വാഹനാപകടത്തിൽ പരിക്കേറ്റ യു.പി സ്വദേശി റിയാദിൽ അവശനിലയിൽ; സഹായം തേടി മുഖ്യമന്ത്രി യോഗിയെ കാണാൻ പോയ മുത്തശ്ശൻ വാഹനാപകടത്തിൽ മരിച്ചു

റിയാദ്​: വാഹനാപകടത്തിൽ പരിക്കേറ്റ്​ റിയാദിൽ അവശനിലയിൽ കഴിയുന്ന ഉത്തർപ്രദേശ്​ സ്വ​േദശിയെ നാട്ടിലെത്തിക്കാൻ സഹായം തേടി മുഖ്യമന്ത്രി യോഗി ആദിത്യനാഥിനെ കാണാൻ പോയ മുത്തശ്ശൻ വാഹനാപകടത്തിൽ മരിച്ചു. റിയാദിൽ വാഹനാപകടത്തിൽ പെട്ട സുൽത്താൻപൂർ, സംവാദ്​ സൂത്ര്​ സ്വദേശി മുഹമ്മദ്​ ഖുർബാ​​െൻറ (30) മുത്തശ്ശൻ മുഹമ്മദ്​ അബ്രാറാണ്​ (70) ഒക്​ടോബർ 18ന്​ അലഹാബാദ്​ ^ ഫൈസാബാദ്​ ഹൈവേയിലെ ഖജൂർഗഢിൽ വെച്ചുണ്ടായ വാഹനാപകടത്തിൽ മരിച്ചത്​. മുഖ്യമന്ത്രി യോഗിയുടെ അടുത്തിടെ വാർത്താപ്രാധാന്യം നേടിയ അയോധ്യ സന്ദർശനത്തിനിടയിൽ അദ്ദേഹത്തെ നേരിൽ കണ്ട്​ സഹായം അഭ്യർഥിക്കാനുള്ള യാത്രക്കിടെയായിരുന്നു അപകടം. 

ദുരന്തങ്ങൾ ഒന്നിന്​ പിറകെ ഒന്നായി കുടുംബത്തെ വേട്ടയാടുന്നതിനിടെ ഇ​േപ്പാൾ റിയാദ്​ നാഷനൽ ഗാർഡ്​ ആശുപത്രിയിൽ നിന്ന്​ വിട്ടയച്ച ഖുർബാനെ കാണാതായി. പരിക്കുകൾ ഭേദമായതിനെ തുടർന്ന്​ തൊഴിലുടമ ഡിസ്​ചാർജ്​ ചെയ്​ത്​ കൊണ്ടുപോയെന്നാണ്​ അറിയുന്നത്​. അതേസമയം എവിടെയാണുള്ളതെന്ന്​ വീട്ടുകാർക്ക്​ വിവരമൊന്നും ലഭിച്ചിട്ടില്ല. വിഷയത്തിൽ ആദ്യം മുതലേ ഇടപെടുന്ന റിയാദിലെ മലയാളി സാമൂഹിക പ്രവർത്തകൻ ഷാനവാസ്​ രാമഞ്ചിറ അന്വേഷണം നടത്തിയെങ്കിലും കണ്ടെത്താനായില്ല. 

ഒന്നര വർഷം മുമ്പ്​ റിയാദിലെത്തിയ ഖുർബാൻ സ്വദേശി വീട്ടിൽ ഡ്രൈവറായിരുന്നു. ആഗസ്​റ്റ്​ 13ന്​ ഖുറൈസ്​ റോഡിൽ എക്​സിറ്റ്​ 30ന്​ സമീപം ഇയാൾ ഒാടിച്ച കാറിന്​ പിന്നിൽ മറ്റൊരു വാഹനമിടിച്ചാണ്​ അപകടമുണ്ടായത്​. പരിക്കേറ്റ്​ റോഡരുകിൽ കിടന്ന അജ്ഞാതൻ എന്ന നിലയിലാണ്​ പൊലീസ്​ ഇയാളെ ആശുപത്രിയിലെത്തിച്ചത്​. ഇഖാമയുൾപ്പെടെ തിരിച്ചറിയാൻ സഹായിക്കുന്ന രേഖകളൊന്നുമുണ്ടായിരുന്നില്ല. ഒരു മാസമായിട്ടും ആരും അന്വേഷിച്ചെത്തിയതുമില്ല. ആശുപത്രി ജീവനക്കാരിൽ നിന്ന്​ വിവരമറിഞ്ഞാണ്​ ഷാനവാസ്​ ആശുപ​ത്രിയിലെത്തിയത്​. യുവാവ്​ അർധബോധാവസ്ഥയിലായിരുന്നു. സംസാരിക്കാനും കഴിയില്ലായിരുന്നു. ദിവസങ്ങൾക്ക്​ ശേഷം നേരിയ തോതിൽ സംസാരിക്കാനായപ്പോൾ നാട്ടിലെ ബന്ധുക്കളുടെ ഫോൺ നമ്പർ ചോദിച്ചറിഞ്ഞ്​ ഷാനവാസ്​ വിവരം വിളിച്ചറിയിക്കുകയായിരുന്നു. 

യുവാവിനെ കാണാനില്ല എന്ന വിവരമേ വീട്ടുകാർക്ക്​ അപ്പോഴുണ്ടായിരുന്നുള്ളൂ. തുടർന്ന്​ നാട്ടിൽ കൊണ്ടുപോകാനുള്ള ശ്രമമാരംഭിച്ചു. ഇതിന്​ വേണ്ടി കുടുംബം ​വിദേശമന്ത്രി സുഷമ സ്വരാജിന്​ സഹായം തേടി കത്തയച്ചിരുന്നു. മുഖ്യമന്ത്രിയെ നേരിൽ കണ്ട്​ സഹായം അഭ്യർഥിക്കാനാണ്​ മുത്തശ്ശൻ അബ്രാർ പോയത്​. അത്​ ദുരന്തത്തിൽ അവസാനിച്ചു. പിതാവ്​ മുഹമ്മദ്​ അമീനും മറ്റ്​ കുടുംബാംഗങ്ങളും ആകെ തകർന്ന അവസ്ഥയിലാണ്​. ഇപ്പോൾ മകനെ കാണാതായെന്ന വിവരം കൂടി അറിഞ്ഞതോടെ തളർന്നുപോയി. മാതാവ്​ രോഗശയ്യയിലുമായി. യു.പിയിലെ സാമൂഹിക പ്രവർത്തകൻ അബ്​ദുൽ ഹഖാണ്​ കുടുംബത്തിന്​ താങ്ങായി രംഗത്തുള്ളത്​. റിയാദിൽ ഷാനവാസ്​ യുവാവിനെ കുറിച്ചുള്ള അന്വേഷണവുമായി രംഗത്തുണ്ട്​.