മ​സ്തി​ഷ്കാ​ഘാ​തം വ​ന്ന ത​മി​ഴ്‌​നാ​ട് സ്വ​ദേ​ശി​ക്ക് ന​വ​യു​ഗം തു​ണ​യാ​യി

ദ​മ്മാം: മ​സ്തി​ഷ്കാ​ഘാ​തം വ​ന്ന ത​മി​ഴ്‌​നാ​ട് കും​ഭ​കോ​ണം മു​ഹ​മ്മ​ദ് സു​ൽ​ത്താ​ൻ ജ​ഹീ​ർ ഹു​സൈ​ൻ ന​വ​യു​ഗം സാം​സ്കാ​രി​ക വേ​ദി​യു​ടെ സ​ഹാ​യ​ത്തി​ൽ ചി​കി​ത്സ​ക്കാ​യി നാ​ട്ടി​ലേ​ക്ക്​ മ​ട​ങ്ങി. ദ​മ്മാ​മി​ൽ സ്വ​ദേ​ശി​യു​ടെ വീ​ട്ടി​ൽ ഡ്രൈ​വ​റാ​യി​രു​ന്നു ഇ​ദ്ദേ​ഹം. ര​ണ്ടാ​ഴ്ച മു​മ്പ്​ ജോ​ലി​സ്ഥ​ല​ത്ത് ദേ​ഹാ​സ്വാ​സ്ഥ്യം വ​ന്ന് കു​ഴ​ഞ്ഞു​വീ​ണ് ശ​രീ​ര​ത്തി​ന്‍റെ ഒ​രു​വ​ശം ത​ള​ർ​ന്നു.

സ്പോ​ൺ​സ​ർ ദ​മ്മാം മെ​ഡി​ക്ക​ൽ കോം​പ്ല​ക്​​സ്​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​വി​ടെ​നി​ന്ന്​ ഡോ​ക്ട​ർ​മാ​രു​ടെ നി​ർ​ദേ​ശ​പ്ര​കാ​രം കി​ങ് ഫ​ഹ​ദ് ആ​ശു​പ​ത്രി​യി​ലേ​ക്ക് മാ​റ്റി​യെ​ങ്കി​ലും ഫ​ല​മു​ണ്ടാ​യി​ല്ല.നാ​ട്ടി​ൽ​പോ​യി തു​ട​ർ​ചി​കി​ത്സ ന​ട​ത്താ​ൻ ത​ട​സ്സ​മാ​യ​പ്പോ​ൾ മ​ല​യാ​ളി മാ​ധ്യ​മ​പ്ര​വ​ർ​ത്ത​ക​ൻ ഹ​ബീ​ബ് ഏ​ലം​കു​ളം ന​വ​യു​ഗം ജീ​വ​കാ​രു​ണ്യ പ്ര​വ​ർ​ത്ത​ക​ൻ പ​ത്മ​നാ​ഭ​ൻ മ​ണി​ക്കു​ട്ട​നെ അ​റി​യി​ച്ചു.

ഇ​തോ​ടെ ന​വ​യു​ഗം ജീ​വ​കാ​രു​ണ്യ വി​ഭാ​ഗം ഏ​റ്റെ​ടു​ത്തു. വീ​ൽ​ചെ​യ​റി​ൽ കൊ​ണ്ടു​പോ​കാ​ൻ ഡോ​ക്ട​റും ആ​ശു​പ​ത്രി അ​ധി​കൃ​ത​രും സ​മ്മ​ത​പ​ത്രം ന​ൽ​കി. നേ​ര​ത്തേ ന​വ​യു​ഗം സ​ഹാ​യി​ച്ച മ​റ്റൊ​രു ത​മി​ഴ്‌​നാ​ട് സ്വ​ദേ​ശി​യെ കൂ​ടെ​പ്പോ​കാ​ൻ ത​യാ​റാ​ക്കി. ഇ​വ​ർ​ക്ക് ര​ണ്ടു​പേ​ർ​ക്കും വേ​ണ്ട വി​മാ​ന ടി​ക്ക​റ്റ് ജ​ഹീ​റി​ന്‍റെ സ്പോ​ൺ​സ​ർ ന​ൽ​കി​യ​തോ​ടെ അ​നി​ശ്ചി​ത​ത്വം അ​വ​സാ​നി​ച്ചു. എ​ല്ലാ​വ​ർ​ക്കും ന​ന്ദി പ​റ​ഞ്ഞ് ജ​ഹീ​ർ ഹു​സൈ​ൻ ദ​മ്മാം വി​മാ​ന​ത്താ​വ​ള​ത്തി​ൽ​നി​ന്നും നാ​ട്ടി​ലേ​ക്കു പ​റ​ന്നു.