അംബാസഡർ വിപുൽ ഔദ്യോഗിക രേഖകൾ സൗദി വിദേശകാര്യ മന്ത്രാലയത്തിന്​ കൈമാറി

റിയാദ്: സൗദി അറേബ്യയിലെ പുതിയ ഇന്ത്യൻ അംബാസഡറായി നിയമിതനായ വിപുലി​െൻറ യോഗ്യതാപത്രത്തി​െൻറ (ക്രഡൻഷ്യൽ രേഖകൾ) പകർപ്പ് സൗദി വിദേശകാര്യ മന്ത്രാലയം ഔദ്യോഗികമായി സ്വീകരിച്ചു.

സൗദി വിദേശകാര്യ മന്ത്രിക്ക് വേണ്ടി, മന്ത്രാലയത്തിലെ ഡിപ്ലോമാറ്റിക് കോർപ്സ് അഫയേഴ്സ് ജനറൽ ഡയറക്ടർ അലി ബിൻ അബ്​ദുല്ല അൽ ഷെഹ്‌റിയാണ് അംബാസഡർ വിപുലിൽനിന്ന് രേഖകൾ ഏറ്റുവാങ്ങിയത്. റിയാദിലെ വിദേശകാര്യ മന്ത്രാലയ ആസ്ഥാനത്ത് വെച്ചായിരുന്നു ചടങ്ങ്.