സൗദി എയർലൈൻസിന്​ പുതിയ ഡ്രീംലൈനർ വിമാനം

ജിദ്ദ: സൗദി എയർലൈൻസിനു വേണ്ടി പുതിയ ബോയിങ്​ വിമാനം ബി 787-10 (ഡ്രീംലൈനർ) ജിദ്ദയിലെത്തി. അമേരിക്കയിലെ ബോയിങ്​ കമ്പനി ആസ്ഥാനത്ത്​ നിന്നാണ്​ അഞ്ചാമത്തെ ​ഡ്രീംലൈനർ വിമാനം ജിദ്ദയിലെത്തിയത്​. ഇതേ ഇനത്തിലുള്ള എട്ട്​ വിമാനങ്ങളാണ്​ സൗദി എയർലൈൻസ്​ ബുക്ക്​ ചെയ്​തത്​. നാല്​ വിമാനങ്ങൾ നേരത്തേ എത്തിയിട്ടുണ്ട്​. നൂതന സാ​േങ്കതിക സംവിധാനങ്ങളും മികച്ച സൗകര്യങ്ങളും ഉയർന്ന പ്രവർത്തന ശേഷിയുമുള്ളതാണ്​ പുതിയ വിമാനമെന്ന്​ 'സൗദിയ'ഡയറക്​ടർ ജനറൽ സാമീ സിന്ദി പറഞ്ഞു. ദേശീയ വിമാനക്കമ്പനിക്ക്​ പുതിയ വിമാനങ്ങൾ കരുത്തുപകരുകയും പദ്ധതി നടപ്പാക്കുന്നതിന്​ സഹായമാകുകയും ചെയ്യും. ഭാവിയിലെ ആവശ്യങ്ങൾ കണക്കിലെടുത്താണ്​ പുതിയ വിമാനങ്ങൾ വാങ്ങുന്നതെന്നും അദ്ദേഹം പറഞ്ഞു.