മലപ്പുറം സ്വദേശി ജിദ്ദയിൽ താമസസ്ഥലത്ത് മരിച്ചു

ജിദ്ദ: മലപ്പുറം എ.ആർ നഗർ പുതിയത്ത് പുറായ (കുന്നുംപുറം) സ്വദേശി തൂമ്പത്ത് സിദ്ദീഖ് (54) ജിദ്ദയിൽ താമസസ്ഥലത്ത് മരിച്ചു. ഫിറോസിയ്യ ഏരിയയിൽ ബൂഫിയ ജോലിക്കാരനായിരുന്ന ഇദ്ദേഹം ഹൃദയസംബന്ധമായ അസുഖത്തിന് ചികിത്സയിലായിരുന്നു. പിതാവ്: മുഹമ്മദ് തൂമ്പത്ത്, ഭാര്യ: പാത്തുമ്മു, മക്കൾ: ഫാത്തിമ സുഹ്‌റ, മുഹമ്മദ് ഫാസിൽ, മുർഷിദ, മുഹമ്മദ് അമീൻ. മൃതദേഹം ജിദ്ദയിൽ ഖബറടക്കുന്നതിനുള്ള നടപടികൾ ജിദ്ദ കെ.എം.സി.സി വെൽഫെയർ വിങ്ങിന്റെ നേതൃത്വത്തിൽ നടന്നുവരുന്നു.