നി​യോം, ദി ​ലൈ​ൻ; ലോ​കം ഇ​തു​വ​രെ ക​ണ്ടി​ട്ടി​ല്ലാ​ത്ത പ​ദ്ധ​തി​ക​ൾ -വി​ദേ​ശ​കാ​ര്യ സ​ഹ​മ​ന്ത്രി

ജി​ദ്ദ: നി​യോം, ദി ​ലൈ​ൻ എ​ന്നീ പ​ദ്ധ​തി​ക​ൾ ലോ​കം ഇ​തു​വ​രെ ക​ണ്ടി​ട്ടി​ല്ലാ​ത്ത ​ന​ഗ​ര​ങ്ങ​ളെ കു​റി​ച്ചു​ള്ള​താ​ണെ​ന്ന്​ സൗ​ദി വി​ദേ​ശ​കാ​ര്യ സ​ഹ​മ​ന്ത്രി​യും ഐ​ക്യ​രാ​ഷ്​​ട്ര സ​ഭ​യി​ലെ കാ​ലാ​വ​സ്ഥ സ​മി​തി​യി​ലെ സൗ​ദി പ്ര​തി​നി​ധി​യു​മാ​യ ആ​ദി​ൽ അ​ൽ ജു​ബൈ​ർ പ​റ​ഞ്ഞു. സ്വി​റ്റ്‌​സ​ർ​ല​ൻ​ഡി​ലെ ദാ​വോ​സി​ൽ ന​ട​ന്ന ലോ​ക സാ​മ്പ​ത്തി​ക ഉ​ച്ച​കോ​ടി​യി​ൽ സം​സാ​രി​ക്ക​വേ​യാ​ണ്​ അ​ദ്ദേ​ഹം ഇ​ക്കാ​ര്യം പ​റ​ഞ്ഞ​ത്.

ന​ഗ​രാ​സൂ​ത്ര​ണ​ത്തെ ആ​ളു​ക​ൾ കാ​ണു​ന്ന രീ​തി​യെ അ​ടി​സ്ഥാ​ന​പ​ര​മാ​യി മാ​റ്റു​ന്ന പ​ദ്ധ​തി​ക​ളാ​ണി​വ. സം​ശ​യ​മു​ള്ള​വ​രെ നി​രാ​ശ​പ്പെ​ടു​ത്താ​ൻ ഞാ​ൻ ആ​ഗ്ര​ഹി​ക്കു​ന്നി​ല്ല, പ​ക്ഷേ നി​യോം യാ​ഥാ​ർ​ഥ്യ​മാ​ണ്. ദി ​ലൈ​നും യാ​ഥാ​ർ​ഥ്യ​മാ​ണ്. ലോ​കം ഇ​തു​വ​രെ ക​ണ്ടി​ട്ടി​ല്ലാ​ത്ത പ​രി​വ​ർ​ത്ത​ന പ​ദ്ധ​തി​ക​ളാ​ണി​വ. ന​ഗ​ര​ങ്ങ​ളെ​യും ന​ഗ​രാ​സൂ​ത്ര​ണ​ത്തെ​യും ആ​ളു​ക​ൾ കാ​ണു​ന്ന രീ​തി അ​ടി​സ്ഥാ​ന​പ​ര​മാ​യും വി​പ്ല​വ​ക​ര​മാ​യും ഇ​ത്​ മാ​റ്റും.

മു​മ്പൊ​രി​ക്ക​ലും പ​രീ​ക്ഷി​ക്കാ​ത്ത​തും ഇ​പ്പോ​ൾ നി​ർ​മാ​ണ​ത്തി​ലി​രി​ക്കു​ന്ന​തു​മാ​യ ചി​ന്ത​യാ​ണി​തെ​ന്നും വി​ദേ​ശ​കാ​ര്യ മ​​ന്ത്രി വി​ശ​ദീ​ക​രി​ച്ചു. നി​യോം, ദി ​ലൈ​ൻ പ​ദ്ധ​തി​ക​ൾ സാ​മ്പ​ത്തി​ക​മാ​യി പ്രാ​യോ​ഗി​ക​മാ​ണെ​ന്നും ഇ​ല്ലെ​ങ്കി​ൽ ഞ​ങ്ങ​ൾ അ​വ എ​ടു​ക്കി​ല്ലെ​ന്നും ചോ​ദ്യ​ത്തി​നു മ​റു​പ​ടി​യാ​യി അ​ദ്ദേ​ഹം പ​റ​ഞ്ഞു. ഇ​ത് സൗ​ദി അ​റേ​ബ്യ​ക്ക് മാ​ത്ര​മ​ല്ല, പൊ​തു​വെ ന​ഗ​ര ജീ​വി​ത​ത്തി​നും വ​ള​രെ അ​ഭി​ല​ഷ​ണീ​യ​വും പ​രി​വ​ർ​ത്ത​ന​പ​ര​വു​മാ​യ ഒ​രു ദീ​ർ​ഘ​കാ​ല പ​ദ്ധ​തി​യാ​ണെ​ന്നും അദ്ദേഹം പ​റ​ഞ്ഞു. ഉ​യ​ർ​ന്ന നി​ല​വാ​ര​ത്തി​ലു​ള്ള ജീ​വി​തം ആ​സ്വ​ദി​ക്കു​ന്ന പ​രി​സ്ഥി​തി സൗ​ഹൃ​ദ​വും സു​സ്ഥി​ര​വു​മാ​യ ന​ഗ​രം സൃ​ഷ്​​ടി​ക്കാ​നു​ള്ള ശ്ര​മ​മാ​ണ് ഈ ​പ​ദ്ധ​തി​ക​ളെ​ന്ന് അ​ദ്ദേ​ഹം വി​ശ​ദീ​ക​രി​ച്ചു. ഗ​താ​ഗ​ത​ക്കു​രു​ക്ക് ഉ​ണ്ടാ​കി​ല്ല.

കാ​റു​ക​ൾ ഉ​പ​യോ​ഗി​ക്കാ​തെ​യും വി​വി​ധ മേ​ഖ​ല​ക​ളി​ലേ​ക്ക് പോ​കാ​നാ​കും. പ​രി​സ്ഥി​തി സൗ​ഹൃ​ദ​വും പു​ന​രു​പ​യോ​ഗ ഊ​ർ​ജ​ത്തെ ആ​ശ്ര​യി​ക്കു​ന്ന​തു​മാ​യ മ​റ്റു ഗ​താ​ഗ​ത മാ​ർ​ഗ​ങ്ങ​ൾ ഉ​ണ്ടാ​കു​മെ​ന്നും വി​ദേ​ശ​കാ​ര്യ​മ​ന്ത്രി പ​റ​ഞ്ഞു.