കോവിഡ്​: സൗദിയിൽ പുതിയ കേസുകൾ ഉയർന്ന്​ തന്നെ

റിയാദ്​: സൗദി അറേബ്യയിൽ പുതിയ കോവിഡ്​ കേസുകളുടെ എണ്ണം ഉയരുന്നു. വ്യാഴാഴ്​ച 322 പേർക്കാണ്​ പുതുതായി രോഗം സ്ഥിരീകരിച്ചത്​. 428 പേർ കൂടി കോവിഡ്​ മുക്തരായി. രാജ്യത്ത്​ വിവിധ ഭാഗങ്ങളിലായി 15 മരണങ്ങളാണ്​ റിപ്പോർട്ട്​ ചെയ്​തത്​. ആകെ കോവിഡ്​ കേസുകളുടെ എണ്ണം 356389 ആയി.

രോഗമുക്തരുടെ ആകെ എണ്ണം 345215 ആയി ഉയർന്നു. ആകെ മരണസംഖ്യ 5840 ആണ്​. ചികിത്സയിലുള്ള കോവിഡ്​ ബാധിതരുടെ എണ്ണം 5334 ആയി കുറഞ്ഞു. ഇതിൽ 699 പേർ മാ​ത്രമാണ്​ ഗുരുതരാവസ്ഥയിലുള്ളത്​. ഇവർ തീവ്രപരിചരണ വിഭാഗത്തിലാണ്​. രാജ്യത്തെ കോവിഡ്​ മുക്തി നിരക്ക്​ 96.7 ശതമാനമായി​. മരണനിരക്ക്​ 1.6 ശതമാനമായി തുടരുന്നു. 24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ റിയാദിലാണ്, 65. ജിദ്ദ 29, മക്ക​ 24, മദീന 22, ഉനൈസ 11, ത്വാഇഫ്​​​​ 11, വാദി ദവാസിർ 11, അൽഖർജ്​ 10, യാംബു​​​ 9, മജ്​മഅ​​ 8, ബുറൈദ​ 7, ദമ്മാം​​​ 7, തബൂക്ക്​​​​​ 7, ഹുഫൂഫ്​ 6 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം