥാ​പ​ന​ത്തി​ലേ​ക്ക് ചേ​രു​ന്ന പു​തി​യ അം​ഗ​ങ്ങ​ളും ഉ​ൾ​പ്പെ​ടു​ന്ന ലാ​ഭേ​ച്ഛ​യി​ല്ലാ​ത്ത സ്ഥാ​പ​ന​ത്തി​നാ​യി​രി​ക്കും.

ര​ണ്ട് അം​ഗ​ങ്ങ​ളെ അ​വ​ർ ഡ​യ​റ​ക്ട​ർ ബോ​ർ​ഡ് അം​ഗ​ത്വ​ത്തി​ലേ​ക്ക് നാ​മ​നി​ർ​ദേ​ശം ചെ​യ്യും. അ​വ​രി​ൽ ഒ​രാ​ൾ ഡ​യ​റ​ക്ട​ർ ബോ​ർ​ഡി​ന്റെ ചെ​യ​ർ​മാ​നാ​യി​രി​ക്കും. പൊ​തു നി​ക്ഷേ​പ ഫ​ണ്ട് അ​ഞ്ച് അം​ഗ​ങ്ങ​ളെ നി​യ​മി​ക്കു​മെ​ന്നും മ​ന്ത്രി പ​റ​ഞ്ഞു. എ​ല്ലാ ക്ല​ബു​ക​ൾ​ക്കും സ​ർ​ക്കാ​ർ പി​ന്തു​ണ തു​ട​രും. ക്ല​ബ് മ​ത്സ​ര​ങ്ങ​ളു​ടെ ടി​ക്ക​റ്റ് നി​ര​ക്കി​ൽ വ​ർ​ധ​ന​യു​ണ്ടാ​കി​ല്ലെ​ന്നും മ​ന്ത്രി പ​റ​ഞ്ഞു.

കി​രീ​ടാ​വ​കാ​ശി​യു​ടെ പി​ന്തു​ണ കാ​യി​ക മേ​ഖ​ല​യു​ടെ വി​ക​സ​ന​ത്തി​നും ശ​ക്തി​പ്പെ​ടു​ത്ത​ലി​നും കാ​ര​ണ​മാ​കും. സ്വ​കാ​ര്യ​വ​ത്ക​ര​ണം നി​ക്ഷേ​പ​ത്തി​ലും സ്പോ​ർ​ട്സ് ആ​രാ​ധ​ക​രു​ടെ എ​ണ്ണം കൂ​ടു​ന്ന​തി​ലും വ​ലി​യ സ്വാ​ധീ​നം ചെ​ലു​ത്തും. ലോ​ക​ത്തി​ലെ ഏ​റ്റ​വും മി​ക​ച്ച 10 ലീ​ഗു​ക​ളി​ൽ എ​ത്തു​ക എ​ന്ന ല​ക്ഷ്യം കൈ​വ​രി​ക്കു​ന്ന​തി​ന് വ​ള​രെ​യ​ധി​കം പ​രി​ശ്ര​മ​വും അ​ധ്വാ​ന​വും ആ​വ​ശ്യ​മാ​ണ്.

മ​ന്ത്രാ​ല​യ​വും ബ​ന്ധ​പ്പെ​ട്ട വ​കു​പ്പു​ക​ളും ഇ​ത് നേ​ടാ​ൻ ശ്ര​മി​ക്കു​ക​യാ​ണെ​ന്നും മ​ന്ത്രി പ​റ​ഞ്ഞു. അ​തേ സ​മ​യം, അ​ൽ​ഖാ​ദി​സി​യ ക്ല​ബി​ന്റെ ഉ​ട​മ​സ്ഥാ​വ​കാ​ശം സൗ​ദി അ​രാം​കോ​ക്കും ദി​ർ​ഇ​യ ക്ല​ബ് ഉ​ട​മാ​വ​കാ​ശം ദി​രി​യ ഗേ​റ്റ് ഡെ​വ​ല​പ്‌​മെ​ന്റ് അ​തോ​റി​റ്റി​യി​ലേ​ക്കും അ​ൽ​ഉ​ല ക്ല​ബ് അ​ൽ​ഉ​ല റോ​യ​ൽ ക​മീ​ഷ​നി​ലേ​ക്കും ഫാ​ൽ​ക്ക​ൺ​സ് ക്ല​ബി​ന്റെ ഉ​ട​മാ​വ​കാ​ശം സൗ​ദി നി​യോം ക​മ്പ​നി​യി​ലേ​ക്കും മാ​റ്റു​മെ​ന്ന വാ​ർ​ത്ത​ക​ളും പു​റ​ത്തു​വ​രു​ന്നു​ണ്ട്.