‘നിയോം’ ന്യൂയോർക്കിൽ ഓഫിസ്​ തുറന്നു

റി​യാ​ദ്​: ‘നി​യോം’ അ​തി​ന്റെ ആ​ദ്യ വി​ദേ​ശ ഓ​ഫി​സ് ലോ​ക​ത്തി​ലെ പ്ര​ധാ​ന​പ്പെ​ട്ട വ്യാ​പാ​ര-​സാ​മ്പ​ത്തി​ക കേ​ന്ദ്ര​ങ്ങ​ളി​ലൊ​ന്നാ​യ യു.​എ​സി​ലെ ന്യൂ​യോ​ർ​ക്ക് സി​റ്റി​യി​ൽ തു​റ​ന്നു. അ​മേ​രി​ക്ക​യി​ലെ സൗ​ദി അം​ബാ​സ​ഡ​ർ അ​മീ​റ റീ​മ ബി​ൻ​ത് ബ​ന്ദ​ർ ബി​ൻ സു​ൽ​ത്താ​ൻ, നി​യോം സി.​ഇ.​ഒ എ​ൻ​ജി​നീ​യ​ർ ന​സ്​​മി അ​ൽ​ന​ള്​​ർ, നി​യോ​മി​​ന്റെ ത​ന്ത്ര​പ​ര​വും സാ​മ്പ​ത്തി​ക​വു​മാ​യ പ​ങ്കാ​ളി​ക​ൾ, അ​മേ​രി​ക്ക​യി​ലെ ബി​സി​ന​സ് സ​മൂ​ഹം എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ്​ പു​തി​യ ഓ​ഫി​സ്​ ഉ​ദ്​​ഘാ​ട​നം ചെ​യ്​​ത​ത്​.

ന്യൂ​യോ​ർ​ക്കി​ൽ നി​യോം ഓ​ഫി​സ് തു​റ​ക്കു​ന്ന​തി​ന് സാ​ക്ഷ്യം വ​ഹി​ക്കു​ന്ന​തി​ൽ ഞ​ങ്ങ​ൾ​ക്ക് സ​ന്തോ​ഷ​മു​ണ്ടെ​ന്ന്​ ഉ​ദ്ഘാ​ട​ന​വേ​ള​യി​ൽ അ​മീ​റ റീ​മ ബി​ൻ​ത്​ ബ​ന്ദ​ർ പ​റ​ഞ്ഞു.

ന​വീ​ക​ര​ണ​ത്തി​നും സു​സ്ഥി​ര വി​ക​സ​ന​ത്തി​നും സാ​മ്പ​ത്തി​ക വൈ​വി​ധ്യ​വ​ത്ക​ര​ണ​ത്തി​നും ഉ​ത്തേ​ജ​ക​മെ​ന്ന നി​ല​യി​ൽ നി​യോം പ്ര​ദാ​നം ചെ​യ്യു​ന്ന അ​വ​സ​ര​ങ്ങ​ൾ സൗ​ദി​യി​ൽ മാ​ത്രം പ​രി​മി​ത​മ​ല്ല. മ​റി​ച്ച്, അ​ത് പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ ചു​റ്റു​പാ​ടു​ക​ളി​ലേ​ക്ക് വ്യാ​പി​ക്കു​ന്നു. ഇ​ത് ഭാ​വി​യി​ലെ ന​ഗ​ര​ങ്ങ​ൾ​ക്ക് ഒ​രു അ​തു​ല്യ മാ​തൃ​ക​യാ​ണെ​ന്നും സൗ​ദി അം​ബാ​സ​ഡ​ർ പ​റ​ഞ്ഞു.

നി​യോ​മി​​ന്റെ കാ​ഴ്​​ച​പ്പാ​ട് കൈ​വ​രി​ക്കു​ന്ന​തി​ന്​ ഞ​ങ്ങ​ളു​ടെ ശ്ര​മ​ങ്ങ​ളെ പി​ന്തു​ണ​ക്കാ​ൻ ക​ഴി​യു​ന്ന അ​ന്ത​ർ​ദേ​ശീ​യ പ​ങ്കാ​ളി​ക​ളു​മാ​യി പ്ര​വ​ർ​ത്തി​ക്കേ​ണ്ട​തി​​ന്റെ പ്രാ​ധാ​ന്യ​ത്തി​ൽ ഉ​റ​ച്ച​വി​ശ്വാ​സ​മു​ണ്ടെ​ന്ന്​ നി​യോം സി.​ഇ.​ഒ എ​ൻ​ജി​നീ​യ​ർ ന​സ്​​മി അ​ൽ​ന​ള്​​ർ പ​റ​ഞ്ഞു. ഈ ​അ​വ​സ​ര​ത്തി​ലാ​ണ്​ ഞ​ങ്ങ​ളു​ടെ അ​ന്താ​രാ​ഷ്​​ട്ര ഓ​ഫി​സ് തു​റ​ക്കാ​ൻ ന്യൂ​യോ​ർ​ക് സി​റ്റി തി​ര​ഞ്ഞെ​ടു​ത്ത​ത്.

നി​ര​വ​ധി അ​മേ​രി​ക്ക​ൻ ക​മ്പ​നി​ക​ളു​മാ​യു​ള്ള നി​ക്ഷേ​പ​ങ്ങ​ളും പ​ങ്കാ​ളി​ത്ത​വും നി​യോം ശ​ക്തി​പ്പെ​ടു​ത്തി​യി​ട്ടു​ണ്ട്. ഈ ​ഓ​ഫി​സി​ലൂ​ടെ അ​മേ​രി​ക്ക​യി​ലെ വ്യ​വ​സാ​യി​ക, ബി​സി​ന​സ് മേ​ഖ​ല​ക​ളു​മാ​യി നി​ക്ഷേ​പ​ബ​ന്ധം വി​ക​സി​പ്പി​ക്കാ​ൻ നി​യോം ആ​ഗ്ര​ഹി​ക്കു​ന്നു​വെ​ന്നും സി.​ഇ.​ഒ പ​റ​ഞ്ഞു.

ന്യൂ​യോ​ർ​ക് സി​റ്റി​യി​ൽ ഓ​ഫി​സ് തു​റ​ക്കു​ന്ന​തി​ലൂ​ടെ അ​മേ​രി​ക്ക​യി​ൽ കൂ​ടു​ത​ൽ പു​തി​യ പ​ങ്കാ​ളി​ത്ത​ങ്ങ​ളും നി​ക്ഷേ​പ അ​വ​സ​ര​ങ്ങ​ളും ക​ണ്ടെ​ത്തു​ന്ന​തി​നും ആ​ക​ർ​ഷി​ക്കു​ന്ന​തി​നും അ​മേ​രി​ക്ക​ൻ സ്ഥാ​പ​ന​ങ്ങ​ളു​മാ​യു​ള്ള നി​ല​വി​ലു​ള്ള ബ​ന്ധം ശ​ക്തി​പ്പെ​ടു​ത്താ​നും ല​ക്ഷ്യ​മി​ടു​ന്നു.​ ആ​ഗോ​ള വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കാ​നും പ്ര​കൃ​തി​യെ സം​ര​ക്ഷി​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ളെ പി​ന്തു​ണ​ക്കു​മെ​ന്നും നി​യോം പ​റ​ഞ്ഞു.